KRISTUMIUTUT INUUNEQ
Oqaluussinermi pikkorinnerulerit – Soqutiginnittut ataatsimiinnerni najuunnissamik kajumissaarnerisigut
SOOQ PINGAARUTEQARTOQ: Ataatsimiinnerni ‘Jehova erinarsorfigisarlugulu nersortarparput’. (Tuss 149:1) Ataatsimiinnerni Guutip piumasaatut iliornissamik ilinniartinneqartarpugut. (Tuss 143:10) Soqutiginnittut Biibilimillu atuaqqissaaqatigineqartartut ataatsimiinnerni najuuttaleraangamik amerlanertigut siumukarnerusarput.
QANOQ TAAMAALIORSINNAASUTIT:
-
Sapinngisamik ingerlaannaq qaaqqukkit. Biibilimik atuaqqissaartalernissaq utaqqeqqaartariaqanngilat. – Saqq 22:17
-
Soqutiginnittoq ataatsimiinnermi pisussanik sammineqartussanillu nassuiaaguk. Tamatumunnga tunngatillugu uku iluaqutigineqarsinnaapput: Ilagiit ataatsimiinnerinut qaaqqusissut, filmi Naalagaaffilersaarfimmi susoqartarpa? aamma quppersakkami Jehovap piumasaatut iliortut-mi ilinniagassat 5 aamma 7
-
Ikiuiumagit. Soqutiginnittoq aqqusaarneqartariaqarpa imaluunniit atisanik naleqquttunik toqqaaniarnerani ikiugassaava? Ataatsimiinnermi issiaqatigiuk Biibililersaarutinnillu malinnaaqatigalugu. Allanut ilisaritiguk