Ilin­niar­titsinermi iluaqutis­sat takuneqarsin­naasut pis­sarsiaqaataal­luar­tar­put sunalu ilin­niar­titsis­sutigineqar­nersoq paasil­luar­neqar­tarlunilu eq­qaamaneqar­tarluni. Ilin­niar­titsisorsuat­ta, Jehovap, pingaarutilim­mik ilin­niar­titsinermi takuneqarsin­naasut ator­tar­pai. (1 Mos 15:5; Jer 18:1-6) Periaaseq taman­na aam­ma ajoqersuisorsuatsin­nit, Jiisusimit, ator­neqar­tar­poq. (Matt 18:2-6; 22:19-21) Ilin­niar­titsinermi ukiuni kingul­ler­ni iluaqutaal­luarsimasut ilaat tas­saap­put filmit. Biibilimik atuaq­qis­saaqateqaraangavit filmit atorluar­tar­pigit?

Filmit qulit qup­persak­kami Tusagassat nuannersut Guutimeersut!-mi ilin­niar­titsis­sutigineqar­tunut tul­luarsagaap­put. Filmit qulequtaat amerlanerit qup­persak­kami apeq­qutinut ersaris­sumik naqin­nilin­nut as­singup­put. Qup­persak­kami nit­tar­tak­katsin­ni jw.org-imiit­tumi filmit takutin­neqariaan­naal­lutik piareeq­qap­put. Filmit­taaq al­lat Biibililersaarutinut al­lanut ilin­niar­titsinermi ator­tak­katsin­nut ator­neqarsin­naap­put.

Biibilimi sam­misat ilaat atuaq­qis­saaqatigisar­tak­kan­nut paasiuminaatsoq sam­mivisiuk? Atuaq­qis­saaqatigisar­tak­kal­luun­niit arlaatigut misilin­neqar­pa? JW Broadcasting®-imi imaluun­niit jw.org®-imi filmimik iluaqutigisin­naasaanik ujaasigit. Im­maqa atuaq­qis­saaqatigisal­lu filmit ilaat isigin­naarsin­naavarsi kingor­nalu eq­qar­torlugu.

Qaam­matit tamaasa filmit nutaat saq­qum­mer­tar­put. Isigin­naaraangak­kit al­lanik ilin­niar­titsinermi qanoq atorsin­naanerlugit eq­qarsaatigisak­kit.