Aap. Taamaalior­nis­samut as­sigiin­ngitsut uku marluk iliuuserineqarsin­naap­put:

•   Saaffiginninnikkut. Inuup oqaatsimigut imaluun­niit al­lak­katigut Jehovap Nalunaajaasuisa ilaat­tut ilisimaneqarusuk­kun­naar­nerminik aalajangius­sisimanini nalunaarutigisin­naavaa.

•   Iliuutsikkut. Inuk arlaan­nik iliuuseqarsin­naavoq Jehovap Nalunaajaasuinut ilaajun­naarusun­nerminik ersersitsisumik. (1 Petrusi 5:9) As­sersuutigalugu imaas­sin­naavoq up­perisarsioqatigiin­nut al­lanut ilaalersoq taak­kunun­ngalu ataan­narusun­nerminik ilisimatitsisoq. – 1 Johannesi 2:19.

 Naagga. Nalunaajaasuujun­naar­niarluni aalajanger­neq, im­minul­luun­niit ilaajun­naarsin­neq, up­per­nik­kut san­ngiil­linermit al­laaneruvoq. Unikaal­las­simasut unis­simasul­luun­niit amerlaner­tigut up­per­nermin­nik qimatsinatik nikal­lungalersimasar­put. Ilaginaveersaar­nagit tup­pal­lersar­niarsaralugil­lu tapersersor­niarsarisar­pavut. (1 Thes­salonikamiut 5:14; Judasi 22) Ikior­neqarusut­toqaraangat ilagiin­ni utoq­qaaner­tat taak­kunin­nga anersaak­kut ikiuiniar­nermi siut­tuusar­put. – Galatiamiut 6:1; 1 Petrusi 5:1-3.

 Utoq­qaaner­tal­li pigin­naatitaan­ngil­lat inuk Nalunaajaasuujuaq­qul­lugu pin­ngitsaalinis­saanut tatinis­saanul­luun­niit. Inuit tamarmik im­mik­kut nam­min­neq aalajangigas­saraat sumik up­perisaqar­niar­nerlutik. (Josva 24:15) Up­peraar­put Guutimik pal­lorfigin­nit­tut kajumil­lutik uum­mam­mil­lu pisumik taamaalius­sasut. – Tussiaat 110:3; Matthæusi 22:37.