Pin­ngor­titarsuarmi ajunaar­nersuit ullumik­kut nalingin­naaleralut­tuin­nar­put. Ajunaar­nersuaqar­til­lugu ikiuiniar­nerit aaq­qis­suul­luagaasariaqar­put. Taamaat­tumik Siulersuisoqatigiit aaq­qis­suus­sip­put immik­koor­tor­taqarfinni tamani Ajunaar­nersuaqar­til­lugu Ikiuiniarfin­nik pilersitsisoqar­nias­sam­mat.

Qatan­ngutit ikiuiniarfin­niit­tut ajunaar­nersuaqar­toq paasigaangamikku utoq­qaaner­tanut ajunaar­nersuaqarfiusumiit­tunut ingerlaan­naq attaveqar­tas­sap­put oqaluus­sisar­tut sunik pisariaqar­titsis­sanersut paasiniaal­lutik. Ima aseruatitersimasoqar­tigip­pat qatan­ngutit tas­saniit­tut nam­min­neq iliuuseqarsin­naanatik, immik­koor­tor­taqarfim­mit qatan­ngutit piumasaqaatinik eqqor­titsisut ikiuiniar­nermi siut­tuusus­satut sulias­sin­neqas­sap­put. Qatan­ngutit taakku kajumis­sutsimin­nik suleqataasus­sarsiorsin­naap­put aalajangersimasunil­luun­niit tunis­suteqar­nis­samik kajumis­saarisin­naal­lutik, ajunaar­nersuaqarfiusumiluun­niit pisariaqar­tin­neqar­tunik pisiniarsin­naap­put taak­kunin­ngalu agguaas­sisin­naal­lutik.

Pis­sutsinik taamatut iliuuseqarfigin­nin­neq iluaqutis­sar­tar­pas­suaqar­poq. Qatan­ngutit peq­quneqar­natik iliuuseqar­nerata kingunerisaanik pisariaqan­ngitsumik suliaqar­toqar­nis­saa, paatsiveerut­toqar­nis­saa aamma tunis­sutigineqar­tut ator­tullu maangaan­nar­tin­neqar­nis­saat pin­ngitsoor­tin­neqar­tar­put.

Qatan­ngutit immik­koor­tor­taqarfim­mit suliak­ker­neqar­tut ikiuiniar­nermi aningaasanik qanoq atuisoqar­tiginis­saa ikiuiniaqataasullu qanoq amerlatiginis­saat aalajangiif­figisin­naavaat. Aamma ajunaar­nersuaqarfiusumi atorfilin­nut ikiuiniarluta piler­tor­tumik suliniuteqarsin­naaq­qul­luta ikiuisin­naasar­tunut attaveqarsin­naap­put. Taamaat­tumik peq­quneqarsiman­ngik­kuit katersuiniarlutit ikiuiniar­nermilu nas­sius­suiniarlutit iliuuseqar­niaqinak, eqqugaaf­fiusumullu ornigun­niaqinak.

Ajunaar­nersuaqar­til­luguli ikiuutaarusut­tar­pugut. (He 13:16) Qatan­ngutigummi asavagut! Taava qanoq iliorsin­naavugut? Pingaar­ner­paamik ajunaar­nersuarmi eqqugaasut ikiuiniaqataasullu qin­nus­sin­naavagut. Aamma nunarsuaq tamak­kerlugu sulianut tunis­suteqarsin­naavugut. Immik­koor­tor­taqarfiit Siulersuisoqatigiin­nit siulersor­neqarlutik aalajangiil­luarsin­naaner­paap­put tunis­sutigineqar­tut sumut atorluar­ner­paas­sanersut. Ikiuutaarusuk­kut­talu sanaar­tor­tuunis­samik qin­nuteqaam­mik (DC-50) immersuisin­naavugut.

ISIGINNAAGASSIAQ ØDELÆGGENDE OVERSVØMMELSER I BRASILIEN ISIGINNAARIARLUGU APEQQUT UNA AKIUK:

2020-mi Brasiliami qarsutsinersuaqarmat Jehovap Nalunaajaasuisa ikiuiniar­neran­nut tun­ngatil­lugu suna kil­lin­neqaatigaajuk?