ចម្រៀងសរសើរព្រះ ១៣:១-៦
ជូនចំពោះមេភ្លេង។ ទំនុករបស់ដាវីឌ។
១៣ ឱព្រះយេហូវ៉ា តើលោកនឹងភ្លេចខ្ញុំដល់ពេលណា? ជារៀងរហូតឬ?
តើដល់ពេលណាទើបលោកឈប់បែរមុខចេញ*ពីខ្ញុំ?+
២ តើខ្ញុំត្រូវព្រួយបារម្ភនិងកើតទុក្ខយូរយ៉ាងណាទៀត?
តើសត្រូវរបស់ខ្ញុំនឹងឈ្នះខ្ញុំរហូតដល់ពេលណា?+
៣ ឱព្រះយេហូវ៉ាជាព្រះរបស់ខ្ញុំអើយ សូមមើលខ្ញុំ ហើយតបឆ្លើយមកខ្ញុំផងសូមឲ្យខ្ញុំមានកម្លាំងឡើងវិញ*ដើម្បីកុំឲ្យខ្ញុំស្លាប់។
៤ យ៉ាងនេះ សត្រូវរបស់ខ្ញុំនឹងមិនហ៊ាននិយាយថា៖ «ខ្ញុំបានឈ្នះគាត់ហើយ!»។
សូមកុំឲ្យអ្នកដែលប្រឆាំងខ្ញុំសប្បាយចិត្តក្នុងកាលដែលខ្ញុំដួលចុះឡើយ។+
៥ រីឯខ្ញុំវិញ ខ្ញុំទុកចិត្តលោក ដោយសារលោកមានសេចក្ដីស្រឡាញ់ដ៏ស្មោះត្រង់។+
ចិត្តរបស់ខ្ញុំនឹងត្រេកអរ ពេលដែលលោកជួយសង្គ្រោះខ្ញុំ។+
៦ ខ្ញុំនឹងច្រៀងជូនព្រះយេហូវ៉ា ព្រោះលោកបានផ្ដល់រង្វាន់ជាបរិបូរដល់ខ្ញុំ។+
