Inuk pillugu paasissutissat taamaattut siunertanut ilinnit akuerisaasunut naapertuuttumik taamaallaat katersor­tarpavut, toqqortarpavut atortarlugillu, aamma siunertanut taakkununnga taamaallaat pisariaqaraangat arlaatigul­luunniit inatsisitigut piumasarineqaraangat pigisarpavut. Pisuni taamaattuni paasissutissaq ilinnut tunngasoq tunniuk­kusunnagu aalajangeruit imaassinnaavoq nittartakkami app-inilu Watchtower Bible and Tract Society of New York, Inc.-imit sananeqartuni aalajangersimasut iserfigisin­naassan­ngikkitit imaluunniit noqqaassutit naammas­sisinnaan­ngikkipput.

Noqqaassummi qinnuteqaam­miluunniit paasissutissat tunniussatit inunnit paasissutissanik taakkuninnga isumagin­nittussanit aamma/imaluunniit atortoris­saarutinik ingerlatsisunit aserfal­latsaaliuisunillu pissarsiarineqarsin­naapput. Paasissutissat ilinnut tunngasut kimulluunniit tunniunneq ajorpavut, taamaallaat uku eqqarsaatigis­sanngikkaanni: (1) illit piumasattut sullinneqar­nissannut pisariaqarpat tamannalu pillugu paasitin­neqarsimaguit; (2) ajunngitsumik isumaqarluta nalilersimagutsigu inatsisit malittarisassallu atuuttut eqqortin­nissaannut taamaalior­nissarput pisariaqartoq; (3) pisortani sulisunit taamaalior­nissatsinnik noqqaavigineqarsimagutta; (4) isumannaal­lisaanikkut peqquserlunneq atortutigul­luunniit ajornar­torsiorneq paasiumallugu pinngitsoor­tinniarluguluunniit taamaalior­nissarput pisariaqarpat. Nittartakkap matuma app-illu tassunga tunngasut atornerisigut akuerissavat eqqaaneqareersut taamaallaat pissutigalugit illit pillutit paasissutissat sullissisumut ingerlateq­qissinnaagivut. Qanorluunniit pisoqaraluarpat inuk pillugu paasissutissat tunineqas­sanngillat, paarlaateqatigiis­sutigineqas­sanngillat allanul­luunniit attartor­tinneqas­sanatik.

Nittartakkap matuma annerpaartaa atuisutut nalunaarsorsiman­ngikkaluarluni paasissutis­sanilluunniit tunnius­sisiman­ngikkaluarluni atorneqarsinnaavoq. Atuuffiilli ilaat taamaallaat atuisutut nalunaarsorsimasunit, atuisunit noqqaas­suteqarsimasunit qinnuteqarsimasunil­luunniit imaluunniit Jehovap Nalunaajaasuisa ilagiivisa ilaannit jw.org aqqutigalugu atuisunit pineqartunit paasissutissanik ingerlatitseq­qiisimasunit atorneqarsin­naapput. Akuersinerit tunngavigalugu illit pillutit paasissutissat suliarisarpavut. Pisuni aalajangersimasuni akuersissutit utertikkukku inatsisit atuuttut malillugit imaassinnaavoq illit pillutit paasissutissat tunngavis­saqarluarluta suliarisin­naagivut.

Nittartagaq una aqqutigalugu paasissutissat ilinnut tunngasut tunniussatit piffissami paasissutissanik tunnius­siffinni siunertarineqartutut taamaallaat atorneqassapput. Siunertat taakku ilaat tassaapput:

Atuisutut kontot. Nittartakkami matumani atuisutut kontomik pilersitsininni e-maileq nalunaarsukkat imaassinnaavoq kontot pillugu attavigineqarninni atorneqartoq. Assersuutigalugu atuisutut taaguutit isissutil­luunniit puiorukku isernis­sannullu ikioqquguit atuisutut kontonni e-mailikkut allassimasannut allaffigineqassaatit.

Qupperneq “Min Profil”. Kontolioreeruit ilagiinni ilaaffigisanni allatsip Min Profilimut isersin­naanngor­tissinnaavaatit. Paasissutissat ilinnut tunngasut Min Profilinnut hub.pr418.com-imiittumut ilanngun­niarlugit aalajangissaguit aperineqassaatit paasissutissat amerlanerit taakku atorneqar­nissaat akuerisin­naanerit, sullinneqar­nerussagaluaruit kinaassutsinnik qulakkeerinissaq attaveqarfigineqar­nissallu siunertaralugu. Suliniummut aalajangersimasumut suleqataaguit piginnaasatillu Min Profilinnut ilanngullugit allakkukkit suliniummut tunngatillugu piginnaasatit nalilersuisartumit nalilersor­neqarsin­naapput. Paasissutissat ilinnut tunngasut taakku suliarineqas­sappata Jehovap Nalunaajaasuisa immikkoor­tortaqarfiinut allanut, qullersaqarfiinut imaluunniit peqatigiiffinnut assingusunut Jehovap Nalunaajaasuisa nunani assigiin­ngitsuni suleqatigisar­tagaanut pisariaqassappat ingerlateq­qinneqarsin­naassap­puttaaq.

Qinnuteqaatit. Jehovap Nalunaajaasuisa upperisaat malittarisas­siaallu naapertorlugit piumasaqaatinik eqqortitsiguit nittartakkami matumani atuisutut kontomik pilersitsisin­naallutillu qinnuteqarsin­naavutit, imaluunniit ilagiit ilaaffigisat nittartagaq una aqqutigalugu illit sinnerlutit annertunerusumik kiffartuler­nissamut qinnuteqaatinnik nassius­sisinnaavoq. Taakkunani allassimasarpoq suna – soorlu kiffartornermi iliuuseqar­nerunissaq imaluunniit ataatsimeersuarnerni pisuniluunniit allani ineqarumaneq ineqartitsiumanerluunniit – qinnutigineqarnersoq. Illit pillutit paasissutissat tunniun­neqartut tassaasin­naapput ilinnit, illoqarfigisanni utoqqaanertanit imaluunniit ilagiinnik nakkutil­liisumit tunniun­neqarsimasut. Paasissutissat tunniun­neqartut taamaallaat qinnuteqaativit suliarineranut nalilersor­neranullu allaffis­sornikkullu, soorlu qinnuteqaammik suliarin­ninnermut atatillugu ilinnut atuisutut kontoliornermut, atorneqassapput. Qinnuteqaatinnik suliarin­ninnermut pisariaqassappat imaassinnaavoq qinnuteqaatinni paasissutissat Jehovap Nalunaajaasuisa nunani assigiin­ngitsuni immikkoor­tortaqarfiinut peqatigiif­fiinulluunniit allanut imaluunniit Jehovap Nalunaajaasuisa qullersaqarfiannut ingerlateq­qinneqartut. Qanorluunniit ikkaluarpat qinnuteqaatit tamarmik ataasiak­kaarlugit nalilersor­neqartarput, aamma qarasaasiat atorlugit nalilersor­neqarneq ajorput.

Pisussat. Pisussamut peqataajumallutit, qinnuteqarumallutit kajumis­sutsimil­luunniit suleqataajumallutit aalajangeruit paasissutissat ataaniittut atuaqqullugit kajumis­saarusup­patsigit. Pisussat tassaasin­naapput ataatsimeersuarnerit, sanaartornerit, ikiuiniarnerit aamma oqaluus­sinermi immikkut suliniarnerit.

Pisussamut kajumis­sutsiminnik suleqataasut. Paasissutissat ilinnut tunngasut pisussami atortussat tassaasin­naapput attaveqarfissatit, inunngorfiit, qaqugukkut suleqataasin­naasutit, piginnaaneritit paasissutissallu pisariaqartut allat. Pisussami suleqataanissamut akuerisaaguit paasissutis­saatitit Jehovap Nalunaajaasuisa immikkoor­tortaqarfiannut tamatuminnga aaqqissuus­sisumut ataatsimeersuar­nermilu sullissisunut ingerlateq­qinneqarlutillu atorneqassapput. Paasissutissat ilinnut tunngasut pisussami aaqqissuus­sinermut pilersaarusior­nermullu atussavaat. Pisussamut tunngatillugu pisariaqarpat paasissutissat ilinnut tunngasut sullissisunut allanut ingerlateq­qinneqassapput. Paasissutissat ilinnut tunngasut immersugassamut ilannguk­kusunngikkukkit imaluunniit peerneqar­tikkusukkukkit aaqqissuussamut peqataasin­naajunnaaratarsin­naavutit. Paasissutissat ilinnut tunngasut pisariaqarun­naarpata piissavagut.

Pisussaq: Ataatsimeersuarnerit nunanit tamalaanit peqataaf­figineqartut. Ataatsimeersuarnermut taamaattumut peqataarusullutit piumasaqaatit naammas­sisimagukkit nittartagaq una aqqutigalugu qinnuteqarsin­naavutit. Immikkoortumi qulaani allassimasumi “Qinnuteqaatit”-mi paasisaqar­nerusin­naavutit.

Ataatsimeersuariat. Paasissutissat ilinnut tunngasut ataatsimeersuarnermi atortussat tassaasin­naapput attaveqarfissatit, inunngorfiit, eqimattat ilaaffissatit, ineqarfissat, tikiffissat, aallarfissat, paasissutissallu pisariaqartut allat. Ataatsimeersuarnermut ilaanissannut akuerisaaguit paasissutis­saatitit immikkoor­tortaqarfimmut tamatuminnga aaqqissuus­sisumut ataatsimeersuar­nermilu sullissisunut ingerlateq­qinneqarlutillu atorneqassapput. Paasissutissat ilinnut tunngasut ataatsimeersuarnermi angalanermilu aaqqissuus­sinermut pilersaarusior­nermullu atussavaat. Hotelimi ineqarfissat aaqqissuun­niarlugu paasissutissat ilinnut tunngasut hotelimut qinikkannut sullissisunullu allanut ingerlateq­qinneqassapput. Paasissutissat ilinnut tunngasut aamma pisussanut allanut illit qinikkannut tunngatillugu sullissisunut allanut ingerlateq­qinneqassapput. Paasissutissat ilinnut tunngasut immersugassamut ilannguk­kusunngikkukkit imaluunniit peerneqar­tikkusukkukkit aaqqissuussamut ilaasin­naajunnaaratarsin­naavutit. Paasissutissat ilinnut tunngasut pisariaqarun­naarpata piissavagut.

Pisussaq: Oqaluus­sinermi immikkut suliniarnerit. Oqaluus­sinermi immikkut suliniarnermut peqataarusullutit piumasaqaatit naammas­sisimagukkit nittartagaq una aqqutigalugu qinnuteqarsin­naavutit. Immikkoortumi qulaani allassimasumi “Qinnuteqaatit”-mi paasisaqar­nerusin­naavutit. Oqaluus­sinermi immikkut suliniarnermut ilaanissannut akuerisaaguit paasissutis­saatitit immikkoor­tortaqarfimmut tamatuminnga aaqqissuus­sisumut ingerlateq­qinneqarlutillu atorneqassapput. Paasissutissat ilinnut tunngasut tassaasin­naapput attaveqarfissatit aamma eqimattat ilaaffissatit taamatuttaaq ineqarfissat, tikiffissat, aallarfissat, oqaatsit sorliit atorneritit paasissutissallu pisariaqartut allat. Oqaluus­sinermi immikkut suliniarnermik aaqqissuussisut paasissutissat ilinnut tunngasut aaqqissuus­sinermut aamma oqaluus­siffigisassannik inissannillu tunineqar­nissannut atussavaat. Illit oqaluus­siffigisassanni attavigisassavit utoqqaanertallu ilagiinni aaqqissuussisut pilersaarusior­nerminni paasissutissat ilinnut tunngasut atussavaat. Paasissutissat ilinnut tunngasut immersugassamut ilannguk­kusunngikkukkit imaluunniit peerneqar­tikkusukkukkit aaqqissuussamut ilaasin­naajunnaaratarsin­naavutit.

Piginnaan­ngorsaaneq. Suliniutinut, ilaatigut sanaartukkanut, ikiuunnissannut piukkunnaruit pikkoris­sartitsinermut aaqqissuisuusup pikkoris­sartitsinermut peqataaq­qusinnaavaatit. Akuersis­sinnaavutit naaggaarsin­naallutil­luunniit imaluunniit pikkoris­sartitsinerup aallartinnissaa sioqqullugu peqataanis­saraluit taamaatiin­narsinnaavat. Peqataaniarlutit akuersissaguit pikkorissaasut takkuttarnitit allattor­tassavaat, angusatit nalilersor­tassavaat oqaaseqaateqar­tassallutillu. Aamma piginnaasatit Min Profilinnut hub.pr418.com-imut ilanngus­simasatit pikkoris­saanermik aaqqissuisunit pikkoris­saasunillu misissuataar­neqarlutillu nalilersor­neqartassapput. Paasissutissat ilinnut tunngasut taakku suliarineqas­sappata Jehovap Nalunaajaasuisa immikkoor­tortaqarfiinut allanut, qullersaqarfiinut imaluunniit peqatigiiffinnut assingusunut Jehovap Nalunaajaasuisa nunani assigiin­ngitsuni suleqatigisar­tagaanut ingerlateq­qinneqarsin­naassap­puttaaq

Tunissutit. Internetikkut aningaasanik tunissuteqaruit atit attavigineqar­nissannullu paasissutissat katersus­savavut. Akiliissutit kreditkortit atorlugit tunissutit tigusin­naajumallugit internetikkut akiliisarfiit akuerisaasut pitsaal­luinnartumik isumannaal­lisaasartut paasissutis­sanillu atueriaaseqartut atortarpavut. Tunissutit isumagiumallugu internetikkullu akiliisarfiit eqqartor­neqartut paasissutissanik pisariaqartunik tuniumallugit imaassinnaavoq kreditkortit pillugit paasissutissanik, aningaaserivimmi konto normu pillugu paasissutissanik allanil­luunniit konto pillugu paasissutissanik tigusaqartugut. Aaqqiissutip Payment Card Industry Data Security Standard-ip (“PCI DSS”) piumasaqaataanik eqqortitsisut atorlugit tunissuteqarnerit isumannaatsumik isumagisarparput. Tunissutinik tigusaqartup soqutigisaminut inatsisitigut akuerisaasunut naapertuuttumik inatsisitigul­luunniit piumasaqaatinut maleruar­neqarsin­naasunut sunulluunniit naapertuuttumik tunissuteqarneq pillugu paasissutissat pisariaqarpat qanorluunniit sivisutigisumik toqqoqqassavai. Ulloq tunissuteqarfik, aningaasat tunissutigineqartut tunissuteqariaaserlu paasissutissanut taakkununnga ilaapput. Taamaalilluta naatsorsuuserinermut piumasaqaatit eqqortis­sinnaas­savavut piffissamilu tamatumani apeqqutigisin­naasatit akisinnaas­sallugit. Amerlanerusunik tunissuteqaq­qullutit attaviginavian­ngilatsigit.

Pulaarneqarusunneq. Nittartagarput aqqutigalugu Jehovap Nalunaajaasui Biibililuunniit pillugit paasisaqar­nerunissat noqqaas­sutigisinnaavat. Noqqaas­suteqarnikkut paasissutissat ilinnut tunngasut tunniussatit noqqaas­sutinnut taamaallaat atussavavut. Noqqaassutit eqqortin­niarlugu paasissutissat taakku imaassinnaavoq Jehovap Nalunaajaasuisa immikkoor­tortaqarfiinut peqatigiif­fiinulluunniit tunniun­neqartut.

Assigiin­ngitsunut tunngatillugu. Atuisutut kontomik pilersitsinerup, qinnuteqaammik nassius­sinerup tunissuteqar­nerulluunniit saniatigut aamma allat pissutigalugit paasissutissanik ilinnut tunngasunik (assersuutigalugu atit, najukkat oqarasuaatip­pilluunniit normua) tunisin­naavatsigut. Paasissutissanik ilinnut tunngasunik noqqaas­suteqar­nitsinni siunertaasoq paasiuminartumik allassimajuaan­nassaaq. Illit pillutit paasissutissat piffissami paasissutissanik tunnius­siffinni paatsuugas­saanngitsumik allassimasutut taamaallaat atorneqar­tassapput.

JW Library-mi inuk pillugu paasissutissat atueriaaseq allaaserisami “Hvordan JW Library bruger dine data”-mi nassuiar­neqarpoq.

Tassani allaatigineqartutut app-eq jw.org-imit paasissutissanik downloaderisarpoq. Downloaderinermi nittartakkap atuisup IP-adressia takusin­naasarpaa. Nittartak­katigut paasissutissat katersor­tarpavut app-imi kiffartuus­sinerit pilersorumallugit, pitsanngorsarumallugit aamma isumannaal­lisaajumalluta. Tassa paasissutissat ukunani atorneqartarput: app-ip atuisumit atorneqarsin­naanerani, app-imik pitsanngorsaanermi, peqquserlut­toqarpat isumannaal­lisaanikkut, virusit assigisaallu paasiumallugit pinngitsoor­titsiniaanermi isumannaal­lisaanikkullu ajornar­torsiuteqarnermi.

Upperisarsioqatigiit peqatigiiffiat nunani ataasiakkaani ingerlatsiviit aqqutigalugit nunarsuaq tamakkerlugu suliaqartarpoq. Nittartakkap app-illu tassunga tunngasut serveriisa ilaat USA-miipput. Imaassinnaavoq illit pillutit paasissutissat nunamit najukkannit nunamut allamut nuukkivut, imaassinnaavoq nunanut illit nunagisattut inuit pillugit paasissutissanik illersuitigin­ngitsunik inatsiseqartunut nuussisoqartoq. Illit pillutit paasissutissat isumagigaangatsigit nuukkaangatsigillu illersorumallugit iliuuseqar­tarpugut. Naatsorsuutigaarput peqatigiiffiit ingerlatsiviillu Jehovap Nalunaajaasuinit atorneqartartut Jehovamillu Nalunaajaasut suliaannik tapersersuisut paasissutissanik illersueriaatsitsinnik aamma paasissutissat inunnut tunngasut pillugit inatsisinik malittarisas­sanillu maleruaasartut.

Nittartakkatta atorneratigut uagutsinnillu internetikkut attaveqaqateqarnikkut akuerissavat paasissutissat nunanut allanut nuunneqarsin­naanerat. Aamma isumaqatigiis­sutiliornermi paasissutissat nuunneqarsin­naanerannik akuersisitsisarpugut.

Illit pillutit paasissutissat suliarigaangatsigit katersor­neqarnerannut siunertaasutut sapinngisatsinnik eqqortuunissaat nutaanerpaanissaallu. Nunami sumi najugaqar­nersutit nunagisannilu paasissutissanik illersuisarneq pillugu inatsisit atuuttut apeqqutaallutik illit pillutit paasissutissanut uagutsinnut tunniussannut tunngatillugu immaqa ukuninnga pisinnaatitaaf­feqarputit:

• Nunagisanni inatsisit atuuttut naapertorlugit illit pillutit paasissutissat katersor­neqartut atorneqartullu pillugit paasissutissat piumasin­naavatit.

• Noqqaas­sutigisinnaavat illit pillutit paasissutissat iserfiginissaat, unitsin­nissaat nunguter­nissaal­luunniit, imaluunniit ilaannakuuppata eqqoqqis­saanngip­pataluunniit aaqqikkumasin­naavatit.

• Inatsisitigut tunngavis­saqaruit illit pillutit paasissutissat suliarineqarnerat akerliliis­sutigisinnaavat noqqaas­sutigalugulu illit pillutit paasissutissat suliarineqaq­qissanngitsut.

Nunagisanni paasissutissanik illersuinissaq pillugu naleqquttunik inatsiseqarpat kissaatigigukkulu illit pillutit paasissutissat iserfiginissaat, naqqinnissaat nunguter­nissaal­luunniit Data Protection Contacts-imi attaveqar­nissamut paasissutissat takusin­naavatit.

Allakkatigut noqqaas­suteqareeruit kinaassutsinnillu naammaginartumik uppernarsaareeruit illillu pillutit paasissutissat suussusersinis­saannut naammattumik paasissutis­seereeruit paasissutissanut akisussaasoq susassaqartoq paasissutissanut pineqartunut isernissannik, allannguinissannik nunguterinis­sannillu kissaativit peqatigiiffiup akuerisaasumik soqutigisaanut sanillersuuteriarlugit aamma taamatut noqqaas­suteqarneq peqatigiiffiup upperisarsioqatigiittut kiffaan­ngissuseqar­neranut suliaqarsin­naaneranullu pisinnaatitaaffiinik navianar­torsior­titsissanersoq nalilersoriarlugu aalajangissaaq noqqaassutit eqqortin­neqassanersoq. Allannguutit pisariaqartut pillugit aamma sullissisut allat ilisimatis­sinnaavavut.

Eqqumaf­figissavat inatsisitigut piumasaqaataappat illit pillutit paasissutissat suliarineqassasut imaluunniit paasissutissat inatsisinik allanik tunngaveqartumik pigineqas­sappata nunguter­neqarnavian­ngimmata. Assersuutigalugu upperisarsioqatigiit peqatigiiffiata inuup Jehovamik Nalunaajaasutut inissisimaf­feqarnera pillugu paasissutissat pigerusussavai. Paasissutissat taamaattut nunguternerat pisariaqan­ngitsumik peqatigiiffiup upperisarsioqatigiittut upperisaanik suleriusaanillu innarliinerussaaq. Inuk pillugu paasissutissanik nunguteriumasoqar­tillugu kalerriuteqar­tarnissamut inatsisit atuuttut suulluunniit allakkianillu toqqorsisar­nissamut piumasaqaatit malinneqar­tussaapput. Aamma illit nunagisanni paasissutissanik illersuinermut oqartus­saasunut nittartagaq una aqqutigalugu paasissutissat tunnius­simasatit pillugit naammagit­taalliuuteqarsin­naavutit.