Ukiuni qulik­kuutaani Jehovap Nalunaajaasui aalersor­tik­kuman­ngin­ner­tik pis­sutigalugu isor­nar­torsior­neqar­tar­put. Aalersor­tik­kuman­ngin­nerat, ‘aam­mik nerin­ngin­nis­samik’ peq­qus­sum­mik Biibilimeersumik tun­ngaveqar­toq, nakorsat pas­sus­sinermi katsorsaatis­satut pitsaaner­paatut naatsorsuus­saan­nut ilaan­nik­kut akerliusarsimavoq. – Apustilit Suliaat 15:29.

Nakorsal­li misilit­tagaqarluar­tut amerliar­tuin­nar­tut oqar­tar­put peq­qin­nis­saq eq­qarsaatigalugu periutsit aalersuiner­taqan­ngitsut ator­neqar­tariaqaraluar­tut.

Atuagas­siami Stanford University School of Medicine-ip saq­qum­mersit­tagaani Stanford Medicine Magazine-imi aak pil­lugu 2013-imi uper­naak­kut im­mik­kut it­tunik al­laaserisaqar­poq, tamatumanilu qulequtaaq­qat ilaat imaap­poq: “Nakorsaariaatsimut nalingin­naasumut maleruutin­ngin­neq – Sooq aalersuisar­neq atugaaval­laarun­naariar­tor­pa?” Tamatumin­nga al­laaserin­nit­toq, Sarah C. P. Wil­liams, ima al­lap­poq: “Ukiuni qulik­kuutaani kingul­ler­ni misis­suiner­nit amerlatsik­kalut­tuin­nar­tunit paasinarsisimavoq silarsuarmi tamarmi nap­parsim­maviit pilat­taaviisa im­mik­koor­tor­taqarfiisalu ilaan­ni nap­parsimasunik ikiuinis­samut pisariaqar­tumit akulikin­nerusumik aalersuisoqar­tar­toq aal­lu pisariaqar­tumit an­nerusoq ator­neqar­tar­toq.”

Al­laaserin­nit­tup taas­suma nakorsaq Patricia Ford, Pen­nsylvania Hospital-imi aat­taqan­ngitsumik katsorsaavim­mik pilat­taavim­mil­lu pilersitsisuul­lunilu pisor­taasoq, ima is­suar­paa: “Nakorsat ilin­niar­tin­neqarsimap­put inuit aak aalajangersimasumik an­ner­tus­susilik an­naagunik­ku toqus­sasut, tas­sa aak inuunermik an­naas­sis­sutaasin­naasutuaasoq. Pisunilu aalajangersimasuni taman­na ilumoor­tar­poq, * nap­parsimasul­li amerlaner­paar­taan­nut tun­ngatil­lugu taman­na ilumoor­neq ajor­poq.”

Nakorsaq Patricia Ford, ukiut tamaasa Jehovap Nalunaajaasuisa ilaan­nik 700-t mis­saan­niit­tunik katsorsaasar­toq, aam­ma ima oqar­poq: “Nakorsat oqaloqatiginikuusama ilar­pas­sui kuk­kul­lutik isumaqar­tar­put nap­parsimasut aalersor­tin­ngik­kunik toqus­sasut ... Uangat­taaq taamatupajaaq isumaqar­tar­nikuugunar­punga. Paasiler­tor­parali periutsit ajor­nan­ngitsut atuin­nar­nerisigut nap­parsimasut taak­ku nakorsar­neqarsin­naasut.”

Nap­parsim­mavim­mi aalajangersimasumi ukiut 28-t ingerlaneran­ni uum­matimik­kut suliaritis­simasunik misis­suinerit iner­neri 2012-imi aggustimi atuagas­siami Archives of Internal Medicine-imi saq­qum­mersin­neqar­put. Suliaritit­tuni Jehovap Nalunaajaasui inun­nit aalersor­tis­simasunit aaq­qiaar­nerusar­put. Jehovap Nalunaajaasui suliaritin­nerup kingor­na nap­parsim­mavim­mi unin­nganermin­ni kingunerlutsitsin­ngin­nerusar­put, qaangiil­luar­nerusar­put ukiul­lu 20-t qaangiuk­kaangata aalersor­tis­simasutut inuuneq­qor­tutigisarlutik.

Al­laaserisami The Wall Street Journal-imi apriilip arfineq-pingajuan­ni 2013-imi saq­qum­mersumi ima al­las­simasoqar­poq: “Aalersuiner­taqan­ngitsumik pilat­taaneq – aaversit­tar­tup aavanik atuinani suliarin­nin­neq – inun­nut up­perisar­tik pis­sutigalugu aalersor­tik­kuman­ngitsunut ukior­pas­suar­ni ator­neqar­tarsimavoq. Maan­na taamatut nakorsaariaaseq nap­parsim­mavin­nit akuerineqar­nerugalut­tuin­nar­poq ... Aalersuiner­taqan­ngitsumik pilat­taasar­tut oqar­put periutsimik tamatumin­nga atuinik­kut aam­mik pisinermut, toq­qorsinermut, suliarin­nin­nermut misileraanermut aalersuinermul­lu aningaasar­tuutit ikilisar­tut. Aam­mat­taarli periutsimik tamatumin­nga atuineq aalersor­tin­neq pis­sutigalugu sivisunerusumik unin­ngas­sutaasus­samik tunil­latsin­nis­saq perululer­nis­sarlu ilimanan­ngin­nerusar­poq.”

Tupin­nan­ngilaq Rober­t Lorenz, Cleveland Clinic-imi aam­mut tun­ngasunik ingerlatsivim­mi pisor­taasoq ima oqarmat: “Nap­parsimasumik aalersuineq ingerlaan­navik ikiuisutut misiginar­tar­poq. Tamatumali akerlia paasis­sutis­sanit pif­fis­sami sivisuumi katersor­neqarsimasunit ersersin­neqar­poq.”