Guutip naalagaaf­fia pil­lugu qaam­matit tamaasa oqaluus­sisar­tut kisimik Jehovap Nalunaajaasuisa ilaat­tut naatsorsor­neqar­tar­put. (Mat­thæusi 24:14) Taak­kunun­nga ilaap­put Nalunaajaasutut kuisis­simasut aam­mat­taaq suli kuisis­siman­ngik­kaluarlutik oqaluus­seqataanis­samut piumasaqaatinik inuunermin­ni malin­nilersimasut.

 Naamik, ukiumut Jehovap Nalunaajaasuisa amerlas­susiinik kisitsinermut ilaatin­neqar­neq aningaasanik tunisisimaneq apeq­qutaan­ngilaq, taamatut­taaq ilagiin­ni qanoq akisus­saaf­feqar­neq sulial­luun­niit apeq­qutaatin­neqaratik. (Apustilit Suliaat 8:18-20) Tunis­sutit amerlanerit kinaas­sutsimik ilisimatitsinani tunis­sutigineqar­tar­put. Nalunaajaasoq kinaluun­niit kajumis­sutsini tun­ngavigalugu periarfis­sanilu naaper­torlugit pif­fis­saminik, nukiminik pigisaminil­lu nunarsuaq tamak­kerlugu suliatsin­nut tunisisar­poq. – 2 Korinthimiut 9:7.

 Nalunaajaasut qaam­matit tamaasa oqaluus­sinermin­nik nalunaarusiaq ilagiin­nut tun­niut­tar­paat. Taamaalior­tar­pul­lu kajumis­sutsi tun­ngavigalugu.

 Ilagiin­ni nalunaarusiat katersor­neqar­tar­put im­mik­koor­tor­taqarfim­mul­lu ingerlateq­qin­neqar­tarlutik. Nalunaarusial­lu katersuk­kat im­mik­koor­tor­taqarfin­niit qul­lersaqarfim­mut ingerlateq­qin­neqar­tar­put.

 Ukioq kif­far­torfiusoq a naagaangat nalunaarsuutit kisin­neqar­nerisigut nunani as­sigiin­ngitsuni Jehovamik Nalunaajaasut amerlas­susii nalunarun­naar­tar­poq. Amerlas­susiisa kisin­neqar­nerisigut nunarsuaq tamak­kerlugu Nalunaajaasut qas­siunersut nalunarun­naar­tar­poq. Nunanik oqaluus­sif­fiusunik tamanik nalunaarusiat sukumiisumik al­latat nit­tartak­katsin­ni “Nunani tamalaani”-mik qulequtalim­mi saq­qum­mertarput. Nalunaarusiat taak­ku iluaqutigalugit kajumis­sisin­neqar­tar­pugut, soorlu kristumiut siul­liit taamani nalunaarusiat as­singusut qiim­matsaatigisaraat. – Apustilit Suliaat 2:41; 4:4; 15:3.

 Soqutigin­nit­tut oqaluus­seqataaneq ajor­tut Jehovamik Nalunaajaasutut naatsorsuun­neq ajoraluarlutigit ilagiitsin­nut tikil­luaq­qusar­pavut. Ukiumut ataasiarluta Jiisusip toquneranik eq­qaaniaasar­nitsin­ni amerlasuut najuut­tar­put. Jehovamik Nalunaajaasut amerlas­susii eq­qaaniaanermilu najuut­tut amerlas­susiisa as­sigiin­ngis­sutaat kisik­kaan­ni nalunarun­naar­tar­poq soqutigin­nit­tut qas­siunersut. Jiisusip toquneranik eq­qaaniaal­luni 2023-mi nal­liut­torsior­nermi 20.461.767-it najuup­put.

 Amerlasuut ataatsimiin­nitsin­ni najuun­neq ajor­tut akeqan­ngitsumik Biibilimik atuaq­qis­saaqatigineqar­nis­samik neqeroorum­mut akuersip­put. 2023-mi agguaqatigiis­sil­lugu qaam­mam­mut 7.281.212-inik Biibilimik atuaq­qis­saaqatigin­nit­toqar­poq, taak­kualu ilaat ilaatigut inuit arlaliusut ataatsik­kut atuaqatigineqar­tarlutik.

 Naatsorsueq­qis­saar­tar­tut inuit up­perisamut sorlermut at­taveqar­nersut apersorlugit paasis­sutis­sanik katersuik­kajut­tar­put. As­sersuutigalugu USA-mi naatsorsueq­qis­saar­tarfiit ilaan­ni sulisut paasis­sutis­siip­put misis­suinermin­ni paasinias­sagaat “apersor­neqar­tut up­perisarsior­tunut arlaan­nut isumaqataal­lutik ilaasor­tatut im­min­nut isiginersut,” ilan­ngul­lugulu al­las­simavoq apersor­neqar­tut “pis­sutsinik piviusunik paasiniaaq­qis­saaq­qaaratik nam­min­neq isumamin­nik isum­mereer­tar­nerat” apersuinerit iner­nerigaat. Paasiniaaq­qis­saar­nerup tamatuma akerlianik uagut Jehovamik Nalunaajaasut oqaluus­seqataal­lutik nalunaarusiamik tun­nius­sisimasut kisiisa ilan­ngut­tar­pavut; soqutigin­nit­tut oqaluus­sineq ajor­tut naatsorsueq­qis­saar­nermut ilan­ngun­neqar­neq ajor­put.