ចម្រៀងសរសើរព្រះ ៥៣:១-៦
ជូនចំពោះមេភ្លេង។ លេងតាមបែបម៉េហាឡាត។* ម៉ាស់គាល។* ទំនុករបស់ដាវីឌ។
៥៣ មនុស្សដែលមិនចេះពិចារណាតែងគិតក្នុងចិត្តថា៖«គ្មានព្រះយេហូវ៉ាទេ»។+
ការប្រព្រឹត្តរបស់ពួកគេសុទ្ធតែអាក្រក់ និងគួរឲ្យស្អប់ខ្ពើមគ្មានអ្នកណាម្នាក់ធ្វើអំពើល្អឡើយ។+
២ ប៉ុន្តែ ព្រះមើលមនុស្សជាតិពីស្ថានសួគ៌+ដើម្បីដឹងថាតើមានអ្នកណាខ្លះដែលមានការយល់ធ្លុះជ្រៅ? ឬតើមានអ្នកណាខ្លះដែលកំពុងស្វែងរកព្រះយេហូវ៉ា?+
៣ ពួកគេទាំងអស់បានបែរចេញពីព្រះពួកគេទាំងអស់អាក្រក់ដូចគ្នាមិនមានអ្នកណាធ្វើអំពើល្អឡើយសូម្បីតែម្នាក់ក៏គ្មានផង។+
៤ តើមនុស្សអាក្រក់សុទ្ធតែមិនយល់ឬ?
ពួកគេសង្កត់សង្កិនរាស្ត្ររបស់ព្រះ ស្រួលដូចបរិភោគអាហារ។
ពួកគេមិនហៅរកព្រះយេហូវ៉ាទេ។+
៥ ក៏ប៉ុន្តែ ពួកគេនឹងត្រូវភ័យតក់ស្លុតយ៉ាងខ្លាំងពួកគេមិនធ្លាប់ភ័យតក់ស្លុតដូចនោះពីមុនឡើយ*ព្រោះព្រះនឹងកម្ចាត់កម្ចាយឆ្អឹងរបស់ពួកមនុស្សដែលវាយប្រហារអ្នក។
អ្នកនឹងធ្វើឲ្យពួកគេអាប់ឱន ព្រោះព្រះយេហូវ៉ាបានបដិសេធពួកគេ។
៦ បើសេចក្ដីសង្គ្រោះរបស់អ៊ីស្រាអែលមកពីស៊ីយ៉ូននោះមិនដឹងជាល្អយ៉ាងណាទេ!+
ពេលព្រះយេហូវ៉ាប្រមូលរាស្ត្ររបស់លោកដែលបានត្រូវចាប់ទៅជាឈ្លើយឲ្យត្រឡប់មកវិញសូមឲ្យយ៉ាកុបមានអំណរ សូមឲ្យអ៊ីស្រាអែលបានត្រេកអរ។
កំណត់សម្គាល់
^ មើលនិយមន័យពាក្យ«ម៉េហាឡាត»
^ មើលនិយមន័យពាក្យ«ម៉ាស់គាល»
^ ឬប្រហែលជាមានន័យថា«ពួកគេភ័យតក់ស្លុតនៅកន្លែងដែលឥតមានហេតុឲ្យភ័យតក់ស្លុត»
