Qanit­tuararsuak­kut Jehovap nunarsuarmi inuit ajor­tut naam­magit­tarfigiun­naas­savai. Upperisarsior­neq eqqun­ngitsoq piuneerus­saajumaar­poq, naalagaaf­fiit iligiil­lutik Guutip innut­taanik saas­sus­sis­sap­put, Jehovallu Harmagedon­nimi ajor­tut suujun­naarsis­savai. Kristumiut pisus­sat pingaarutil­lit pis­sanganar­tullu taak­kua pinis­saat qilanaaraat.

Soorunami imaan­ngilaq annikil­lior­nar­tus­sarsuarmi pisus­sat tamaviisa ilisimagigut. Assersuutigalugu naluar­put qaqugor­piaq aal­lar­tis­sanersoq. Politik­kimi pis­saanil­lit upperisarsior­nermik saas­sus­sinermin­nut suut patsisigiumaar­neraat naluar­put. Naalagaaf­fiit Guutip innut­taanik saas­sus­sinerat qanoq sivisutigis­sanersoq qanorlu pis­sanersoq naluar­put. Aamma naluar­put sor­piaat atorlugit Jehova Harmagedon­nimi ajor­tunik suujun­naarsitsiumaar­nersoq.

Paasis­sutis­salli siunis­sami pisus­sanut tun­ngatil­lugu isumal­luarlutalu sapiis­suseqar­nis­samut pisariaqar­titagut tamarmik Biibilimi allas­simap­put. Assersuutigalugu nalun­ngilar­put ‘ullut kingul­liit’ naaler­neranni inuul­luta. (Ti2 3:1) Nalun­ngilar­put ullut upperisarsior­nermik saas­sus­sif­fiusut ‘ikilisin­neqarumaar­tut’ upperisarsior­neq ilumoor­toq suujun­naarsin­neqan­ngin­nias­sam­mat. (Mt 24:22) Nalun­ngilar­put Jehovap innut­tani aniguisik­kumaarai. (Pe2 2:9) Aamma nalun­ngilar­put Jehovap ajor­tunik suujun­naarsitsisus­satut Harmagedon­nimilu ‘inup­par­pas­suar­nik’ annaas­sisus­satut toq­qagaa naaper­tuil­luar­tuul­lunilu pis­saaneqangaar­tuusoq. – Sq 19:11, 15, 16.

Siunis­sami pisus­sat inuit ‘ersinermik ilisimajun­naas­sutigis­savaat’. Jehovalli innut­taminik annaas­siniarluni iliuuserisimasaanik siunis­sarlu pil­lugu paasinarsisis­simasaanik atuarlutalu eqqarsaatigin­neq­qis­saar­taratta aniguisitaangajaler­ner­put upperalugu ‘nikuil­luta niaq­qugut mas­sitsis­sin­naas­savagut’. – Lu 21:26, 28.