KRISTUMIUTUT INUUNEQ
Aliikkutassianik silatusaartumik toqqaagit
Sooq aliikkutassianik silatusaartumik toqqaasariaqarpugut? Filmimik isiginnaagassatsinnik, erinarsuutinik tusarnaagassatsinnik, nittartakkamik iserfigisassatsinnik, atuakkanik atuagassatsinnik spilligassatsinnilluunniit toqqaagaangatta isumarput sunik immissanerlugu aalajangertaratta. Toqqakkavut pissusilersornitsinnut sunniuteqartarput. Ajoraluartumik ullumikkut aliikkutassiat ilarpassui Jehovap assuarai. (Tuss 11:5; Gal 5:19-21) Taamaattumik Biibilimi kajumissaarneqarpugut Jehovamut nersornartut eqqarsaatigiuaqqullugit. – Fil 4:8.
FILMI HVILKEN SLAGS UNDERHOLDNING SKAL JEG VÆLGE? ISIGINNAARIARLUGU APEQQUTIT UKU AKIKKIT:
-
Itsaq Romamiut isiginnaartitsivianni sakkuaattarneq ullumikkullu aliikkutassiat ilaat qanoq assigiissuteqarpat?
-
Ilagiinniittut inuusunnerusortatik aliikkutassianik silatusaartumik toqqaanissaannut qanoq ikiorsinnaavaat?
-
Aliikkutassianik toqqaaniarnitsinni qanoq Romamiut 12:9 iluaqutigisinnaavarput?
-
Illit illoqarfinni aliikkutassiat suut kristumiunut tulluartuuppat?