Imarisai

Iserfissaq (opens new window)
JW.ORG-imi ujarlerit

Jiisusi qanoq isikkoqarpa?

Jiisusi qanoq isikkoqarpa?

Akissut Biibilimeersoq

 Jiisusip timaa Biibilimi al­laatigineqan­ngim­mat kialuun­niit qanor­piaq isik­koqar­nera ilisiman­ngilaa. Jiisusip isik­kuata pingaaruteqan­ngin­nera tamatuman­nga ersersin­neqar­poq. Biibilili tun­ngavigalugu qanoq isik­koqar­toq takorluukan­nersin­naavar­put.

  •   Timikkut pisatai: Jiisusi juutiuvoq anaanamilu siuaavi Semik­kuusut as­sigipajaarsimas­sal­lugit. (Hebræerit 7:14) Isik­kuata al­lanar­nera ilimanar­pal­laan­ngilaq. Ataasiarluni iser­torluni al­lanil­lu ilisarineqar­nani Galilæamit Jerusalemimut angalavoq. (Johan­nesi 7:10, 11) Aam­ma apustiliminit qaniginer­paasaminit isik­kumigut al­laanerual­laan­ngilaq. Eq­qaamajuk inup­pas­suit sak­kulisar­tut tigusarin­nit­tus­sat kia Jiisusiuneranik Judasimit Iskariotimit paasitin­neqar­tariaqarmata. – Matthæusi 26:47-49.

  •   Nujaasa takissusii: Biibilimi al­las­simam­mat ‘angutip takisuunik nujaqar­nini narrunarsaatigis­sagaa’ Jiisusip nujak­kaajusimanera ilimanan­ngilaq. – 1 Korinthimiut 11:14.

  •   Umii: Jiisusi umeqar­poq. Juutinut inatsisit malip­pai, taak­kunanilu al­las­simavoq ‘umit ilan­ngar­ter­neqar­tas­san­ngitsut’. (3 Mosesi 19:27; Galatiamiut 4:4) Aam­ma Biibilimi Jiisusip naal­liun­nis­saa siulit­tuutigineqarmat umii eq­qaaneqar­put. – Esaja 50:6.

  •   Timaa: Ilimanar­poq Jiisusi nukit­tusoq. Oqaluus­sinermini kilometerer­pas­suit angalasar­poq. (Mat­thæusi 9:35) Aningaasanik nioq­quteqar­tut nerriviisa up­pitin­nerisigut juutit naalaf­fiat marloriarluni minguiar­paa ataasiarlunilu nersutit iperaatserluni aniatil­lugit. (Lukasi 19:45, 46; Johan­nesi 2:14, 15) McClintockip aam­ma Strongip Cyclopedia-n­ni al­las­simavoq: “[Jiisusip] nukit­tunera iivangkiiliuni oqalut­tuanit ersersin­neqar­poq.” – Atuagaq IV, qupp. 884.

  •   Kiinaata isikkua: Jiisusi asan­nit­tuul­lunilu misigin­neqatigin­nit­tuuvoq, taman­nalu qular­nan­ngitsumik kiinaatigut takuneqarsin­naavoq. (Mat­thæusi 11:28, 29) Inuit tamalaat tup­pal­lersar­neqarumal­lutik ikior­neqarumal­lutil­lu Jiisusimut or­nigut­tar­put. (Lukasi 5:12, 13; 7:37, 38) Al­laat meeq­qat ilagis­sal­lugu nuan­narisar­paat. – Matthæusi 19:13-15; Markusi 9:35-37.

Jiisusip isikkua pillugu kukkusumik isummernerit

 Kukkusoq: Saq­qum­mersitani Jiisusip nujai savat meq­quinut isigaalu ‘kan­ngus­saasanut qil­laris­sak­kanut’ as­sersuun­neqarmata inuit ilaat oqar­tar­put Afrikamiunit naggueqarsimas­sasoq. – Saq­qum­mersitat 1:14, 15, The New Jerusalem Bible.

 Eqqortoq: Saq­qum­mersitani al­las­simasut nalunaaqutaap­put, tas­sa as­sersuutaap­put. (Saq­qum­mersitat 1:1) Jiisusip nunarsuarmiin­nermini qanoq isik­koqar­nera pin­nagu kisian­ni toqusunit makititaanermi kingor­na pis­susii al­laatiginiarlugit nujai isigaalu as­sersuutaasumik al­laatigineqar­put. Saq­qum­mersitat 1:14 naaper­torlugu Jiisusip “niaqua nujaalu savat meq­quisut qaqor­ner­paatut qaqor­tigip­put, soorlu aput”. Matumani nujaasa torsus­susaat pin­nagu qalipaataat eq­qarsaatigineqar­poq. Taman­na ukioq­qor­tunini pis­sutigalugu ilisimas­susianut takus­sutis­saavoq. (Saq­qum­mersitat 3:14) Al­las­simaf­fim­mi tas­sani Jiisusip nujaasa torsus­susaat savat meq­quisa torsus­susaan­nut apum­mul­lu sanil­liun­neqan­ngil­lat.

 Jiisusip isigaasa “as­sigaat kan­ngus­sak aatsitsivim­mi aamaar­toq”. (Saq­qum­mersitat 1:15) “Isik­koqar­porlu seqiner­tut qaam­maris­serut­torsimasutut.” (Saq­qum­mersitat 1:16) Naggueqatigiit ilaat taamatut amimik­kut qalipaateqan­ngim­mata takorruugaq Jiisusip makititaasimasup ‘qaamasumi pal­lis­saan­ngitsumi najugaqar­neranut’ as­sersuutaasimas­saaq. – 1 Timotheusi 6:16.

 Kukkusoq: Jiisusi san­ngiil­lunilu tuap­poq.

 Eqqortoq: Jiisusi anguter­palut­tuuvoq. As­sersuutigalugu inup­pas­suit sak­kulisar­tut tigusariar­torman­ni sapiil­luni kinaanini oqaatigaa. (Johan­nesi 18:4-8) Jiisusi aam­ma tamaviaarluni sanasutut sulisarami nukit­tusimas­saaq. – Markusi 6:3.

 Taavami sooq Jiisusi kikiat­tugaaf­fis­saminik ersuinermini ikior­neqar­tariaqar­pa? Aam­ma sooq toqumik pil­lagaaqatiminit siul­liul­luni toqua? (Lukasi 23:26; Johan­nesi 19:31-33) Toqutaan­ngitsiarluni Jiisusip timaa as­sut san­ngiil­livoq. Ilaatigut misigis­sutsimigut naner­tisimangaar­nini pis­sutigalugu un­nuaq naal­lugu eq­qumavoq. (Lukasi 22:42-44) Un­nuap ingerlanerani juutinit ajor­tumik pineqarlunilu aqaguani ul­laak­kut Romamiunit naal­liutsin­neqar­poq. (Mat­thæusi 26:67, 68; Johan­nesi 19:1-3) Tamak­ku toqujaar­neranut pis­sutaaqataasimas­sap­put.

 Kukkusoq: Jiisusi an­nut­tuuvoq aliasup­pasit­toq.

 Eqqortoq: Jiisusip Ataatani qilam­miusoq Jehova, Biibilimi ‘Guutitut pil­luar­tutut’ al­laatigineqar­toq, pis­susimigut as­sigeq­qis­saar­paa. (1 Timotheusi 1:11; Johan­nesi 14:9) Jiisusip aam­ma al­lat qanoq pil­lualersin­naaneran­nik ilin­niar­tit­tar­pai. (Mat­thæusi 5:4-9; Lukasi 11:28) Jiisusip nuan­naar­pasit­tar­nera tamak­kunan­nga ersersin­neqar­poq.

Tamatumunnga assingusut

Jiisusi Apeqqutit Biibilimi akineqartut

Soqutigisinnaasatit allat

BIIBILIMI ILINNIARTITSISSUTIGINEQARTUT PINGAARUTILLIT

Biibili Guuti­meer­suua?

Biibili Guutimit atuakkia­appat immikkor­luinnaq ittuusi­massaaq.

UAGUTSINNUT TUNNGASUT

Pulaarneqarusuppit?

Biibilimut tunngasumik eqqar­tueqateqarit, Jehovalluunniit Nalunaajaasui pillugit paasisaqarnerugit.

APEQQUTIT BIIBILIMI AKINEQARTUT

Jiisusi qanoq isikkoqarpa?

Kalaallisut
Jiisusi qanoq isikkoqarpa?
https://cms-imgp.jw-cdn.org/img/p/502017123/univ/art/502017123_univ_sqr_xl.jpg
ijwbq allaaserisaq 126