ចម្រៀងសរសើរព្រះ ១២០:១-៧
ចម្រៀងរបស់អ្នកធ្វើដំណើរឡើងទៅក្រុង។*
១២០ ពេលខ្ញុំរងទុក្ខវេទនា ខ្ញុំបានហៅរកព្រះយេហូវ៉ា+ហើយលោកបានឆ្លើយតបមកខ្ញុំ។+
២ ឱព្រះយេហូវ៉ាអើយ សូមសង្គ្រោះខ្ញុំពីមាត់ដែលនិយាយកុហកនិងពីអណ្ដាតដែលបោកបញ្ឆោត។
៣ ឱអណ្ដាតដែលបោកបញ្ឆោតអើយ+តើព្រះនឹងធ្វើយ៉ាងណាចំពោះពួកអ្នក? ហើយតើលោកនឹងដាក់ទោសពួកអ្នកយ៉ាងដូចម្ដេច?
៤ គឺដោយប្រើព្រួញដ៏មុតស្រួច+របស់អ្នកចម្បាំងនិងដោយរងើកធ្យូង+រ៉ូថែម។*
៥ វេទនាណាស់ខ្ញុំ! ព្រោះខ្ញុំបានស្នាក់នៅជាជនបរទេសក្នុងចំណោមពួកមេសេក+ខ្ញុំបានអាស្រ័យនៅក្នុងចំណោមត្រសាលរបស់ពួកកេដា។+
៦ ខ្ញុំបាននៅជាមួយនឹងពួកអ្នកដែលស្អប់សន្តិភាពយូរពេកហើយ។+
៧ ខ្ញុំស្រឡាញ់សន្តិភាព តែពេលដែលខ្ញុំនិយាយអំពីសន្តិភាពពួកគេក៏ចង់ធ្វើសង្គ្រាមទៅវិញ។
កំណត់សម្គាល់
^ មើលនិយមន័យពាក្យ«ចម្រៀងរបស់អ្នកធ្វើដំណើរឡើងទៅក្រុង»
^ ដើមឈើម្យ៉ាងនៅតំបន់វាលខ្សាច់
