ប្រវត្តិហេតុទី១ ៧:១-៤០
៧ កូនរបស់អ៊ីសាខារមានបួននាក់គឺ ថូឡា ភូអា យ៉ាសិប និងស៊ីមរ៉ុន។+
២ កូនរបស់ថូឡាមាន អើសាយ រេផាយ៉ា យេរែល យ៉ាម៉ាយ អ៊ីបសាម និងសិមយូអែល។ ពួកគេទាំងអស់ជាប្រមុខគ្រួសារ។ កូនចៅរបស់ថូឡាសុទ្ធតែជាបុរសខ្លាំងពូកែ ហើយនៅគ្រាដែលដាវីឌគ្រប់គ្រង ពួកគេមានចំនួន២២.៦០០នាក់។
៣ កូនអើសាយគឺអ៊ីសរ៉ាហៀ។ កូនអ៊ីសរ៉ាហៀមាន មីកែល អូបាឌា យ៉ូអែល និងអ៊ីសសៀ។ ពួកគេទាំងប្រាំនាក់ជាប្រមុខលើអំបូររបស់ពួកគេ។
៤ ពួកគេមានប្រពន្ធកូនជាច្រើន។ យោងទៅតាមបញ្ជីគ្រួសារតាមវង្សត្រកូលរបស់ពួកគេ មានបុរសចំនួន៣៦.០០០នាក់ជាទាហានដែលអាចចេញទៅច្បាំងបាន។
៥ ក្នុងក្រុមគ្រួសារទាំងប៉ុន្មាននៃកុលសម្ព័ន្ធអ៊ីសាខារ ចំនួនបងប្អូនរបស់ពួកគេរាប់ទាំងអស់មានចំនួន៨៧.០០០នាក់ ដែលសុទ្ធតែជាទាហានខ្លាំងពូកែ។+
៦ បេនយ៉ាមីន+មានកូនបីនាក់គឺ បេឡា+ បេគើរ+ និងយេដាយអែល។+
៧ កូនរបស់បេឡាមានប្រាំនាក់គឺ អេសបូន អើសាយ អូសៀល យេរីម៉ូត និងអាយរ៉ាយ។ ពួកគេជាប្រមុខគ្រួសារនិងជាទាហានខ្លាំងពូកែ។ យោងទៅតាមបញ្ជីគ្រួសារ ចំនួនពួកគេមាន២២.០៣៤នាក់។+
៨ ឯកូនរបស់បេគើរមាន សេម៉ាយរ៉ា យ៉ូអាស អេលាស៊ើរ អេលីយ៉ូអ៊ីណាយ អំរី យេរេម៉ូត អាប៊ីយ៉ា អាណាថោត និងអាឡាមេត។
៩ ពួកគេជាប្រមុខគ្រួសារ បើមើលតាមបញ្ជីគ្រួសាររបស់ពួកគេ ឃើញមានទាហានខ្លាំងពូកែចំនួន២០.២០០នាក់។
១០ កូនរបស់យេដាយអែល+គឺប៊ីលហាន។ កូនរបស់ប៊ីលហានមាន យេអឺស បេនយ៉ាមីន អ៊ីហឺត កេនេអាណា សេថាន តើស៊ីស និងអាហ៊ីសាហា។
១១ ពួកគេទាំងអស់ជាកូនចៅយេដាយអែល ហើយជាប្រមុខគ្រួសារ។ យោងទៅតាមបញ្ជីគ្រួសាររបស់ពួកគេ ឃើញមានទាហានខ្លាំងពូកែចំនួន១៧.២០០នាក់ ដែលអាចចេញទៅច្បាំងបាន។
១២ ស៊ូបភីមនិងហ៊ូភីមជាកូនរបស់អៀ។+ ហ៊ូស៊ីមជាកូនរបស់អេហឺ។
១៣ កូនរបស់ណែបថាលី+មាន យ៉ាសៀល គូណាយ យេសឺ និងសាលូម។ ពួកគេទាំងនេះជាកូនចៅរបស់ប៊ីលហា។+
១៤ កូនចៅម៉ាណាសេមានដូចតទៅ៖+ អាសរៀលជាកូនដែលកើតពីប្រពន្ធចុងជាជនជាតិស៊ីរី (នាងបានបង្កើតម៉ាគា+ជាឪពុករបស់គីលាត។
១៥ ម៉ាគាបានរៀបការប្រពន្ធឲ្យហ៊ូភីម និងស៊ូបភីម។ ប្អូនស្រីរបស់ពួកគាត់ឈ្មោះម៉ាអាកា)។ កូនបន្ទាប់ឈ្មោះស្លូផិហាត។+ ស្លូផិហាតគ្មានកូនប្រុសទេ មានសុទ្ធតែកូនស្រី។+
១៦ ឯម៉ាអាកាជាប្រពន្ធម៉ាគា នាងបានបង្កើតកូនឲ្យគាត់គឺ ភេរេសនិងសេរែស។ កូនរបស់សេរែសគឺ យូឡាមនិងរេខេម។
១៧ កូនយូឡាមគឺបេដាន។ ពួកគេទាំងអស់ជាកូនចៅគីលាត។ គីលាតជាកូនម៉ាគា ហើយត្រូវជាចៅម៉ាណាសេ។
១៨ ប្អូនស្រីរបស់គីលាតគឺហាម៉ូលេកេត។ នាងបានបង្កើត អ៊ីសហុត អាប៊ីអ៊ីសឺ និងម៉ាឡា។
១៩ ចំណែកកូនរបស់សិមមីដាមាន អាហេន ស៊ីគឹម លីកហាយ និងអាណាយអាំ។
២០ កូនរបស់អេប្រាអ៊ីម+គឺស៊ូថេឡា។+ ស៊ូថេឡាជាឪពុកបេរេត។ បេរេតជាឪពុកថេហាត។ ថេហាតជាឪពុកអេលាអេដា។ អេលាអេដាជាឪពុកថេហាត។
២១ ថេហាតជាឪពុកសាបាត។ សាបាតជាឪពុកស៊ូថេឡា។ អេប្រាអ៊ីមមានកូនពីរនាក់ទៀតគឺ អេសឺនិងអ៊ីលាត។ ពួកអ្នកក្រុងកាថ+បានទៅលួចហ្វូងសត្វរបស់កូនអេប្រាអ៊ីម ហើយបានសម្លាប់អេសឺនិងអ៊ីលាត។
២២ អេប្រាអ៊ីមជាឪពុកបានកាន់ទុក្ខអស់ជាយូរថ្ងៃ ហើយបងប្អូនគាត់បានមកសម្រាលទុក្ខគាត់។
២៣ ក្រោយមក គាត់បានរួមដំណេកនឹងប្រពន្ធរបស់គាត់ ហើយនាងក៏មានផ្ទៃពោះ។ រួចមក នាងសម្រាលបានកូនប្រុសមួយ ហើយដាក់ឈ្មោះថាបេរៀ* ព្រោះនាងបានសម្រាលកូននោះនៅគ្រាដែលក្រុមគ្រួសារមានទុក្ខវេទនា។
២៤ ឯកូនស្រីរបស់គាត់ឈ្មោះសៀរ៉ាក។ នាងជាអ្នកបង្កើតក្រុងបេតហូរ៉ុនប៉ែកខាងក្រោម+និងខាងលើ+ ព្រមទាំងក្រុងអ៊ូសេនសេអេរ៉ា។
២៥ រីឯរេផានិងរេសែប ពួកគាត់ជាកូនចៅអេប្រាអ៊ីម។ រេសែបជាឪពុកថេឡា។ ថេឡាជាឪពុកថេហាន។
២៦ ថេហានជាឪពុកឡាដាន់។ ឡាដាន់ជាឪពុកអាំម៉ាយហ៊ូត។ អាំម៉ាយហ៊ូតជាឪពុកអេលីសាម៉ា។
២៧ អេលីសាម៉ាជាឪពុកនុន។ នុនជាឪពុកយ៉ូស្វេ។*+
២៨ ទឹកដីរបស់កូនចៅអេប្រាអ៊ីមមានដូចតទៅ៖ ក្រុងបេតអែល+និងក្រុងតូចៗដែលនៅជុំវិញ ហើយចាប់ពីក្រុងណាអារ៉ាននៅទិសខាងកើត ទៅដល់ក្រុងគីសឺនៅទិសខាងលិចនិងក្រុងតូចៗដែលនៅជុំវិញ។ ក្រុងស៊ីគឹមនិងក្រុងតូចៗដែលនៅជុំវិញ រហូតដល់ក្រុងអេយ៉ា*និងក្រុងតូចៗដែលនៅជុំវិញ។
២៩ ពួកគេក៏មានទឹកដីនៅក្បែរក្រុងមួយចំនួនក្នុងទឹកដីរបស់កូនចៅម៉ាណាសេដែរ គឺក្បែរក្រុងបេតសៀន+និងក្រុងតូចៗដែលនៅជុំវិញ ក្រុងថេអាណាក+និងក្រុងតូចៗដែលនៅជុំវិញ ក្រុងមេគីដោ+និងក្រុងតូចៗដែលនៅជុំវិញ ក្រុងដោ+និងក្រុងតូចៗដែលនៅជុំវិញ។ ទឹកដីទាំងនោះជារបស់កូនចៅយ៉ូសែបដែលជាកូនអ៊ីស្រាអែល។
៣០ កូនរបស់អេស៊ើរមាន អ៊ីមណា អ៊ីសវ៉ា អ៊ីសវ៉ាយ និងបេរៀ។+ គាត់ក៏មានកូនស្រីដែរ ឈ្មោះសេរ៉ា។+
៣១ កូនរបស់បេរៀមាន ហេបឺនិងម៉ាលគាល។ ម៉ាលគាលជាឪពុកបៀសេអេត។
៣២ ហេបឺជាឪពុក យ៉ាផ្លេត សូមឺ និងហូថាម។ គាត់ក៏មានកូនស្រីដែរ ឈ្មោះស៊ូអា។
៣៣ កូនរបស់យ៉ាផ្លេតមាន ផាសាក់ ប៊ីមហេល និងអាសវ៉ាត។
៣៤ កូនរបស់សិមមើ*មាន អេហាយ រ៉ូកា យេហ៊ូបា និងអេរ៉ាម។
៣៥ ឯហេលេម*ជាប្អូនសិមមើ កូនរបស់គាត់មាន សូផា អ៊ីមណារ សេលែស និងអេម៉ាល។
៣៦ កូនរបស់សូផាមាន សូអា ហានេផឺ ស៊ូអាល បេរ៉ាយ អ៊ីមរ៉ា
៣៧ បេសឺ ហ៊ូត សាំម៉ា ស៊ីលសា អ៊ីតរ៉ាន និងបេអេរ៉ា។
៣៨ កូនរបស់យេធើមាន យេផុនណា ពីសផា និងអេរ៉ា។
៣៩ កូនរបស់អុលឡាមាន អេរ៉ា ហានៀល និងរីសាយ៉ា។
៤០ ពួកគេទាំងអស់នេះសុទ្ធតែជាកូនចៅរបស់អេស៊ើរ។ ពួកគេជាប្រមុខគ្រួសារ និងជាមេដឹកនាំដ៏ពូកែដែលមានចិត្តអង់អាចក្លាហាន។ តាមបញ្ជីគ្រួសាររបស់ពួកគេ+ ឃើញមានបុរសចំនួន២៦.០០០នាក់+ ដែលអាចចេញទៅច្បាំងបាន។
កំណត់សម្គាល់
^ មានន័យថា«មានទុក្ខវេទនា»
^ ឬ«យេហូស្វេ»មានន័យថា«ព្រះយេហូវ៉ាជាសេចក្ដីសង្គ្រោះ»
^ ឬប្រហែលជាមានន័យថា«ក្រុងកាសា»។ ប៉ុន្តែ មិនមែនកាសានៅតំបន់ភីលីស្ទីនទេ
^ ក៏មានឈ្មោះថាសូមឺក្នុងខ៣២
^ គាត់ទំនងជា«ហូថាម»ក្នុងខ៣២
