Missiarsimik siulittuutinit uppernarsarneqarpa Jiisusi Missiarsiusoq?
Akissut Biibilimeersoq
Aap. ‘Naalagaaneq tanitaq’ ‘inunnik aniguisitsisunngortussaq’, aamma Missiarsimik taaneqartoq, pillugu siulittuuterpassuit nunarsuarmiinnerani Jiisusimut eqquupput. (Danieli 9:25; Johannesimit 1. 4:14) Allaat toqoreermat Missiarsi pillugu siulittuutit Jiisusimut eqquutitinneqarput. – Tussiaat 110:1; Apustilit Suliaat 2:34-36.
“Missiarsi” qanoq isumaqarpa?
Hebræerisut oqaaseq Mashiach (Missiarsi) grækerisullu oqaaseq Christos (Kristusi) tamarmik “tanitaq”-mik isumaqarput. Tassa “Jiisusi Kristusi” isumaqarpoq “Jiisusi Tanitaq” imaluunniit “Jiisusi Missiarsi”.
Biibilip nalaani inuk pingaarutilimmik oqartussaassusilerneqartoq amerlanertigut niaquagut uuliamik taninneqartarpoq. (Mosesimik 3. 8:12; Samuelimik 1. 16:13) Jiisusi Guutimit Missiarsinngortinneqarami pingaarutilerujussuarmik oqartussaassusilerneqarpoq. (Apustilit Suliaat 2:36) Guutilli uulia atornagu Jiisusi anersaamik illernartumik tanippaa. – Matiusi 3:16.
Missiarsimik siulittuutit inunnit arlalinnit eqquutitinneqarsinnaappat?
Naamik. Soorlu inussat ipaasaat inuup ataasiinnaap ilisarnaatigisarai, taamatuttaaq Biibilimi siulittuutit eqquunnerat Missiarsimut, tassa Kristusimut, ataasiinnarmut tikkuussipput. Biibilimili ima mianersoqqussuteqarpoq: “Kristusiunerartut pruffiitillu ilumuunngitsut saqqummertarumaarput allaallu ajornanngippat toqqakkanik salloqittaaniarlutik tupinnangaartuliortarumaarlutik.” – Matiusi 24:24.
Missiarsi aatsaat siunissami saqqummertussaasimasinnaava?
Naamik. Biibilimi siulittuutigineqarpoq Missiarsi Israalimi kunngimit Daavimit kinguaajussasoq. (Tussiaat 89:4, 5) Daavilli kinguaavi pillugit juutit allattorsimaffii annaaneqarsimapput, ukiumi 70-imi Kr.in.king. Romamiut Jerusalemmi tiguarmassuk suujunnaarsinneqarsorineqarlutik. a Taamanimiilli kialuunniit kunngimit Daavimit kinguaajunini uppernarsarsinnaasimanngilaa. Jiisusilli nalaani kinguaariinnik allattorsimaffiit taakku atuarneqarsinnaasimapput, Jiisusillu Daavimit kinguaajunera akerlilersortaasa uppernarsarlugu eqqunngitsuunerarsinnaanngilaat. – Matiusi 22:41-46.
Missiarsimik siulittuutit Biibilimiittut qassiuppat?
Missiarsimik siulittuutit qasserpiaanerat aalajangersimasumik oqaatigineqarsinnaanngilaq. Assersuutigalugu Missiarsip pineqarnera ersarikkaluarpalluunniit siulittuutinik kisitseriaaseq allanngorarsinnaavoq. Esaja 53:2-7 allassimasuni Missiarsi pillugu arlalinnik siulittuuteqarpoq. Inuit ilaasa allassimasut taakku siulittuutitut ataatsitut naatsorsortarpaat, allalli immikkoortut tamarmik immikkut siulittuutaasutut naatsorsortarlugit.
Missiarsimik siulittuutit Jiisusimut eqquuttut ilaat
Siulittuut |
Allassimanera |
Eqquunnera |
|---|---|---|
Aaperaamit kinguaajunera |
Mosesimik 1. 22:17, 18 |
|
Aaperaap erneranit, Iisaamit, kinguaajunera |
Mosesimik 1. 17:19 |
|
Naggueqatigiinni Juudakkunni inunngornera |
Mosesimik 1. 49:10 |
|
Kunngimit Daavimit kinguaajunera |
Esaja 9:6 |
|
Atoqateqarsimanngisaannartumit erniunera |
Esaja 7:14 |
|
Betlehemmimi inunngornera |
Mika 5:1 |
|
Imaanuelimik taaneqarnera b |
Esaja 7:14 |
|
Piitsuulluni inunngornera |
Esaja 53:2 |
|
Inunngornerata kingorna meeqqanik toqoraaneq |
Jeremia 31:15 |
|
Egyptenimit qaaqquneqarnera |
Hosea 11:1 |
|
Naazaratsimiumik taaneqarnera c |
Esaja 11:1 |
|
Oqariartortitamik aqqutissiorneqarnera |
Malaki 3:1 |
|
Ukiumi 29-mi Missiarsitut taninneqarnera d |
Danieli 9:25 |
|
Guutip ernermisut akuerisaa |
Tussiaat 2:7 |
|
Guutip illuanik ilungersuutiginninnera |
Tussiaat 69:10 |
|
Nutaarsiassanik nuannersunik oqaluussisarnera |
Esaja 61:1 |
|
Galiliia kiffartornerata qinngorpaa |
Esaja 8:23; 9:1 |
|
Mosesitut tupinnartuliortarnera |
Mosesimik 5. 18:15 |
|
Mosesitut Guutip oqaaseqartitaa |
Mosesimik 5. 18:18, 19 |
|
Amerlasuunik ajorunnaarsitsisarnera |
Esaja 53:4 |
|
Imminut malugeqqusaannginnera |
Esaja 42:2 |
|
Atugarliortunik misiginneqatiginninnera |
Esaja 42:3 |
|
Guutip naapertuilluarneranik nalunaarutiginninnera |
Esaja 42:1, 4 |
|
Siunnersuisutut Nalissaqannginnera |
Esaja 9:5, 6 |
|
Jehovap aqqanik tusarliinera |
Tussiaat 22:23 |
|
Assersuusiorluni ilinniartitsisarnera |
Tussiaat 78:2 |
|
Siulersuisuunera |
Danieli 9:25 |
|
Amerlasuunit upperineqannginnera |
Esaja 53:1 |
|
Ujaqqatut naakkiussutaanera |
Esaja 8:14, 15 |
|
Inunnit narrugisaanera |
Tussiaat 118:22, 23 |
|
Pissutissaqanngitsumik uumissorneqarnera |
Tussiaat 69:5 |
|
Jerusalemmimut siutituumik iseriartornera |
Zakaria 9:9 |
|
Meeqqanit unnersiutigineqarnera |
Tussiaat 8:3 |
|
Jehovap aqqani tikiunnera |
Tussiaat 118:26 |
|
Tatigisaminit killuutigineqarnera |
Tussiaat 41:10 |
|
Sølvinik 30-nik killuutigineqarnera e |
Zakaria 11:12, 13 |
|
Ikinngutiminit qimanneqarnera |
Zakaria 13:7 |
|
Sallumik nalunaajaatigineqarnera |
Tussiaat 35:11 |
|
Unnerluussisiminut nipangersimaannarnera |
Esaja 53:7 |
|
Qitserartorneqarnera |
Esaja 50:6 |
|
Niaqqumigut anaalerneqarnera |
Mika 4:14 |
|
Iperartorneqarnera |
Esaja 50:6 |
|
Anaalerisunut akinnginnera |
Esaja 50:6 |
|
Oqartussaasunit kattussaanera |
Tussiaat 2:2 |
|
Assaasigut isigaasigullu kikiattugaanera |
Tussiaat 22:17 |
|
Atisaata immeraatigineqarnerat |
Tussiaat 22:19 |
|
Ajortuliortunut ilaliunneqarnera |
Esaja 53:12 |
|
Mitaatigineqarnera |
Tussiaat 22:8, 9 |
|
Ajortuliortut pillugit naalliunnera |
Esaja 53:5, 6 |
|
Guutimit qimanneqarsorinera |
Tussiaat 22:2 |
|
Sernartumik imminneqarnera |
Tussiaat 69:22 |
|
Toqunngitsiarluni imerusunnera |
Tussiaat 22:16 |
|
Anersaani Guutimut tunniukkaa |
Tussiaat 31:6 |
|
Inuunini tunniukkaa |
Esaja 53:12 |
|
Utertitsissutitut akiliutaanera |
Esaja 53:12 |
|
Saarngisa nallorneqannginnerat |
Tussiaat 34:21 |
|
Kapineqarnera |
Zakaria 12:10 |
|
Pisuut akornganni ilineqarnera |
Esaja 53:9 |
|
Toqusunit makititaanera |
Tussiaat 16:10 |
|
Killuutiginnittup taarserneqarnera |
Tussiaat 109:8 |
|
Guutip talerpiata tungaani ingitinneqarnera |
Tussiaat 110:1 |
a Qinerlerfissiat ilaanni ima allassimasoqarpoq: “Juutit naggueqatigiivisa kinguaavisalu allattorsimaffiat Jerusalemmip suujunnaarsinneqarnerani, siornatiguunngitsoq, tammarsimanerat qularisassaanngilaq.” – Cyclopedia of Biblical, Theological, and Ecclesiastical Literature, atuagaq III.
b Hebræerisut ateq Imaanueli isumaqarpoq “Guutip ilagaatigut”, tamannalu Jiisusip Missiarsiuneranut nassuiaataalluarpoq. Jiisusip nunarsuarmi kiffartorneranit erserpoq Guutip kiffani najorai. – Lukkarsi 2:27-32; 7:12-16.
c Oqaaseq “Naazaratsimiu” Hebræerisut oqaatsimit netser-imit naggueqarunarpoq, oqaaserlu taanna isumaqarpoq “naaqqaataasoq” imaluunniit “naarlaannguaq”.
d Biibilimi ukiut tulleriiaarneqarnerannik misissueqqissaarnermi paasinarsivoq Missiarsi ukiumi 29-mi tikiuttussaasoq. Tamanna pillugu paasisaqarnerorusukkuit allaaserisaq una atuarsinnaavat: “Missiarsip tikiunnissaa Danielip siulittuutaani qanoq siulittuutigineqarsimasoq”.
e Siulittuut taanna Biibilimik allaqataasup Matiusip “pruffiiti Jeremia aqqutigalugu” oqaatigineqarneraraluaraa Zakariamit allanneqarpoq. (Matiusi 27:9) Allakkat illernartut immikkoortuini ‘pruffiitinit allakkanik’ taaneqartartuni Jeremiap allagai ilaannikkut siulliullugit inissinneqartarsimarpasipput. (Lukkarsi 24:44) Immikkoortut taakku Zakariap allagaanik imallit Matiusip “Jeremia” eqqaagamiuk ataatsimoortillugit pisimassagunarpai.
Soqutigisinnaasatit allat
NAPASULIAQ ALAPERNAARSUIFFIK
Jiisusi – Sooq toqua?
Sooq Jiisusi naalliuttariaqarlunilu toqusariaqarpa? Tamatuma akisutaa inuuninnut sunniuteqartorujussuusinnaavoq.
BIIBILIP ATORIAANNAANERA
Biibilimik pikkorissartitsinerput misiliguk
Ilinniartitsisulerlutit Biibilimik akeqanngitsumik misissueqateqartalerit.