2014-imi Hugo, qulinik ukioqar­toq, Tuluit Nunaan­ni iluaqutis­siuinia­qatigiif­fim­mit Diana Award-imik nersor­naaser­neqar­poq atuarfim­mini atuar­tut qin­ngasaar­neqar­tar­nermin­nik iliuuseqarfigin­nin­nis­saan­nut ikior­tarmagit.

Hugo oqar­poq: “Isigin­naagas­siaq Qinngasaarisartoq ajugaaffigiuk nukitit atornagit-mik qulequtalik nersor­naaser­neqar­nin­nut pis­sutaavoq. Qin­ngasaarisar­nermik akiuiniaqataal­lualer­punga isigin­naagas­siamik jw.org-imiit­tumit tamatuman­nga ilik­kak­kak­ka pis­sutigalugit.”

Hugop isigin­naagas­siaq Qinngasaarisartoq ajugaaffigiuk siul­lermik ilin­niar­titsisuminut isigin­naar­tip­paa. Taak­kua torragigamik­ku jw.org-ip atuarfim­mi qarasaasianit tamanit iserfigineqarsin­naanis­saa isumagaat. Maan­na jw.org Hugop atuarfiani meerar­pas­suar­nit arfineq-pingasuniit qulit tungaan­nut ukiulin­nit ator­neqar­tar­poq. Taak­ku oqar­put iluaqutigisimal­lugu ajor­nar­torsiutimik, ilaatigut qin­ngasaar­neqar­tar­nermik, iliuuseqarfiginis­saanut aam­ma apeq­qutit as­sigiin­ngitsut akis­sutisinis­saan­nut, soorlu ikin­ngutaal­luar­tunik qanoq ikin­ngutitaar­toqar­sin­naanerata paasinis­saanut.

Tuluit Nunaan­ni atuarfim­mi al­lami Elijah arfineq-pingasunik ukiulik qin­ngasaar­neqar­tar­poq. Taas­suma ilaqut­tamilu isigin­naagas­siaq Qinngasaarisartoq ajugaaffigiuk isigin­naarlugulu oqaloqatigiis­sutigaat. Qin­ngasaar­neqaraangami qanoq oqar­tar­nis­saa qanorlu ilior­tar­nis­saa sungiusar­tar­paat. Taman­na Elijahp ajor­nar­torsiutimi sun­niuteqarluar­tumik iliuuseqarfiginis­saanut sapiis­suseqalis­sutigaa. Kingusin­nerusuk­kut qin­ngasaarisar­nermik akiuiniar­neq qulequtsiul­lugu sapaatip-akun­nerani sam­misaqar­tit­sisoqar­nerani Elijahp ilin­niar­titsisuata isigin­naagas­siaq taan­na atuar­tunut tamanut isigin­naar­tip­paa.

Soorunami qin­ngasaarisar­neq Tuluit Nunaan­niin­naan­ngitsoq, silarsuarmili tamarmi, ajor­nar­torsiutaavoq. Isigin­naagas­siarlu taan­na meeq­qanit inuusut­tuaq­qanil­lu sumiik­kaluar­tunil­luun­niit iluaqutigineqar­tar­poq.

USA-mi Iviep qulinik ukiul­lip atuaqatini qin­ngasaarisar­toq qunugaa. Qinngasaarisartoq ajugaaffigiuk isigin­naareerlugu Ivie qin­ngasaarin­nitsimi saaf­figinis­saanut sapiis­suseqaler­poq. Aam­ma Iviep ilin­niar­titsisuni oqaloqatigim­magu ilin­niar­titsisua iliuuseqar­poq. Atuaqataa utoq­qatser­poq, maan­nalu Ivie atuaqatinilu aaq­qiagiip­put.

Jehovap Nalunaajaasuisa meeq­qat inuusut­tuaq­qal­lu atugaris­saar­nis­saat soqutigaat. Ul­luin­nar­ni ajor­nar­torsiutinik, soorlu qin­ngasaarinermik, iliuuseqarfigin­nin­nis­samut siun­nersuutinik atoriaan­naasunik saq­qum­mersitsiuas­saagut.