Oqaluppallaarneq: Misigissanngilatit suut tamaasa nassuiartariaqarlugit. Jiisusip apeqqutit atorlugit inuit eqqarsalersittarlugillu eqqortumik inerniliisittarpai. (Matt 17:24-27) Apeqqutit atuaqqissaaqatigiinnermik soqutiginartunngortitsisarlutillu atuaqqissaaqatigisavit qanoq paasinnittaaseqarneranik upperisaqarneranillu paasinninnissannut iluaqutigissavatit. (be-D qupp. 253 § 3-4) Apeqquteqaraangavit erinitsajuillutillu aperisavit akinissaa utaqqisaruk. Atuaqqissaaqatigisat kukkusumik akippat akissummik eqqortumik oqaluttuunnagu apeqquteqaqqinnikkut eqqortumik inernileeqqullugu ikioruk. (be-D qupp. 238 § 1-2) Sumiiffimmi atuaqqissaaqatigisavit paasissutissanik nutaanik paasinninnissaminut akornutiginngisaani oqaloqatigiigitsi. – be-D qupp. 230 § 4.

Paasiuminaatsuliorneq: Sammisaq pillugu ilisimasatit tamaasa oqaluttuarinaveersaakkit. (Joh 16:12) Immikkoortumi pingaarnerit kisiisa sammikkit. (be-D qupp. 226 § 4-5) Annikitsualuit, allaat soqutiginartut, sammineqartumik paasiuminaatsunngortitsisinnaapput. (be-D qupp. 235 § 3) Atuaqqissaaqatigisavit sammineqartoq pingaarneq paasippagu immikkoortup tullianut ingerlaqqigit.

Paasissutissanik taamaallaat sammisaqarneq: Sammineqartut kisiisa eqqartornissaat anguniagarinagu uummatit killinnissaat anguniagaraarput. (Luk 24:32) Ilinniagassami allassimaffiit pingaarnerit samminerisigut Guutip oqaasiata sunniisarnera atorluaruk. (2 Kor 10:4, 5; Hebr 4:12; be-D qupp. 144 § 1-3) Paasiuminartumik assersuusiorit. (be-D qupp. 245 § 2-4) Atuaqqissaaqatigisavit inuttut unamminiarnartitai upperisaalu eqqarsaatigeriarlugit ilinniagassaq taassumunnga naleqqussaruk. Ima aperisarsinnaavutit: “Ilinniakkatit qanoq isumaqarfigaagit?” “Tamatumannga Jehova pillugu suut ilikkarpavut?” “Siunnersuutip maleruarnera qanoq iluaqutigisinnaaviuk?” – be-D qupp. 238 § 3-5; qupp. 259 § 1.