Naamik, nunarsuaq nungutin­neqan­ngisaan­nas­saaq, ikual­lan­neqan­ngisaan­nas­saaq taarser­neqan­ngisaan­nas­sal­lunilu. Biibilimi ilin­niar­titsis­sutigineqar­poq Guutip nunarsuaq qaqugorsuarmut najugaqarfigineqar­tus­san­ngorlugu pin­ngor­tik­kaa.

•   “Iluar­tut nuna kingor­nutis­savaat najugaqas­sal­lutillu tas­sani naas­saan­ngitsumik.” – Tus­siaat 37:29.

•   Guuti, “nuna aalajaatsumik [tun­ngaviler­pat] naas­saan­ngitsumik patajaal­lisil­lugu.” – Tus­siaat 104:5.

•   “[Nuna] taan­naajuar­tuuvoq.” – Oqaluus­sisar­tup oqaasii 1:4.

•   ‘Nunamik ilusiliisup pilersitsisullu tun­ngaviliisullu soqan­ngitsus­san­ngorlugu pin­ngor­tin­ngilaa, kisianni najugaqarfis­san­ngor­til­lugu.’ – Esaja 45:18.

 Guutip inuit nunarsuarmik mingutsitsinik­kut, sorsun­nik­kut allatigul­luun­niit nungutitsil­luin­nar­nis­saat akuerinavian­ngilaa. ‘Nunarsuarmilli aseruisut suujun­naarsis­savai.’ (Saq­qum­mersitat 11:18) Qanoq taamaalius­sava?

 Guutip inuit naalak­kersuisut, nunarsuarmik illersuisin­naasiman­ngitsut, Kun­ngeqarfim­mik qilam­miusumik naam­mal­luin­nar­tumik taarsis­savai. (Danieli 2:44; Matiusi 6:9, 10) Kun­ngeqarfimmi tas­sani Guutip ernera, Jiisusi Kristusi, naalak­kersuis­saaq. (Esaja 9:5, 6) Jiisusip nunarsuarmiin­nermini pin­ngor­titap nukingi tupin­nar­tulior­nik­kut aqus­sin­naal­lugit takutip­paa. (Mak­korsi 4:35-41) Guutip kun­ngeqarfiani Jiisusip kun­ngisut nunarsuaq pin­ngor­titallu nukingi tamak­kiisumik aqus­savai. Nunarsuarmi pis­sutsit naatsiivimmi Edenimi pis­sutsinut assingulersin­niarlugit pin­ngor­teq­qis­savai, imaluun­niit nutaan­ngor­teq­qis­savai. – Matiusi 19:28; Luk­karsi 23:43.

 Naamik. Taamatut kuk­kusumik isum­mer­toqar­tar­poq Petrusimit allak­kat aap­paat 3:7-imik paatsuuineq pis­sutigalugu, tas­sani allas­simavoq: ‘Qilak nunarsuarlu maanna atasut innermik suujun­naarsin­neqas­sap­put.’ Oqaatsit taak­kua isumaasa paasinis­saan­nut pingaarutil­lit marluk eqqarsaatigik­kit:

1.   Assersuutigalugu Tus­siaat 33:8-mi allas­simavoq: “Nunarsuup tamarmi Naalagaq mianer­naris­savaa.” Matumani ‘nunarsuarmi’ inuit pineqar­put.

2.     Versini 5-imi 6-imilu Nooap nalaani ulersuaq innersuus­sutigineqar­poq. Taamani silarsuatoqaq suujun­naarsin­neqarmat nunarsuar­put nungutin­neqan­ngilaq. Ulersuarmat ‘nunarsuarmi’ nakuuser­tut nungutin­neqar­put. (Mosesimik 1. 6:11) Aamma ‘qilak’, tassa inuit naalak­kersuisut, nungutin­neqar­put. Aap, nunarsuar­put nungutin­neqar­nani inuit ajor­tut suujun­naarsin­neqar­put. Nooa ilaqutaalu ulersuarmit aniguigamik nunarsuarmi najugaqar­put. – Mosesimik 1. 8:15-18.

 Ulersuup nalaani pisoqar­neratut Petrusimit allak­kat aap­paat 3:7-imi ‘innerup’ eqqaaneqar­tup nunarsuaq nungutin­nagu inuit ajor­tut suujun­naarsis­savai. Guutip neriorsuutaa “naaper­torlugu qilak nutaaq nunarsuarlu nutaaq qilanaaraagut, taak­kunanilu kik­kut tamarmik eqqor­tulior­tuas­sap­put”. (Petrusimit 2. 3:13) ‘Nunarsuaq nutaaq’, tassa inuiaqatigiit nutaat, ‘qilam­mit nutaamit’, tassa aqutseriaatsimit nutaamit – Guutip kun­ngeqarfianit, naalak­kersor­neqas­sap­put. Kun­ngeqarfiup naalak­kersuinerani nunarsuaq paratiisin­ngus­saaq eqqis­sif­fiusoq. – Saq­qum­mersitat 21:1-4.