Eqqaaniaanermi utertitsissut tunngavigalugu siunissami pilluaqqussutit, soorlu makititsinerup, eqqarsaatigeqqissaarnissaannut periarfissarpassuaqarpugut. Inuit toqusarnissaat Jehovap siunertarinngilluinnarpaa. Taamaattumik asasamik toqukkut annaasaqarnermik aliasuutiginninneq misigissutsikkut artornarnerpaanut ilaavoq. (1 Kor 15:26) Jiisusi ajoqersukkani Lazarusip toquneranik aliasuutiginnittut takullugit aliatsangaarpoq. (Joh 11:33-35) Jiisusi angusisarluinnarmat asasatsinnik toqukkut annaasaqarnitsinni aliasunnerput takullugu Jehova aliatsangaartartoq qularinngissinnaavarput. (Joh 14:7) Jehovap piffissaq kiffaminik toqusimasunik makititsinissani qilanaarilluinnarpaa, uaguttaaq tamanna qilanaarilluinnartariaqarparput. – Es 25:8.

Jehova aaqqissuulluagaanermut Guutiummat aaqqissuulluakkamik makititsisoqarnissaata upperinissaanut tunngavissaqarluarpugut. (1 Kor 14:33, 40) Taamanikkussamut ilisisoqartarunnaarluni makittunik tikilluaqqusisoqartalissaaq. Pingaartumik aliasunnerup nalaani makititsisoqarnissaa eqqarsaatigeqqissaartarpiuk? (2 Kor 4:17, 18) Utertitsissummik tunissutaa Allakkanilu Illernartuni toqusut makikkumaarnerannik paasinarsisitsinera pillugu Jehova qutsavigisarpiuk? – Kol 3:15.

• Ikinngutitit ilaquttatilluunniit kikkut takoqqinnissaat qilanaarinerpaaviuk?

• Inuit Biibilimi allaatigineqartut kikkut oqaloqatiginissaat qilanaarinerpaaviuk?