Apriilip 29–maajip 5
TUSSIAATIT 34-35
Erinarsuut 9 qinunerlu | Aallarniineq (Min. 1)
1. Jehova qaqugukkulluunniit unnersiutigisaruk
(Min. 10)
Daavi allaat ajornartorsiortilluni Jehovamik unnersiutiginnittarpoq (Ts 34:2; w07 1/4 14 § 11)
Daavi imminut nersornani Jehovamik nersorinnippoq (Ts 34:3-5; w07 1/4 14 § 13)
Daavip nersorinninnera ikinngutaasa nakussatsissutigaat (Ts 34:6; w07 1/4 15 § 15)
Daavi Abimelekimit aniguimmat angutit Saulimik iluarinninngitsut 400-t Daavimut inoqajuitsumiittumut ilaliupput. (Sa1 22:1, 2) Daavip tussiaasiamini tamatumani inuit taakku eqqarsaatigisimasinnaavai. – Ts 34:1.
IMMINUT APERIGIT: ‘Ataatsimiigiaruma oqaloqateqartillunga Jehova qanoq nersorsinnaavara?’
2. Anersaakkut erlinnartut
(Min. 10)
-
Ts 35:19 – Daavip ‘uumiginnitsimi qiviartannginnissaat’ qinnutigimmagu qanoq isumaqarpa? (w06 1/5 11 § 1)
-
Sapaatip-akunnerani matumani Biibilimi atuagassani anersaakkut erlinnartut suut oqaaseqarfigerusuppigit?
3. Biibilimit atuffassineq
(Min. 4) ApS 10:1-8 (th ilinniagassaq 5)
4. Oqaloqatiginneqqaarneq
(Min. 2) TORRUTIINNARLUGU OQALUUSSINEQ. Biibilimik suli eqqartuilinngitsutit oqaloqatigiikkunnaarpusi. (lmd ilinniagassaq 1 immikkoortoq 4)
5. Pulaaqqiineq
(Min. 4) TORRUTIINNARLUGU OQALUUSSINEQ. (lmd ilinniagassaq 2 immikkoortoq 4)
6. Upperisamik nassuiaaneq
(Min. 5) Takutitsineq. ijwfq 59 – Qulequtaq: Jehovap Nalunaajaasuisa nalliuttoq aalajangersimasoq peqataaffigisinnaanerlugu qanoq aalajangertarpaat? (th ilinniagassaq 17)
Erinarsuut 63
7. Ataatsimiinnerni Jehovamik unnersiutiginneriaatsit pingasut
(Min. 15) Eqqartuineq.
Ataatsimiinnerni Jehovamik unnersiutiginninnissamut periarfissaqarluartarpugut, ilaatigut imatut:
Oqaloqatigiinnerni: Jehovap ajunngissusianik eqqartuisarit. (Ts 145:1, 7) Tusarnaartillutit atuartillutilluunniit iluaqutigisinnaasannik puiuikkiussaqarpit? Oqaluussininni nuannersumik misigisaqarpit? Qiimmassarneqarsimavit? Pinngortitami alutorisannik maluginiagaqarpit? Tamakku tamarmik Jehovamit tunissutaapput. (Ja 1:17) Oqaloqateqarnissannut piffissaqarumallutit aggiaartarit.
Akissutinni: Ataatsimiinnerni tamatigut ataasiaannarlutilluunniit akissuteqarniartarit. (Ts 26:12) Apeqqutigineqartoq akisinnaavat, imaluunniit immikkoortumi oqaatiginiarneqartoq alla, allassimaffik, assiliaq ilinniagassartaaluunniit eqqartorsinnaavat. Allattaaq nappaasarmata akissutigisinnaasannik arlalinnik piareersartarit. Akissutigut sekundinit 30-nit sivikinneruppata ‘unnersiutiginnissummik pilliuteqarsinnaasut’ amerlanerussapput. – He 13:15.
Erinarsornermi: Erinarsoqataalluartarit. (Ts 147:1) Ingammik ilagiinni amerlasuunik oqaluussisartulinni ilaannikkut akeqquneqanngitsoortarsinnaavutit, erinarsoqataajuaannarsinnaavutilli. Erinagissorinngikkaluarlutilluunniit sapinngisannik erinarsoraangavit Jehova qanoq nuannaartartigissasoq takorlooruk! (Ko2 8:12) Angerlarsimaffinni erinarsornissannut sungiusartarsinnaavutit.
VIDEO takutiguk: Vores levende historie – Sang og musik, 1. del. Taava najuuttut ima aperikkit:
Ullumikkut peqatigiissortatsinni siusissukkulli qanoq ersersinneqarpa erinarsorluni Jehovamik unnersiutiginninnissaq pingaaruteqartoq?
