ប្រវត្តិហេតុទី១ ២៦:១-៣២
២៦ ក្រុមអ្នកយាមទ្វារ+មានដូចតទៅ៖ ពីចំណោមកូនចៅកូរ៉ាមាន មេសេលេមា+ជាកូនកូរ៉េ ត្រូវជាកូនចៅអេសាភ។
២ កូនរបស់មេសេលេមាមាន ទី១សាការី ទី២យេដាយអែល ទី៣សេបបាឌា ទី៤យ៉ាតនែល
៣ ទី៥អេឡាំ ទី៦យេហូហេណាន និងទី៧អេឡាយហូអ៊ីណាយ។
៤ កូនរបស់អូបិឌអេដំមាន ទី១សិមម៉ាយ៉ា ទី២យេហូសាបាត ទី៣យ៉ូអា ទី៤សាកា ទី៥នេថានេល
៥ ទី៦អាំមីអែល ទី៧អ៊ីសាខារ និងទី៨ភេអុលឡេថាយ។ ព្រះបានឲ្យពរអូបិឌអេដំឲ្យមានកូនទាំងនេះ។
៦ ឯសិមម៉ាយ៉ាជាកូនអូបិឌអេដំ គាត់មានកូនប្រុសៗដែលបានក្លាយទៅជាប្រមុខគ្រួសារ ព្រោះពួកគេជាបុរសពូកែអង់អាច។
៧ កូនរបស់សិមម៉ាយ៉ាមាន អុតណាយ រេផាអែល អូបិឌ និងអេលសេបាត ព្រមទាំងអេលីហ៊ូ និងសេម៉ាគា ដែលជាសាច់ញាតិរបស់គាត់ ពួកគេក៏ជាបុរសខ្លាំងពូកែដែរ។
៨ ពួកគេទាំងអស់សុទ្ធតែជាកូនចៅអូបិឌអេដំ ដែលមានចំនួន៦២នាក់។ ពួកគេ និងកូនចៅពួកគេ ព្រមទាំងសាច់ញាតិ សុទ្ធតែជាបុរសខ្លាំងពូកែ ហើយមានសមត្ថភាពបំពេញភារកិច្ចរបស់ខ្លួន។
៩ ចំណែកមេសេលេមា+ គាត់មានកូននិងបងប្អូនចំនួន១៨នាក់ ដែលសុទ្ធតែជាបុរសពូកែអង់អាច។
១០ រីឯហូសាជាកូនចៅមេរេរ៉ាយ គាត់ក៏មានកូនដែរ។ គាត់បានតែងតាំងស៊ីមរ៉ាយជាប្រមុខ ទោះបីស៊ីមរ៉ាយមិនមែនជាកូនច្បងក្ដី។
១១ កូនទី២របស់ហូសា គឺហ៊ីលគីយ៉ា ទី៣ថេបាលៀ និងទី៤សាការី។ សរុបទៅ កូននិងបងប្អូនរបស់ហូសាមានចំនួន១៣នាក់។
១២ ក្នុងចំណោមក្រុមអ្នកយាមទ្វារទាំងនេះ ប្រមុខគ្រួសារក៏មានភារកិច្ចបម្រើនៅវិហាររបស់ព្រះយេហូវ៉ា ដូចបងប្អូនរបស់ពួកគេដែរ។
១៣ ដូច្នេះ គេបានចាប់ឆ្នោត+ ទាំងអ្នកតូច ទាំងអ្នកធំ តាមក្រុមគ្រួសាររបស់ពួកគេ ដើម្បីដឹងថាត្រូវយាមនៅទ្វារមួយណា។
១៤ ឆ្នោតដំបូងត្រូវលើសេលេមៀ ហើយគាត់ត្រូវយាមនៅទ្វារខាងកើត។ ឆ្នោតបន្ទាប់ត្រូវលើសាការីជាកូនរបស់គាត់ និងជាទីប្រឹក្សាចេះពិចារណា។ សាការីត្រូវយាមនៅទ្វារខាងជើង។
១៥ ឆ្នោតបន្ទាប់ត្រូវលើអូបិឌអេដំ ហើយគាត់ត្រូវយាមនៅទ្វារខាងត្បូង។ រីឯកូនៗគាត់+បានទទួលភារកិច្ចយាមឃ្លាំង។
១៦ ឆ្នោតបន្ទាប់ត្រូវលើស៊ូបភីមនិងហូសា។+ ពួកគេត្រូវយាមនៅទ្វារខាងលិច ក្បែរទ្វារសាលេគែត ជិតផ្លូវឡើងទៅលើ។ ក្រុមអ្នកយាមឈរយាមទល់មុខគ្នា។
១៧ រៀងរាល់ថ្ងៃ នៅទ្វារប៉ែកខាងកើត មានអ្នកយាមទ្វារ៦នាក់ ហើយនៅទ្វារប៉ែកខាងជើង មានអ្នកយាមទ្វារ៤នាក់។ ឯទ្វារប៉ែកខាងត្បូង ក៏មានអ្នកយាមទ្វារបួននាក់ដែរ ហើយនៅឃ្លាំង+ មានអ្នកយាមម្ខាងពីរៗ។
១៨ ចំណែកល្វែងនៅទិសខាងលិច មានអ្នកយាមពីរនាក់ ហើយអ្នកយាមបួននាក់ទៀត ឈរយាមនៅផ្លូវឡើងទៅលើ។+
១៩ អ្នកយាមទាំងអស់នេះសុទ្ធតែមកពីចំណោមកូនចៅកូរ៉ា និងកូនចៅមេរេរ៉ាយ។
២០ ពីចំណោមពួកលេវី មានអាហាយ៉ាជាអ្នកមើលការខុសត្រូវលើឃ្លាំងវិហាររបស់ព្រះពិត និងឃ្លាំងដាក់របស់របរដែលគេបានញែកទុកជាបរិសុទ្ធ។+
២១ ពីចំណោមកូនចៅឡាដាន់ មកពីវង្សត្រកូលគើសុន មានយេហៃអាឡាយ។+ គាត់ជាប្រមុខម្នាក់នៃអំបូរឡាដាន់។
២២ យេហៃអាឡាយនិងកូនពីរនាក់របស់គាត់ ឈ្មោះយ៉ូអែលនិងសេថាម ពួកគេត្រួតពិនិត្យឃ្លាំងវិហាររបស់ព្រះយេហូវ៉ា។+
២៣ ពីចំណោមកូនចៅអាំរ៉ាម អ៊ីសហា ហេប្រុន និងអូសៀល+ មានដូចតទៅ៖
២៤ សេប៊ូអែលជាកូនចៅគើសោម គើសោមជាកូនម៉ូសេ។ សេប៊ូអែលជាអ្នកត្រួតពិនិត្យលើឃ្លាំងទាំងអស់។
២៥ រីឯបងប្អូនរបស់សេប៊ូអែល ដែលជាកូនចៅអេលាស៊ើរ+ មានរេហាបាយ៉ា+ រេហាបាយ៉ាជាឪពុកយេសេយ៉ា យេសេយ៉ាជាឪពុកយ៉ូរ៉ាម យ៉ូរ៉ាមជាឪពុកស៊ីកក្រាយ ស៊ីកក្រាយជាឪពុកសេឡូម៉ូត។
២៦ សេឡូម៉ូតនិងបងប្អូនរបស់គាត់ មើលការខុសត្រូវលើឃ្លាំងដាក់របស់របរដែលគេបានញែកទុកជាបរិសុទ្ធ។+ របស់របរទាំងនោះមកពីស្ដេចដាវីឌ+ ពួកប្រមុខគ្រួសារ+ ពួកមេលើ១.០០០នាក់ និងពួកមេលើ១០០នាក់ ព្រមទាំងពួកមេទ័ព។
២៧ របស់របរទាំងនោះសុទ្ធតែបានត្រូវរឹបអូស+ក្រោយឈ្នះសង្គ្រាម+ ហើយពួកគេបានជូនព្រះយេហូវ៉ាសម្រាប់ប្រើក្នុងការថែទាំវិហាររបស់លោក។
២៨ បន្ថែមទៅទៀត ក្នុងឃ្លាំងនោះក៏មានរបស់របរមកពី សាំយូអែលជាអ្នកមើលធ្លុះ+ សុលជាកូនគីស អាប់ណឺ+ជាកូនណឺ និងយ៉ូអាប់+ជាកូនសេរូយ៉ា+ដែរ។ ចំណែករបស់របរពីអ្នកឯទៀត នោះសុទ្ធតែនៅក្រោមការគ្រប់គ្រងរបស់សេឡូមីត និងបងប្អូនរបស់គាត់។
២៩ ពីចំណោមកូនចៅអ៊ីសហា+មានកេណានា គាត់និងកូនចៅរបស់គាត់បានទទួលភារកិច្ចធ្វើជាមន្ត្រី និងជាអ្នកសម្រេចក្ដី+លើស្រុកអ៊ីស្រាអែល។
៣០ ពីចំណោមកូនចៅហេប្រុន+ មានហាសាបៀនិងបងប្អូនរបស់គាត់។ ពួកគេទាំងអស់មានចំនួន១.៧០០នាក់ សុទ្ធតែជាបុរសពូកែអង់អាច។ ពួកគេមើលការខុសត្រូវលើកិច្ចការទាំងអស់របស់ស្ដេច និងកិច្ចការរបស់ព្រះយេហូវ៉ា នៅតំបន់ប៉ែកខាងលិចទន្លេយ៉ូដាន់ក្នុងស្រុកអ៊ីស្រាអែល។
៣១ ពីចំណោមកូនចៅហេប្រុន មានយេរីយ៉ា+ជាប្រមុខ។ នៅឆ្នាំទី៤០នៃរាជ្យដាវីឌ+ គេបានរកឃើញពួកបុរសពូកែអង់អាចដែលមកពីកូនចៅហេប្រុន នៅក្រុងយ៉ាសឺ+ក្នុងស្រុកគីលាត។
៣២ ឯបងប្អូនរបស់ពួកគេមានចំនួន២.៧០០នាក់ អ្នកទាំងនោះសុទ្ធតែជាប្រមុខគ្រួសារ។ ដាវីឌបានចាត់ពួកគេឲ្យគ្រប់គ្រងលើកុលសម្ព័ន្ធរូបេន កុលសម្ព័ន្ធកាដ និងពាក់កណ្ដាលកុលសម្ព័ន្ធម៉ាណាសេ ដើម្បីបំពេញកិច្ចការទាំងប៉ុន្មានរបស់ព្រះពិត និងកិច្ចការរបស់ស្ដេច។