ចម្រៀងសរសើរព្រះ ១១៣:១-៩
១១៣ ចូរសរសើរយ៉ា!*
អស់អ្នកដែលបម្រើព្រះយេហូវ៉ាអើយ ចូរសរសើរលោកចូរសរសើរដល់នាមព្រះយេហូវ៉ា។
២ សូមឲ្យនាមព្រះយេហូវ៉ាទទួលការសរសើរតម្កើងចាប់ពីឥឡូវនេះនិងរហូតតទៅ។+
៣ សូមឲ្យនាមរបស់ព្រះយេហូវ៉ាទទួលការសរសើរតម្កើង+ចាប់ពីថ្ងៃរះរហូតដល់ថ្ងៃលិច។*
៤ ព្រះយេហូវ៉ាខ្ពង់ខ្ពស់ជាងប្រជាជាតិទាំងអស់+លោកមានសិរីរុងរឿងអស្ចារ្យជាងមេឃា។*+
៥ តើមានអ្នកណាដូចព្រះយេហូវ៉ាជាព្រះរបស់យើង+ដែល*នៅទីខ្ពស់?
៦ លោកឱនមើលមេឃនិងផែនដី+
៧ ហើយលើកមនុស្សទន់ទាបឡើងពីធូលីដី។
លោកលើកជនក្រីក្រឡើងពីគំនរផេះ*+
៨ ដើម្បីឲ្យគាត់អង្គុយជាមួយនឹងពួកមានឋានៈខ្ពស់គឺជាមួយនឹងពួកមានឋានៈខ្ពស់ក្នុងចំណោមរាស្ត្ររបស់លោក។
៩ លោកធ្វើឲ្យស្ត្រីអារក្លាយជាមាតាហើយរស់នៅយ៉ាងសប្បាយរីករាយជាមួយនឹងកូនៗ*ក្នុងផ្ទះរបស់នាង។+
ចូរសរសើរយ៉ា!*
កំណត់សម្គាល់
^ ឬ«ហាឡេលូយ៉ា!»។ «យ៉ា»ជាឈ្មោះកាត់របស់ព្រះយេហូវ៉ា
^ ឬ«ចាប់ពីទិសខាងកើតដល់ទិសខាងលិច»
^ ឬ«ស្ថានសួគ៌»
^ ឬ«ដែលអង្គុយលើបល្ល័ង្ក»
^ ឬប្រហែលជាមានន័យថា«គំនរសំរាម»
^ ន័យត្រង់«កូនប្រុសៗ»
^ ឬ«ហាឡេលូយ៉ា!»។ «យ៉ា»ជាឈ្មោះកាត់របស់ព្រះយេហូវ៉ា
