ចម្រៀងសរសើរព្រះ ៣៤:១-២២
ទំនុករបស់ដាវីឌ ពេលដែលគាត់ក្លែងខ្លួនធ្វើជាឆ្កួត+នៅចំពោះមុខអាប៊ីម៉ាឡិច ហើយដាវីឌបានត្រូវបណ្ដេញចេញ។
א [អាល់ឡេហ្វ]
៣៤ ខ្ញុំនឹងសរសើរព្រះយេហូវ៉ាគ្រប់ពេលវេលាមាត់របស់ខ្ញុំនឹងសរសើរលោកជានិច្ច។
ב [បេត]
២ ខ្ញុំនឹងអួតអំពីព្រះយេហូវ៉ា។+
មនុស្សដែលមានចិត្តសុភាពនឹងឮ ហើយអរសប្បាយ។
ג [គីមេល]
៣ ចូរតម្កើងព្រះយេហូវ៉ាជាមួយនឹងខ្ញុំ+ចូរយើងរួមគ្នាលើកស្ទួយនាមរបស់លោក។
ד [ដាលេត]
៤ ខ្ញុំសួរព្រះយេហូវ៉ា ហើយលោកតបឆ្លើយមកខ្ញុំ+លោកជួយខ្ញុំមិនឲ្យភ័យខ្លាចអ្វីទាំងអស់។+
ה [ហេ]
៥ អស់អ្នកដែលសង្ឃឹមលើលោក ពួកគេប្រែជាមានរស្មីពួកគេនឹងមិនអាប់មុខឡើយ។
ז [ហ្សាយីន]
៦ ពេលអ្នកទន់ទាបស្រែករកព្រះយេហូវ៉ា លោកក៏ស្ដាប់ឮលោកស្រោចស្រង់គាត់ឲ្យចាកផុតពីទុក្ខវេទនាទាំងប៉ុន្មាន។+
ח [ហេត]
៧ ទេវតារបស់ព្រះយេហូវ៉ាការពារ*អស់អ្នកដែលកោតខ្លាចលោក+ហើយសង្គ្រោះពួកគេ។+
ט [ថេត]
៨ ចូរភ្លក់មើលឲ្យដឹងថាព្រះយេហូវ៉ាជាព្រះល្អ+អ្នកណាដែលពឹងជ្រកលោក អ្នកនោះមានសុភមង្គលហើយ។
י [យ៉ូដ]
៩ អស់អ្នកបរិសុទ្ធរបស់លោក ចូរកោតខ្លាចព្រះយេហូវ៉ាព្រោះអស់អ្នកដែលកោតខ្លាចលោក នឹងមិនខ្វះអ្វីឡើយ។+
כ [កាប]
១០ សូម្បីតែតោស្ទាវខ្លាំងក្លាក៏អាចជួបការអត់ឃ្លានដែរប៉ុន្តែ ពួកអ្នកដែលស្វែងរកព្រះយេហូវ៉ា នឹងមិនខ្វះអ្វីល្អទេ។+
ל [ឡាមេត]
១១ កូនៗរបស់ខ្ញុំអើយ ចូរមកស្ដាប់ខ្ញុំខ្ញុំនឹងបង្រៀនកូនឲ្យកោតខ្លាចព្រះយេហូវ៉ា។+
מ [មេម]
១២ តើអ្នកណាដែលស្រឡាញ់ជីវិតហើយចង់រស់នៅយូរអង្វែងដោយមានសុភមង្គល?+
נ [នុន]
១៣ បើអ្នកណាចង់បាន អ្នកនោះត្រូវចេះទប់អណ្ដាតមិនពោលពាក្យអាក្រក់+ហើយមិនត្រូវនិយាយសម្ដីបោកបញ្ឆោតទេ។+
ס [សាមេក]
១៤ ចូរជៀសចេញពីការធ្វើអាក្រក់ តែចូរប្រព្រឹត្តការល្អវិញ+ចូរខំប្រឹងធ្វើឲ្យមានសន្តិភាពជានិច្ច។+
ע [អាយីន]
១៥ ភ្នែករបស់ព្រះយេហូវ៉ាគន់មើលមនុស្សសុចរិត+ត្រចៀករបស់លោកស្ដាប់ ពេលពួកគេស្រែកសុំលោកឲ្យជួយ។+
פ [ភេ]
១៦ ផ្ទុយទៅវិញ ព្រះយេហូវ៉ាប្រឆាំងអស់អ្នកដែលធ្វើអំពើអាក្រក់លោកនឹងធ្វើឲ្យពួកគេវិនាសផុតពីផែនដី ដើម្បីកុំឲ្យមនុស្សនឹកចាំពួកគេទៀត។+
צ [សាដេ]
១៧ ពួកគេស្រែករកព្រះយេហូវ៉ា លោកក៏ស្ដាប់ឮ+លោកសង្គ្រោះពួកគេពីទុក្ខលំបាកទាំងអស់។+
ק [ឃូហ្វ]
១៨ ព្រះយេហូវ៉ានៅជិតអ្នកដែលមានចិត្តខ្ទេចខ្ទាំ+លោកជួយអ្នកដែលបាក់ទឹកចិត្ត។+
ר [រ៉េស]
១៩ មនុស្សសុចរិតជួបទុក្ខលំបាក*ជាច្រើន+តែព្រះយេហូវ៉ាជួយសង្គ្រោះគាត់ឲ្យរួចផុតពីទុក្ខទាំងអស់។+
ש [ស៊ីន]
២០ លោករក្សាការពារឆ្អឹងទាំងអស់របស់គាត់គ្មានឆ្អឹងណាមួយបានត្រូវបំបាក់ឡើយ។+
ת [ថាវ]
២១ មនុស្សទុច្ចរិតនឹងស្លាប់ដោយគ្រោះមហន្តរាយអស់អ្នកដែលស្អប់ជនសុចរិតនឹងមានទោសជាមិនខាន។
២២ ព្រះយេហូវ៉ាលោះជីវិត*របស់អ្នកបម្រើលោកអស់អ្នកដែលពឹងជ្រកលោកនឹងមិនត្រូវផ្ដន្ទាទោសឡើយ។+
