Jehovap Nalunaajaasuisa nunarsuaq tamak­kerlugu peqatigiif­fiata (“up­perisarsioqatigiit peqatigiif­fiata”) inuit nam­min­neq inuuneqarsin­naatitaanerat inuil­lu pil­lugit paasis­sutis­sat il­lersor­neqar­nis­saat ataq­qivaa. Up­perisarsioqatigiit peqatigiif­fiata miserratigin­ngilaa Jehovamik Nalunaajaasut ataasiak­kaat pisariaqar­titamit­tut ikior­neqar­nias­sam­mata peqatigiif­fil­lu up­perisarsior­nermut ajun­ngitsulior­nermul­lu tun­ngasunik suliaqar­nias­sam­mat am­masumik un­neq­qaris­sumil­lu at­taveqaqatigiin­nis­saq kiisalu inuit pil­lugit paasis­sutis­sat al­lanit ilisimaneqar­tariaqan­ngitsut katersor­neqar­tariaqar­tut. Aam­ma miserratigin­ngilaa paasis­sutis­sat il­lersor­neqar­tariaqar­tut. (Ussatit 15:22; 25:9) Al­lanut ingerlatitseq­qiisan­ngin­neq pingaar­tit­torujus­suuar­put. – Ussatit 20:19.

Nunat arlal­lit inuit ataasiak­kaat nam­min­neq inuuneqarsin­naatitaanerat qulak­keer­niarlugu paasis­sutis­sanik il­lersuinis­saq pil­lugu inatsisinik akuersis­suteqar­put. Al­laat suli paasis­sutis­sanik il­lersuinis­saq pil­lugu inatsisit akuersis­sutigineqan­ngitsut up­perisarsioqatigiit peqatigiif­fiata, aam­ma nunani as­sigiin­ngitsuni im­mik­koor­tor­taqarfiit ilan­ngul­lugit, ukior­pas­suar­ni nam­mineq inuusin­naatitaaneq paasis­sutis­sanil­lu ingerlatitseq­qiisan­ngin­neq ataq­qil­lugit ersersis­simavaa. Up­perisarsioqatigiit peqatigiif­fiata, ukior­pas­suar­ni pisarsimanermisut, paasis­sutis­sat pisimasani il­lersus­savai.

Paasis­sutis­sanik iller­suisar­ner­mik najoq­qutas­siat. Up­perisarsioqatigiit peqatigiif­fiata najoq­qutas­siat uku malil­lugit paasis­sutis­sat inum­mut tun­ngasut tamaasa ima suliarisar­pai:

1. Inuk pil­lugit paasis­sutis­sat inatsisit malil­lugit suliarineqas­sap­put.

2. Inuk pil­lugu paasis­sutis­sat taamaal­laat up­perisarsioqatigiit peqatigiif­fiata up­perisarsior­nermut ajun­ngitsulior­nermul­lu tun­ngatil­lugu siuner­taanut pisariaqaraangat katersor­neqar­tas­sap­put, suliarineqar­tas­sap­put ator­neqar­tas­sal­lutil­lu.

3. Inuk pil­lugu paasis­sutis­sat eq­qoq­qis­saar­nias­sam­mata nutar­ter­neqar­tas­sap­put. Up­perisarsioqatigiit peqatigiif­fiata kuk­kusoqarsimanera paasiguniuk kuk­kuneq sunaluun­niit piaar­tumik aaq­qin­neqas­saaq.

4. Inuk pil­lugu paasis­sutis­sat up­perisarsioqatigiit peqatigiif­fiata sulias­saanik aalajangersimasunik isumagin­nin­neranut pisariaqarun­naar­nis­saata tungaan­nut pigineqas­sap­put.

5. Nalunaarsor­neqar­tup pisin­naatitaaf­fiisa ataq­qineqar­nis­saat peqatigiif­fiup qulak­kiis­savaa.

6. Inuit pil­lugit paasis­sutis­sat akuerisaan­ngitsunit inatsisinil­luun­niit unioq­qutitsisunit ingerlateq­qin­neqar­nis­saat pin­ngitsoor­tin­niarlugu ator­toris­saarutitigut aaq­qis­suus­saanik­kul­lu iliuuseqar­toqas­saaq. Inuit pil­lugit paasis­sutis­sat tamarmik elektroniskiusumik toq­qor­neqarsimasut qarasaasiani isuman­naatsuni toq­qor­neqar­put, qarasaasial­lu taak­ku taamaal­laat akuerisaasunit iserfigineqarsin­naap­put. Sulinerup kingor­na al­laf­fiit par­naar­neqar­tar­put, sulisul­lu akuerisaasimasut kisimik al­laf­fin­nut iseq­qusaap­put.

7. Up­perisarsioqatigiit peqatigiif­fiata up­perisarsior­nermut ajun­ngitsulior­nermul­lu tun­ngatil­lugu siuner­taanut aatsaat pisariaqar­pat inuk pil­lugu paasis­sutis­sat im­mik­koor­tor­taqarfiit akor­nan­ni nuun­neqarsin­naap­put. Jehovap Nalunaajaasui tamarmik nam­min­neq kajumis­sutsin­nik Jehovamik Nalunaajaasutut ilisimaneqarumal­lutik aalajanger­nermik­kut taman­na akuerivaat.

Paasis­sutis­sanik il­lersuisar­nermik najoq­qutas­siat taak­ku malil­lugit inuit pil­lugit paasis­sutis­sat atuak­kami Organiseret til at gøre Jehovas vilje eq­qaaneqar­tut suliarineqar­tar­put. Atuagaq taan­na Jehovap Nalunaajaasuinut tamanut oqaluus­sisar­tun­ngor­tunut tun­niun­neqar­tar­poq. Paasisaqar­nerujumal­lutit takuuk Organiseret til at gøre Jehovas vilje.

Inuup ataasiak­kaap paasis­sutis­sat nam­minerminut tun­ngasut al­lanil­lu ilisimaneqar­tariaqan­ngitsut pil­lugit il­lersor­neqar­nis­saanut kiisalu paasis­sutis­sanut nam­minerminut tun­ngasut al­lanil­lu ilisimaneqar­tariaqan­ngitsut al­lan­ngor­tin­nis­saat nunguter­nis­saal­lu pil­lugit pisin­naatitaaf­fia Nunani tamalaani inuk pil­lugu paasis­sutis­sanik atueriaaseq-mi qulequtaaq­qami Il­lit pisin­naatitaaf­fitit-mi al­laatigineqar­tutut Jehovap Nalunaajaasuisa suleriusaan­nut naaper­tuut­tumik eq­qor­tin­neqar­tar­put.

Jehovap Nalunaajaasuisa nunani tamalaani paasis­sutis­sanik il­lersueriaasian­ni qulaani al­laatigineqar­tumi takuneqarsin­naavoq paasis­sutis­sat inun­nut tun­ngasut Jehovap Nalunaajaasuisa nunani tamalaani qanoq suliarisaraat.