Jehovamik Nalunaajaasuusugut ilaqutariit nukit­tuujunis­saat anguniagaraar­put. Guuti ilaqutariin­nik aaq­qis­suus­sisutut isigaar­put ataq­qil­lugulu. (1 Mosesi 2:21-24; Efesosimiut 3:14, 15) Oqaasia, Biibili, inup­pas­suit iluaqutigisimasaan­nik aap­pariit­tut nukit­tunerulersitsisunik pil­lualersitsisunil­lu najoq­qutas­siaqar­poq.

 Biibilip siun­nersuutai uiul­luar­nerunis­samut, nuliaal­luar­nerunis­samut angajoq­qaajul­luar­nis­samul­lu iluaqutigisar­tak­kagut sapin­ngisatsin­nik maleruar­tar­pagut. (Us­satit 31:10-31; Efesosimiut 5:22–6:4; 1 Timotheusi 5:8) Biibilip siun­nersuutai pitsaasut al­laat ilaqutariin­nut as­sigiin­ngitsunik up­perisalin­nut iluaqutaap­put. (1 Petrusi 3:1, 2) Nalunaajaasuun­ngitsut Nalunaajaasun­ngorsimasunik aap­pal­lit qanoq oqar­tut maluginiak­kit:

•   “Aap­pariin­nitsin­ni ukiut arfinil­lit siul­liit as­sor­tuun­ner­nik pakatsiner­nil­lu ulik­kaar­put. Nuliara, Ivete, Nalunaajaasun­ngor­nermi kingor­na asan­nin­nerulerlunilu kamagit­tar­neruler­poq. Taamatut al­lan­nguisiman­ngitsuup­pat qimas­simas­sagaluar­pugut.” – Clauir, Brasiliamiu.

•   “Uiga, Chansa, Jehovap Nalunaajaasuinit Biibilimik atuaq­qis­saaqatigineqar­talermat akerlioqaanga isumaqarama taak­ku ilaqutariin­nik avis­saar­tuutitsisuusut. Kingor­nali paasivara Biibili aap­pariin­nitsin­nut iluaqutigilerlutigu.” – Agnes­s, Zambiamiu.

 Oqaluus­sinermi inuit paasitit­tar­pagut Biibilip siun­nersuutaanik maleruaaneq qanoq iluaqutigisin­naagaat. As­sersuutigalugu ukunani:

•   Katis­sanerluni aalajanger­niar­neq

•   Aap­pariit­tut suleqatigiin­neq

•   Ilaqut­tanik eq­qis­seqateqar­neq

•   Aningaasanik aqutsineq

•   Ajor­nar­torsiutinik aaq­qiineq

•   Isumak­keerfigin­nin­neq

•   Meeq­qamik perorsaaneq

 Ilaan­nik­kut taamaat­toqar­tar­poq. As­sersuutigalugu misis­sueq­qis­saar­tarfik, Sofres, 1998-imi nalunaarusior­poq aap­paasup aap­paan­naa Nalunaajaasun­ngoraangat, aap­pariit 20-ugaangata aap­pariit ataatsit sak­kor­tuumik aaq­qiagiin­ngis­suteqalersar­tut.

 Jiisusip siulit­tuutigaa ilin­niar­titsis­sutiminik malin­nit­tut ilaan­nik­kut ilaqut­tamin­nit akerlilersor­neqar­tarumaar­tut. (Mat­thæusi 10:32-36) Oqalut­tuarisaanermik ilisimatooq Wil­l Durant nas­suiaavoq Romamiut naalagaaf­fis­suata nalaani “kristumiut ilaqutariin­nik avis­saar­tuutsitsisutut un­nerluutigineqar­tar­tut”. a Ul­lumik­kut­taaq Jehovap Nalunaajaasui taamatut un­nerluutigineqar­tar­put. Taak­kuup­pal­li ajor­nar­torsiutinik pilersitsisar­tut?

 Europami Inuit Pisin­naatitaaf­fii pil­lugit Eq­qar­tuus­sisut Jehovap Nalunaajaasuisa ilaqutariin­nik avis­saar­tuutsitsisutut un­nerluutigineqar­neran­ni aalajangersar­paat ajor­nar­torsiutinik pilersitsisar­tut tas­saasut ilaqutaasut Jehovamik Nalunaajaasuun­ngitsut, taak­kumi “ilaqut­tami up­perisar­taavanik akuerin­nik­kumanatil­lu ataq­qin­nik­kuman­ngil­lat”. Eq­qar­tuus­sisut ima nangip­put: “Ilaqutariin­ni as­sigiin­ngitsunik up­perisalin­ni tamani, aam­ma Jehovap Nalunaajaasuini, ajor­nar­torsiut taman­na nalingin­naavoq.” b Jehovap Nalunaajaasui up­perisar­tik pil­lugu akerlilersor­neqar­taraluarlutik siun­nersuut Biibilimeersoq una malin­niar­tuar­tar­paat: “Ajor­toq akileqinasiuk ajor­toqataanik ... Ajor­nan­ngip­pat – ilis­si aalajangiisuusin­naagus­si – inuit tamaasa eq­qis­seqatiginiarsigit.” – Romamiut 12:17, 18.

 Jehovap Nalunaajaasuisa taamaal­laat “Naalak­kami”, tas­sa up­peqam­mut, katin­nis­samik peq­qus­sut Biibilimeersoq naalat­tar­paat. (1 Korinthimiut 7:39) Peq­qus­sut taman­na aam­ma iluaqutaavoq. As­sersuutigalugu atuagas­siami Journal of Marriage and Family-mi 2010-moor­tumi al­las­simavoq “aap­pariit up­perisaqatigiit­tut as­sigiim­mil­lu ileq­qulersuuteqar­tut” aap­pariil­luak­kajun­nerusar­tut. c

 Taamaak­kaluar­torli Jehovap Nalunaajaasuisa aap­pariit aap­parminit Nalunaajaasuun­ngitsumit avin­nis­saat kajumis­saarutigineq ajor­paat. Biibilimi ima al­las­simavoq: “Qatan­ngut up­per­tuun­ngitsumik nuliaqaruni taas­sumalu najuin­narumap­pani, taava avin­ngik­kiliuk. Ar­narlu up­per­tuun­ngitsumik ueqaruni taas­sumalu najuin­narumap­pani, taava avin­ngik­kiliuk.” (1 Korinthimiut 7:12, 13) Jehovap Nalunaajaasuisa peq­qus­sut taman­na malip­paat.