Kukkusoq: Jehovap Nalunaajaasui kristumiuun­ngin­namik poorskisior­neq ajor­put.

 Eqqortoq: Jiisusi An­naas­sisutut up­peraar­put, sapin­ngisatsin­nil­lu taas­suma ‘tumai atuarlugit malin­niaq­qis­saar­tar­pavut’. – 1 Petrusi 2:21; Lukasi 2:11.

 Kukkusoq: Jiisusip toqusunit makititaanera up­perin­ngilarsi.

 Eqqortoq: Jiisusip makititaanera up­peraar­put; kristumiut up­per­neran­nut pingaaruteqarluin­nar­tutut isigaar­put oqaluus­sinitsin­nilu eq­qar­tor­tarlutigu. – 1 Korinthimiut 15:3, 4, 12-15.

 Kukkusoq: Meeq­qas­si poorskip nuan­nersor­taanik misigisaqan­ngitsoor­nerat soqutigin­ngilarsi.

 Eqqortoq: Meeq­qavut asavavut – sapin­ngisar­put tamaat nuan­naar­nis­saan­nik ilin­niar­tin­niarlugil­lu ikior­niar­tar­pavut. – Titusi 2:4.

•   Poorskisior­nermi ileq­qulersuutit Biibilimit tun­ngaveqan­ngil­lat.

•   Jiisusip peq­quaatigut makititaanini pin­nagu toquninili nal­lius­sisas­sagip­put. Biibilimi qaam­matisiutit naaper­torlugit ul­lormi toquf­fiani eq­qaaniaanermut najuut­tar­pugut. – Lukasi 22:19, 20.

•   Nal­liut­torsior­nermi tamatumani ileq­qulersuutit, itsaq qitor­nigajus­sutsimut atatil­lugu ileq­qulersuutinit aal­laaveqar­tut, pis­sutigalugit nalitsin­ni poorskisior­tar­nerup Guutimit iluarineqan­ngin­nera up­peraar­put. Guutip tun­niusimal­luin­narfigis­sagitsin­ni piumasaraa, iluarin­ngisamisul­lu iliuuseqar­ner­talim­mik pal­lorfigineqar­nini ajual­laatigisar­paa. – 2 Mosesi 20:5; 1 Kunngit 18:21.

 Poorskisior­niar­nata aalajanger­nit­ta Biibilimit tun­ngaveqarluin­nar­nera up­peraar­put, Biibilimilu kajumis­saar­neqar­pugut inuit ileq­qulersuutaat maliin­nar­nagit ‘silatus­suseq isumatus­suserlu isitsin­nit nigor­tis­san­ngik­kivut’. (Ussatit 3:21; Mat­thæusi 15:3) Aperineqaraangat­ta poorskimut tun­ngatil­lugu up­perisar­put oqalut­tuarisaraluarlutigu inuit nam­min­neq suniar­nerlutik aalajangersin­naanerat ataq­qivar­put. – 1 Petrusi 3:15, 16.