JW បណ្ណាល័យ
ជម្រើសផ្សេងៗដើម្បីសម្រួលការអានក្នុងកម្មវិធីAndroid
ក្នុងJW បណ្ណាល័យ មានលក្ខណៈពិសេសខ្លះដែលបានត្រូវរៀបចំឡើងដើម្បីសម្រួលការអាន។ លក្ខណៈទាំងនេះអាចឃើញនៅផ្ទៃខាងលើអេក្រង់ ពេលលោកអ្នកអានជំពូកឬអត្ថបទណាមួយ។
លោកអ្នកអាចចុចលើសញ្ញាចុចបី ដើម្បីយកជម្រើសមួយដែលជួយសម្រួលការអាន។
ដើម្បីសម្រួលការអានរបស់អ្នក សូមធ្វើតាមការណែនាំទាំងនេះ៖
ប្ដូរភាសា
លោកអ្នកអាចប្ដូរអត្ថបទដែលកំពុងអានទៅជាភាសាផ្សេង។
សូមចុចសញ្ញាភាសា ដើម្បីឃើញភាសាផ្សេងៗដែលមានអត្ថបទនោះ។ ភាសាដែលលោកអ្នកប្រើញឹកញយ នឹងត្រូវឃើញខាងលើបំផុតក្នុងបញ្ជី។ ទស្សនាវដ្ដីប៉មយាមស្រួលយល់ ក៏បង្ហាញនៅក្នុងនោះដែរ។ លោកអ្នកអាចស្វែងរក ដោយវាយឈ្មោះភាសាណាមួយ។
ភាសាដែលមិនទាន់បានថតចម្លង នឹងមានសញ្ញារូបពពក។ សូមចុចលើភាសាមួយ ដើម្បីថតចម្លងសៀវភៅនោះ។ ពេលសៀវភៅបានត្រូវថតចម្លងរួចហើយ រូបពពកនឹងបាត់ទៅ។ សូមចុចលើភាសានោះម្ដងទៀតដើម្បីអាន។
ប្ដូរទំហំអក្សរ
លោកអ្នកអាចប្ដូរទំហំអក្សរដើម្បីស្រួលអានជាង។
សូមចុចទំហំអក្សរ រួចអូសលើគំនូសដើម្បីពង្រីកឬបង្រួមទំហំអក្សរ។ ទំហំនោះនឹងជាប់គ្រប់សៀវភៅក្នុងកម្មវិធី។
ប្ដូរអត្ថបទជារូបភាពឬអក្សរ
អត្ថបទខ្លះអាចឃើញដូចទំព័រក្នុងសៀវភៅឬមើលជាអក្សរ។ សូមចុចសញ្ញានេះដើម្បីប្ដូរទៅមួយណាក៏បាន។
អត្ថបទជារូបភាព: អ្នកខ្លះប្រហែលចូលចិត្តមើលអត្ថបទដូចទំព័រនៅក្នុងសៀវភៅ ជាពិសេសពេលពួកគេមើលសៀវភៅចម្រៀង ដោយសារអាចឃើញអក្សរភ្លេង។
អត្ថបទជាអក្សរ: ពេលចុចប្ដូរអត្ថបទជាអក្សរ នោះលោកអ្នកអាចបើកមើលខគម្ពីរ ហើយតួអក្សរមានទំហំដូចដែលបានដាក់ពីមុន។
បើកក្នុង . . .
លោកអ្នកអាចចុចបើកក្នុង . . . ដើម្បីមើលអត្ថបទដូចគ្នាពីJW បណ្ណាល័យ ក្នុងកម្មវិធីផ្សេងទៀត។
សូមចុចបើកក្នុង . . . ដើម្បីចូលកម្មវិធីផ្សេងនោះ។ ឧទាហរណ៍ លោកអ្នកចុចបើកក្នុងបណ្ណាល័យ ដើម្បីបើកទំព័រដែលលោកអ្នកកំពុងអាននោះ នៅក្នុងបណ្ណាល័យអ៊ីនធឺណិតរបស់ប៉មយាម។
មើលគម្ពីរផ្សេងៗ
ពេលលោកអ្នកចុចខគម្ពីរណាមួយក្នុងអត្ថបទ ខនោះនឹងលេចមក។ ខាងក្រោមខគម្ពីរនោះ មានប្រអប់គម្ពីរផ្សេងៗ សូមចុចលើនោះដើម្បីជ្រើសរើសគម្ពីរដែលលោកអ្នកចង់អាន។
សូមចុចសញ្ញាបូកឬដកដើម្បីដាក់ចូលឬដកចេញសេចក្ដីបកប្រែគម្ពីរផ្សេងៗ។
សូមមើល«របៀបថតចម្លងគម្ពីរក្នុងកម្មវិធីAndroid» ដើម្បីរៀនអំពីរបៀបថតចម្លងគម្ពីរផ្សេងទៀតក្នុងកម្មវិធីJW បណ្ណាល័យ។
នៅខែកុម្ភៈ ឆ្នាំ២០១៥ លក្ខណៈពិសេសទាំងនេះបានត្រូវដាក់បញ្ចូលក្នុងJW បណ្ណាល័យ១.៤ ដែលអាចប្រើបានក្នុងកម្មវិធីAndroid២.៣ឬស៊េរីខ្ពស់ជាង។ បើលោកអ្នកមិនឃើញលក្ខណៈពិសេសទាំងនេះទេ សូមធ្វើតាមការណែនាំក្នុងអត្ថបទ«ចូរចាប់ផ្ដើមប្រើកម្មវិធីJW បណ្ណាល័យក្នុងកម្មវិធីAndroid» ហើយមើលថតចម្លងគម្ពីរថ្មីបំផុត។
