យេរេមា ៤៥:១-៥
-
ដំណឹងពីព្រះយេហូវ៉ាទៅកាន់បារូក (១-៥)
៤៥ នៅឆ្នាំទី៤ នៃរាជ្យយេហូយ៉ាគីម+ជាកូនយ៉ូសៀសជាស្ដេចស្រុកយូដា បារូក+ជាកូននេរាបានកត់ទុកពាក្យទាំងប៉ុន្មានក្នុងរមូរតាមបង្គាប់យេរេមា+ជាអ្នកប្រកាសទំនាយ។ ពេលនោះ យេរេមាបានប្រាប់បារូកដូចតទៅ៖
២ «ឱបារូកអើយ! ព្រះយេហូវ៉ាជាព្រះនៃជនជាតិអ៊ីស្រាអែលបានមានប្រសាសន៍អំពីអ្នកថា៖
៣ ‹អ្នកបាននិយាយថា៖ «វេទនាណាស់ខ្ញុំ! ព្រោះព្រះយេហូវ៉ាបានបន្ថែមទុក្ខព្រួយពីលើការឈឺចាប់របស់ខ្ញុំ! ខ្ញុំថ្ងូររហូតដល់អស់កម្លាំង ហើយខ្ញុំគ្មានសេចក្ដីសុខឡើយ»›។
៤ «អ្នកត្រូវប្រាប់គាត់ថា៖ ‹ព្រះយេហូវ៉ាមានប្រសាសន៍ថា៖ «មើល! អ្វីដែលខ្ញុំបានតាំងឡើង ខ្ញុំនឹងរំលំចុះ ហើយអ្វីដែលខ្ញុំបានដាំ ខ្ញុំនឹងដករំលើងចោល ខ្ញុំនឹងធ្វើដូច្នោះទៅលើស្រុកទាំងមូល។+
៥ ប៉ុន្តែ ឯអ្នកវិញ អ្នកបែរជាស្វែងរក*ការដ៏ធំសម្រាប់ខ្លួន។ ចូរឈប់ស្វែងរកការទាំងនោះទៅ»›។
«‹ព្រោះខ្ញុំហៀបនឹងនាំសេចក្ដីវេទនាមកលើមនុស្សទាំងឡាយហើយ។+ មើល! នៅកន្លែងណាដែលអ្នកទៅ ខ្ញុំនឹងជួយអ្នកឲ្យរួចជីវិតទុកជារង្វាន់›។+ នេះជាសេចក្ដីប្រកាសរបស់ព្រះយេហូវ៉ា»។
កំណត់សម្គាល់
^ ឬ«ចង់បាន»
