Aap, Jehovap Nalunaajaasui ajunaar­nersuaqar­til­lugu ikiuiniaqataakulasar­put. Nalunaajaasunik nalunaajaasuun­ngitsunil­lu ikiuisar­pugut un­nersuum­mut Biibilimi Galatiamiunut al­lak­kat 6:10-miit­tumut matumun­nga naaper­tuut­tumik: “Pif­fis­saqaral­lar­til­luta tamanut ajun­ngitsulior­niar­ta, pingaar­tumik up­peqatitsin­nut.” Aam­mat­taaq eq­qugaasut pis­sutsini atuk­kamin­ni pisariaqar­teqisaan­nik misigis­sutsik­kut anersaak­kul­lu an­ner­toq­qusersor­niar­tar­pavut. – 2 Korinthimiut 1:3, 4.

 Ajunaar­nersuup kingor­na ilagiin­ni utoq­qaaner­taasut sumiif­fin­ni eq­qugaaf­fiusuni ilagiin­niit­tut tamaasa at­taveqarfiginiarsarisar­paat paasiniarlugu ajun­ngin­nersut qanorlu ikior­tariaqar­nersut. Taava utoq­qaaner­tat paasisatik ikiuiniarlutil­lu piaar­tumik iliuutsitik najuk­kamin­ni Jehovap Nalunaajaasuisa im­mik­koor­tor­taqarfian­nut nalunaarutigisar­paat.

 Pisariaqar­tin­neqar­tut ilagiit ajunaar­nersuaqarfiup eq­qaaniit­tut ikiuiniarlutik iliuuserisin­naasaan­nit an­ner­tunerup­pata, Jehovap Nalunaajaasuisa Siulersuisoqatigiivi pisariaqar­tin­neqar­tut iliuuseqarfigiumal­lugit aaq­qis­suus­sisar­put. Periaaseq taman­na kristumiut siul­liit kaan­nersuaqar­til­lugu periaaserisimasaan­nut as­singuvoq. (1 Korinthimiut 16:1-4) Nunap ajunaar­nersuaqarfiusup im­mik­koor­tor­toqarfik at­tavigisaa ikiuiniar­nermut ataatsimiititalior­titsis­saaq ikiuiniar­nermik aaq­qis­suus­sisus­samik siulersuisus­samil­lu. Nalunaajaasut nunanit al­laneersut nam­min­neq kajumis­sutsimin­nik pif­fis­sar­tik pigisatil­lu ikiuiniar­nermut ator­tar­paat. – Ussatit 17:17.

 Jehovap Nalunaajaasuisa im­mik­koor­tor­taqarfiinut tunis­sutigineqar­tar­tut ajunaar­nersuarmi eq­qugaasimasunut iluaqutis­satut ilaatigut ator­neqar­tar­put. (Apustilit Suliaat 11:27-30; 2 Korinthimiut 8:13-15) Nam­mineq piumas­sutsimik ikiuiniaqataasut akis­sarsiutiginagu ikiuiniaqataasarmata aningaasat tunis­sutigineqar­tut ikiuiniar­nermut toq­qaan­nar­tumik, al­laf­fis­sor­nermut tun­ngasunuun­ngitsoq, ator­neqar­tar­put. Tunis­sutigineqar­tut tamarmik sumut ator­neqar­nis­saat aalajangersoq­qis­saar­neqar­tar­poq. – 2 Korinthimiut 8:20.