OQALUUSSINERMUT PIAREERSARNEQ
Oqaluussinermi pikkorinnerulerit – Nammineq aallarniusiornikkut
SOOQ PINGAARUTEQARTOQ: Najoqqutassami matumani aallarniutitut siunnersuutit iluaqutaagaluartut isumassarsiorfissaannaapput. Nammineq oqaatsitit atortakkit. Immaqa aallarniut imaluunniit sammisaq alla illoqarfissinni sunniuteqarluarnerusoq atussallugu iluarinerussavat. Taamaappat atuagassiaq atuareerukku, aallarniutitut siunnersuutit eqqarsaatigereerukkit neqeroornerlu pillugu filmit isiginnaareerlugit siunnersuutit tulliuttut nammineq aallarniusiornissannut atorsinnaavatit.
QANOQ TAAMAALIORSINNAASUTIT:
Imminut ima aperigit: ‘Aallarniutitut siunnersuutit ilaat atorusuppara?’
AAP
-
Aallarniutissat piareersaruk. Pisarnittut ilassinnereerlutit kasuttorninnut pissutaasoq ersarissumik oqaatigiuk. (Assersuut: “Kasuttorpunga ...”)
-
Apeqqutip, allassimaffiup neqeroornerullu akornanni qanoq ikaarsaariassanerlutit eqqarsaatigiuk. (Assersuut: Allassimaffik atuarumallugu oqarsinnaavutit: “Apeqqummut akissut naammaginartoq uaniippoq.”)
NAAMIK
-
Atuagassiami sammisaq soqutigisat oqaluussiffigisartakkannilu soqutigineqarsinnaasoq toqqaruk
-
Apeqqut eqqarsalernartoq oqaloqateqarnissamut kajumissuseqalersitsisoq pulaakkamilli peqqusiileqilersitsinngitsoq eqqarsaatigiuk. (Assersuut: Apeqqut atuagassiami qupperneq 2-miittoq.)
-
Allassimaffik atuagassat toqqaruk
-
Pulaakkap allaaserisamik atuarnini qanoq iluaqutigissaneraa oqaaseqatigiit ataatsit marlulluunniit atorlugit oqaatigiuk
QANORLUUNNIIT AKIGALUARPAT
-
Aggeqqikkuit apeqqut sammisassarsi eqqaajuk
-
Tulliani eqqartueqatigiinnissassinnut iluaqutissannik allattuigit
