Annikilliornartussarsuaq nalliutingajalermat oqaluussinerput nukinginnarpoq. (Uss 24:11, 12, 20) Inuit ikiorumallugit Guutip oqaasia nittartagarpullu takuniassammatigit jw.org pillugu kortit atorsinnaavavut. Kortimi QR-kodeqarpoq filmimut Sooq Biibilimik atuaqqissaartariaqarpit?-mut aamma paasisaqarnerunissamut Biibilimilluunniit atuaqqissaartalernissamik immersuivimmut innersuussisumik. Inuit ilaasa Biibililersaarutitsinnik perusunneq ajortut nittartagarput takorusuttarpaat. Kortimik tunisakkit. Soqutiginninngitsulli kortinik tunissanngilavut.

Ulluinnarni suliaqartillutit ima oqarlutit soqutiginninnermik ineriartortitsisinnaavutit: “Uuminnga tunerusuppakkit. Kortimi nittartakkatsinnut innersuussuteqarpoq, tassani assigiinngitsut pillugit akeqanngitsunik paasissutissaqarlunilu filmeqarpoq.” (Joh 4:7) Kortit mikimmata qaqugukkulluunniit atortarniassagakkit amerlanngitsut nassartuaannarsinnaavatit.