Aappariip­passuit katissimanatik inooqatigiilertarput. Ilaasa katinngin­nerminni aappariittut tulluar­nerlutik takoqqaarusullugu tamanna qinertarpaat. Katissimananili inooqatigiinneq silatusaarnerua?

Allaaserisami matumani

•  Biibilimi qanoq allassimasoqarpa?

•  Katissimanani inooqatigiinneq katereernermi aappariil­luarnerulersitsisinnaava?

•  Katissimanani inooqatigiinneq aningaasatigut iluaqutaasinnaava?

•  Katissimanani inooqatigiinneq inummut kukkusumut katinngin­nissamut iluaqutaasinnaava?

•  Pitsaanerusumik qinigas­saqarpa?

•   Katissimanani atoqateqarneq Biibilimi assuarineqarpoq. Assersuutigalugu allassimasoqarpoq ‘atoqatigiinnikkut eqqunngitsuliorneq itigartis­sagipput’. (Tessaluunikamiunut 1. 4:3; Korintimiunut 1. 6:18) Tassani aamma pineqarpoq katinniarlutik pilersaaruteqaraluarunil­luunniit atoqatigiit­tarnerat. a Aappariit Biibilimi najoqqutassianik sorpassuartigut illersor­neqartarput, assersuutigalugu katissimanani meerartaarnerup kingunerinut.

•   Aappariittut katittarneq Guutip aaqqissuus­sarivaa. Tamanna pilersikkamiuk ima oqarpoq: “Tamanna pillugu angutip ataatani anaananilu qimallugit nuliani attavigissavaa, uiniulis­sappullu ataaseq.” (Mosesimik 1. 2:24) Angut arnarlu pisussaaf­feqatigiillutik katissimanerat ilaqutariittut asaqatigiinnermik tatigeqatigiin­nermillu tunngaviliivoq.

 Ilaat angerumassapput. Isumaqarput illumi akisussaaffinnik aappariittut suleqatigiin­nerminni aapparmillu ulluinnarni inuttut qanoq ittuuneranik qanorlu ileqqoqar­neranik maluginiaanermikkut pingaarutilinnik paasisaqarsin­naallutik. Taamaattorli iluatsil­luartumik aappariit­toqassappat pisussaaf­filittut misigineq pisariaqarluinnarpoq.

 Pissutsini nuannersuni nuannin­ngitsunilu qanoq aappariigin­nartoqarsinnaava? Piffissami “misiliif­fiusumi”, aappariit qimariaan­naaffianni, katissimalluni aappariil­luarnerulernissaq ilikkar­neqarsin­naanngilaq. Akerlianilli aappariit pisussaaf­feqatigiillutik suleqatigiillutik ajornar­torsiutitik aaqqinniar­tarunikkit aappariil­lualertoqarsinnaavoq.

 Inerniliineq: Aappariit katissimanatik inooqatigiin­niarlutik aalajangersimasut katinnissartik piareersarnagu qimannis­saminnut sillimareerlutik aappariittarput.

 Biibilimi najoqqutassiaq: ‘Kialuunniit siaruar­tikkani katersorumaarpai.’ – Galaatiamiut 6:7.

 Ilaat angerumassapput. USA-mi Pew Research Centerip misissuisitsinerani apersuinerit ersersippaat inersimasut quliugaangata sisamat katinneqaratik inooqatigiin­nerannut aningaasat pissutaasut. Apersor­neqartulli amerlasuut, katinneqaratik inooqatigiin­neranni sivitsortumi, suli katissiman­nginnerminnut aningaasaqar­niarnikkut ajornar­torsiuteqarneq pissutaatippaat.

 Katissimanani inooqatigiinneq aamma allanik kingunerlutitsisarpoq, pingaartumik arnanut. Assersuutigalugu aappariit qimappata meeqqanik perorsaaniarnermi akisussaaffik arnap tigummik­kajuttarpaa.

 Inerniliineq: Katissimanani najugaqatigiinnerup ajoqutai iluaqutaasorineqartunit amerlanerungaarput.

 Biibilimi najoqqutassiaq: “Uanga tassa Naalagaq, Guutit, iluaqutaasunik ilinnik ajoqersuisoq.” – Esaja 48:17.

 Ilaat angerumassapput. Atuakkamili Fighting for Your Marriage-mi ima allassimasoqarpoq: “Inuit katissimanatik najugaqatigeereersut paasiler­tarpaat aappariittut qimariaannaaneq ilimagisamit ajornakusoor­nerusoq.” Sooruna? Ilaasa paasiler­tarpaat isumaqatigiis­sinnaanatik imminnullu tulluaratik, kisianni akisussaaf­feqalereersimasaramik – assersuutigalugu ataatsimoorus­saminnik uumasuuteqaramik, marluullutik atsiukkaminnik akilersugaqaramik imaluunniit pilersaarutaan­ngitsumik meerartaar­tussanngoramik – qimariaan­naajunnaarsimasarput. Misissuisartut ilaasa oqartar­nerattut katissimanatik inooqatigiinnertik sungiutipilus­simagamikku allannguinissartik eqiagiin­narlugu inooqatigiigin­nartarput. b Allatut oqaatigalugu “ilaasa aappariigin­narnissartik ajornan­nginnerummat aappariuman­ngisartik naggataatigut katiinnar­tarpaat”, Fighting for Your Marriage nangippoq.

 Inerniliineq: Katissimanani inooqatigiinneq inummut eqqortumut katinnissamut qulakkeerutaanani aappariinnermit iluatsis­sinnaan­ngitsumit avissaar­niarnissamut sapernar­nerulersitsiin­narsinnaavoq.

 Biibilimi najoqqutassiaq: “Silatuup perlussaq takusin­naasarpaa qimarnguf­fissarsior­tarlunilu, misilit­tagakitsorli ingerlaq­qittarpoq tamannalu ajunaarutigisarlugu.” – Ussatit 22:3.

 Ajornar­torsiuterpassuit tamakku aqqusaar­tariaqan­ngilatit, taava katissimallutit aappariil­lualernissaq ilinnut piuminar­nerussaaq. Qanoq? Biibilip siunnersuutaasa maleruar­nerisigut. Nuliatut uitullu inooqatigiilin­nginnissinni aappaasup ilisarisimal­lualernissaanut piffissaqarluarit. Aappassarsiornermi pitsaassaaq ilittulli naleqar­titaqarnersoq ilittullu upperisaqarnersoq maluginiar­tarukkit. Tamanna imminnut kajungeqatigiinnermit pingaar­neruvoq.

 Pilluarluni aappariil­luarnissamut toqqammaviliinissamut iluaqutigisin­naasannik Biibilimi siunnersuutitsialaqarpoq. c Assersuutigalugu Biibilimi najoqqutassiat iluaqutigisin­naavatit …

•   allasiun­nginnissamut

•   aappaal­luarnissamut

•   peerariittut ilisarisimaler­niarnissinni eqqumaf­figisassat maluginiar­nissaannut

 Tamakku pillugit ilikkagaqar­nerusin­naavutit jw.org-imi uani “Aappariinneq ilaqutariinnerlu”.

 Biibilimi najoqqutassiaq: “Allakkat Illernartut tamarmik Guutimit isumassarsiarititaal­lutillu ilinniar­titsinermut … iluaqutaapput.” – Timuutiusimut 2. 3:16.