SOOQ PINGAARUTEQARTOQ: Apustilip Paulusip kristumioqatiminut qiim­mas­saal­luni al­lagaasa 14-iusut ilagaat Korinthimiunut al­lak­kat siul­liit. Al­lat­tup al­lak­katigut oqaasis­sani pif­fis­saqarluarluni eq­qarsaatigisin­naavai al­lak­kal­lu tigusisus­samit atuar­neqaqat­taarsin­naal­lutik. Al­lak­kat ilaqut­tanut nalun­ngisanul­lu nalunaajaataal­luarsin­naap­put. Aam­ma inum­mut oqaloqatigisin­naan­ngisatsin­nut nalunaajaataal­luarsin­naap­put, as­sersuutigalugu soqutigin­nin­nermik ersersitsisimasoq angerlarsiman­ngivit­tar­pat. Oqaluus­sif­figisar­tak­katsin­ni im­maqa inuit ilaat inis­siani isuman­naal­lisagaasorujus­suar­ni ataatsimoorus­samiluun­niit isaarialim­mi imaluun­niit avin­ngarusimasumi najugaqar­nerat pis­sutigalugu naapik­kuminaas­sin­naap­put. Al­lak­kani, pingaar­tumik ilisarisiman­ngisatsin­nut al­lak­kaangat­ta, suut eq­qaamasariaqar­pavut?

QANOQ TAAMAALIORSINNAASUTIT:

• Inut­taa isigalugu oqaasererusutatit al­lak­kit. Siul­lermik im­minut ilisaritigit erseq­qis­sarlugulu sooq al­lan­nerlutit. Im­maqa eq­qarsaatigisas­saanik apeq­quteqarfigisin­naavat nit­tar­tak­katsin­nul­lu in­nersuul­lugu. Taava angerlarsimaf­fim­mi qanoq Biibilimik atuaq­qis­saaqatigiit­toqar­tar­nera eq­qaajuk Biibililersaarutit­talu ilaan­nit qulequt­tat ilaan­nik is­suaal­lutit. JW.ORG pil­lugu kor­ti, qaaq­qusis­sut naqitaararluun­niit al­lak­kan­nut ilan­ngus­sinaavat

• Takisuulioqinak. Al­lak­kanik tigusisup atuakatalin­ngin­nerani al­latatit naggasik­kit. As­sersuut takuuk

• Kuk­kunersiorlugil­lu atuaruminarsak­kit. Al­lak­kat inus­siar­ner­palaar­tuunis­saat, pis­suseris­saar­palaar­tuunis­saat isumal­luar­palaar­tuunis­saal­lu qulak­keeruk. Naam­mat­tunik meq­qileruk