Quppersagaq Ullumikkut kikkut Jehovap piumasaatut iliorpat? Biibilimik atuaqqissaaqateqarnerup aallartinnerani naaneraniluunniit sammineqartartussatut suliaavoq. * Ilinniagassani 1-4 atuaqqissaaqatigineqartartut kikkuunitsinnik ilinniartinneqarput, ilinniagassani 5-14 sunik suliaqartarnitsinnik paasinninnissamut ikiorneqarput ilinniagassanilu 15-28 peqatigiiffipput pillugu ilinniartinneqarlutik. Ilinniagassat ilaat ingerlaannaq sammineqarnissaat pisariaqanngippat tulleriiaarlugit samminissaat pitsaanerusarpoq. Ilinniagassat tamarmik quppernermik ataatsimik takissuseqartut minutsini tallimani quliniluunniit atuaqqissaaqatigisartagarlu eqqartorneqarsinnaapput.

• Ilinniagassap qulequtaani apeqqut maluginiaqqujuk

• Ilinniagassaq tamaat immikkoortukkaarlugu qulequtaarakkaarluguluunniit atuarsiuk

• Atuariikkasi eqqartorsigit. Quppernerup ataani apeqqutit assillu atukkit. Allassimaffiit innersuussutigineqartut naleqquttut atuariarlugit eqqartorsigit. Qulequtaaqqat ersarissumik allannillit qulequttami apeqqummik akisisut erseqqissaruk

• Ungalusat “Iliuuserisinnaasatit” atuartarsigit atuaqqissaaqatigisallu siunnersuutigineqartunik maleruaaqqullugu kajumissaartarlugu