យ៉ូប ៣៤:១-៣៧
៣៤ ដូច្នេះ អេលីហ៊ូនិយាយបន្តទៀតថា៖
២ «ឱអស់អ្នកដែលមានប្រាជ្ញា សូមស្ដាប់សម្ដីរបស់ខ្ញុំសូមស្ដាប់ខ្ញុំ អស់អ្នកដែលមានចំណេះច្រើនអើយ!
៣ ព្រោះត្រចៀកគឺសម្រាប់ស្ដាប់ឲ្យដឹងពាក្យសម្ដីដូចអណ្ដាតគឺសម្រាប់ភ្លក់ឲ្យដឹងរសជាតិអាហារ។
៤ សូមយើងពិចារណាឲ្យដឹងថាអ្វីខុសអ្វីត្រូវសូមឲ្យយើងសម្រេចចិត្តជាមួយគ្នាថាអ្វីល្អអ្វីមិនល្អ។
៥ ពីព្រោះយ៉ូបបាននិយាយថា៖ ‹ខ្ញុំត្រឹមត្រូវ+តែព្រះមិនបានផ្ដល់យុត្តិធម៌ឲ្យខ្ញុំទេ។+
៦ តើសមឲ្យខ្ញុំកុហកអំពីការវិនិច្ឆ័យដែលខ្ញុំគួរទទួលឬ?
ដំបៅខ្ញុំមិនជាសះស្បើយឡើយ ទោះជាខ្ញុំគ្មានកំហុសក៏ដោយ›។+
៧ តើមានអ្នកណាឲ្យដូចយ៉ូបដែលទទួលយកការមើលងាយដូចផឹកទឹក?
៨ គាត់សេពគប់មនុស្សអាក្រក់ហើយរាប់អានជនទុច្ចរិត។+
៩ ព្រោះគាត់បាននិយាយថា៖ ‹គ្មានប្រយោជន៍ឡើយដែលមនុស្សព្យាយាមធ្វើឲ្យព្រះពេញចិត្ត›។+
១០ ហេតុនេះ អស់អ្នកដែលមានការយល់ដឹងអើយ សូមស្ដាប់ខ្ញុំ៖គឺមិនអាចទៅរួចឡើយដែលព្រះដ៏ពិតប្រព្រឹត្តអំពើទុច្ចរិត។+
ព្រះដ៏មានឫទ្ធានុភាពខ្លាំងក្លាបំផុតមិនធ្វើខុសជាដាច់ខាត!+
១១ ពីព្រោះលោកនឹងឲ្យរង្វាន់ដល់មនុស្សម្នាក់ស្របតាមការប្រព្រឹត្តរបស់គាត់+ហើយឲ្យគាត់ទទួលផលតាមអ្វីដែលគាត់បានធ្វើ។
១២ ពិតប្រាកដណាស់ ព្រះមិនធ្វើអំពើទុច្ចរិតជាដាច់ខាត+ព្រះដ៏មានឫទ្ធានុភាពខ្លាំងក្លាបំផុតមិនប្រព្រឹត្តដោយអយុត្តិធម៌ឡើយ។+
១៣ តើអ្នកណាឲ្យលោកមើលការខុសត្រូវផែនដី?
ហើយតើអ្នកណាតែងតាំងលោកឲ្យគ្រប់គ្រងពិភពលោកទាំងមូល?
១៤ បើលោកឃ្លាំមើលមនុស្សជាតិបើលោកដកកម្លាំងជីវិតនិងដង្ហើមពីពួកគេ+
១៥ នោះពួកគេ*នឹងវិនាសទាំងអស់គ្នាហើយត្រឡប់ទៅជាធូលីដីវិញ។+
១៦ ដូច្នេះ បើអ្នកមានការយល់ដឹង សូមផ្ចង់ចិត្តស្ដាប់ពាក្យរបស់ខ្ញុំសូមយកចិត្តទុកដាក់ស្ដាប់ខ្ញុំនិយាយ។
១៧ តើអ្នកដែលស្អប់យុត្តិធម៌សាកសមធ្វើជាអ្នកគ្រប់គ្រងទេ?
តើអ្នកហ៊ានផ្ដន្ទាទោសបុគ្គលដែលប្រើអំណាចក្នុងផ្លូវសុចរិតឬទេ?
១៨ តើអ្នកនឹងនិយាយទៅស្ដេចថា‹លោកឥតបានការសោះ›ឬហាស្ដីទៅពួកមានឋានៈខ្ពស់ថា‹អស់លោកជាមនុស្សទុច្ចរិត›ឬទេ?+
១៩ ប៉ុន្តែ ព្រះមិនលម្អៀងទៅខាងពួកអ្នកមានឋានៈខ្ពស់ឡើយហើយលោកក៏មិនរើសអើងអ្នកមានឬអ្នកក្រដែរ+ដោយសារពួកគេគ្រប់រូបជាស្នាដៃរបស់លោក។+
២០ ពួកគេអាចស្លាប់ភ្លាមៗ+នៅពាក់កណ្ដាលយប់+ពួកគេញ័ររន្ធត់ ហើយសូន្យបាត់ទៅសូម្បីតែអ្នកមានអំណាចក៏វិនាសដែរ តែមិនមែនដោយដៃមនុស្សទេ។+
២១ ពីព្រោះភ្នែករបស់ព្រះឃើញការប្រព្រឹត្តរបស់មនុស្ស+លោកមើលគ្រប់ជំហានដែលគាត់ដើរ។
២២ គ្មានកន្លែងងងឹតឬទីអន្ធការណាដែលអាចឲ្យមនុស្សអាក្រក់លាក់ខ្លួនបានឡើយ។+
២៣ ព្រោះព្រះមិនបានកំណត់ពេលឲ្យមនុស្សណាម្នាក់មកនៅចំពោះមុខលោកដើម្បីទទួលការវិនិច្ឆ័យក្ដីទេ។
២៤ លោកបំផ្លាញពួកអ្នកមានអំណាច ដោយមិនចាំបាច់ស៊ើបអង្កេតហើយលោកដាក់អ្នកឯទៀតជំនួសកន្លែងពួកគេ។+
២៥ ព្រោះលោកដឹងអ្វីដែលពួកគេកំពុងធ្វើ។+
លោកផ្ដួលរំលំពួកគេនៅពេលយប់ ហើយពួកគេអន្តរាយបាត់ទៅ។+
២៦ លោកប្រហារពួកគេនៅចំពោះមុខមនុស្សទាំងឡាយ+ដោយសារពួកគេប្រព្រឹត្តអំពើទុច្ចរិត
២៧ និងដោយសារពួកគេបែរចេញមិនធ្វើតាមលោក+ព្រមទាំងមិនអើពើនឹងបញ្ញត្តិរបស់លោកទាល់តែសោះ។+
២៨ ពួកគេបានធ្វើឲ្យអ្នកក្រខ្សត់ស្រែកអង្វរសុំឲ្យលោកជួយជាលទ្ធផល លោកឮសម្រែករបស់មនុស្សដែលគ្មានទីពឹង។+
២៩ ពេលព្រះនៅស្ងៀម តើអ្នកណាអាចស្ដីបន្ទោសលោកបាន?
ពេលលោកមិនឲ្យឃើញមុខ តើអ្នកណាអាចឃើញបាន?
យ៉ាងនោះ ទោះជាអ្នកណាឬប្រជាជាតិណាក៏ដោយសុទ្ធតែមិនអាចឃើញមុខលោក។
៣០ លោកធ្វើដូច្នេះដើម្បីកុំឲ្យមនុស្សឥតកោតខ្លាចព្រះ*អាចធ្វើជាអ្នកគ្រប់គ្រង+ ឬអាចធ្វើបាបបណ្ដាជនបាន។
៣១ តើមានអ្នកណាហ៊ាននិយាយទៅព្រះទេថា‹ខ្ញុំមិនបានធ្វើខុសទេ តែខ្ញុំបែរជាទទួលទោសទៅវិញ។+
៣២ បើខ្ញុំបានធ្វើខុសដោយមិនដឹងខ្លួនសូមណែនាំខ្ញុំ នោះខ្ញុំនឹងមិនធ្វើខុសម្ដងទៀតទេ›?
៣៣ តើលោកនឹងឲ្យរង្វាន់តបស្នងដល់អ្នក ដោយសារតែអ្នកបដិសេធការវិនិច្ឆ័យរបស់លោកឬ? អ្នកត្រូវសម្រេចចិត្ត មិនមែនខ្ញុំទេ។
ដូច្នេះ សូមប្រាប់ខ្ញុំនូវអ្វីដែលអ្នកស្គាល់ច្បាស់។
៣៤ មនុស្សដែលមានការយល់ដឹងនិងមនុស្សមានប្រាជ្ញាដែលស្ដាប់ខ្ញុំនិយាយ នឹងតបមកខ្ញុំថា៖
៣៥ ‹យ៉ូបពោលពាក្យដោយគ្មានចំណេះដឹង+សម្ដីរបស់គាត់ខ្វះការយល់ធ្លុះជ្រៅ›។
៣៦ ចូរឲ្យយ៉ូបរងការល្បងល*ដល់កម្រិតខ្ពស់បំផុតចុះដោយសារគាត់និយាយដូចមនុស្សទុច្ចរិត!
៣៧ គាត់មិនត្រឹមតែធ្វើខុសប៉ុណ្ណោះទេ គាត់ថែមទាំងបះបោរទៀតផង+គាត់ទះដៃចំអកនៅចំពោះមុខយើង ហើយពោលពាក្យជាច្រើនប្រឆាំងនឹងព្រះពិត!»។+
កំណត់សម្គាល់
^ ឬ«មនុស្សទាំងឡាយ»
^ ឬ«អ្នកក្បត់ជំនឿ»
^ ឬប្រហែលជាមានន័យថា«សូមបិតាទុកឲ្យយ៉ូបត្រូវល្បងល»
