ចម្រៀងសរសើរព្រះ ១៤៦:១-១០
១៤៦ ចូរសរសើរយ៉ា!*+
ខ្ញុំសូមសរសើរព្រះយេហូវ៉ាអស់ពីដួងចិត្ត។+
២ ខ្ញុំនឹងសរសើរព្រះយេហូវ៉ាអស់មួយជីវិតខ្ញុំនឹងច្រៀង*សរសើរព្រះរបស់ខ្ញុំដរាបណាខ្ញុំនៅរស់។
៣ កុំទុកចិត្តពួកមានឋានៈខ្ពស់កុំទុកចិត្តមនុស្ស ព្រោះពួកគេមិនអាចជួយសង្គ្រោះបានឡើយ។+
៤ ពេលគេផុតដង្ហើម គេត្រឡប់ទៅជាដីវិញ។+
នៅថ្ងៃនោះឯង ការគិតគូររបស់គេក៏រលាយសាបសូន្យទៅ។+
៥ មានសុភមង្គលហើយ អ្នកណាដែលសុំជំនួយពីព្រះរបស់យ៉ាកុប*+គឺជាអ្នកដែលសង្ឃឹមលើព្រះយេហូវ៉ាជាព្រះរបស់គាត់។+
៦ លោកជាព្រះដែលបានបង្កើតមេឃនិងផែនដីព្រមទាំងសមុទ្រ និងអ្វីៗទាំងអស់ដែលនៅក្នុងនោះផង។+
លោកជាព្រះដែលស្មោះត្រង់ជានិច្ច។+
៧ លោកផ្ដល់យុត្តិធម៌ដល់ពួកអ្នកដែលត្រូវគេបោកប្រាស់លោកឲ្យអាហារដល់អ្នកដែលស្រេកឃ្លាន។+
ព្រះយេហូវ៉ានឹងដោះលែងជនដែលជាប់គុក។*+
៨ ព្រះយេហូវ៉ាធ្វើឲ្យមនុស្សងងឹតភ្នែកមើលឃើញវិញ+ព្រះយេហូវ៉ាលើកអស់អ្នកដែលឱនខ្លួនឲ្យក្រោកឡើង។+
ព្រះយេហូវ៉ាស្រឡាញ់មនុស្សសុចរិត។
៩ ព្រះយេហូវ៉ាការពារជនបរទេសលោកជួយផ្គត់ផ្គង់កូនកំព្រា*និងស្ត្រីមេម៉ាយ+តែលោករារាំងគម្រោងការរបស់មនុស្សទុច្ចរិត។+
១០ ព្រះយេហូវ៉ានឹងធ្វើជាស្ដេចជារៀងរហូត+ឱស៊ីយ៉ូនអើយ ព្រះរបស់អ្នកនឹងគ្រងរាជ្យពីជំនាន់មួយទៅជំនាន់មួយ។
ចូរសរសើរយ៉ា!*
កំណត់សម្គាល់
^ ឬ«ហាឡេលូយ៉ា!»។ «យ៉ា»ជាឈ្មោះកាត់របស់ព្រះយេហូវ៉ា
^ ឬ«លេងភ្លេង»
^ ឬ«អ្នកណាដែលមានព្រះរបស់យ៉ាកុបជាអ្នកជួយ»
^ ន័យត្រង់«ជនដែលជាប់ច្រវាក់»
^ ឬ«កូនកំព្រាឪពុក»
^ ឬ«ហាឡេលូយ៉ា!»។ «យ៉ា»ជាឈ្មោះកាត់របស់ព្រះយេហូវ៉ា
