ចូរចាំយាម!
តើការប្រកួតបាល់ទាត់ពិភពលោកពិតជាអាចឲ្យមនុស្សរួបរួមគ្នាទេ? តើគម្ពីរចែងយ៉ាងណា?
តាមការប៉ាន់ស្មានមួយថា មានមនុស្សប្រមាណ៥ពាន់លាននាក់បានមើលការប្រកួតបាល់ទាត់ពិភពលោក(FIFA) ដែលធ្វើឡើងចាប់ពីថ្ងៃទី២០ ខែវិច្ឆិកា រហូតដល់ថ្ងៃទី១៨ ខែធ្នូ ឆ្នាំ២០២២។ មនុស្សជាច្រើនសង្ឃឹមថាព្រឹត្តិការណ៍កីឡាសំខាន់នេះមិនគ្រាន់តែធ្វើឲ្យមនុស្សរួបរួមគ្នាប៉ុណ្ណោះទេ តែនឹងសម្រេចបានច្រើនជាងឆ្ងាយណាស់ កាលដែលមនុស្សទស្សនាការប្រកួតនោះ។
អតីតប្រធានាធិបតីនៃអាហ្វ្រិកខាងត្បូង លោកនេលសិន មេនឌីឡាបាននិយាយថា៖«កីឡាមានឥទ្ធិពលកែប្រែពិភពលោក។ វាមានឥទ្ធិពលជំរុញចិត្តមនុស្ស។ វាមានឥទ្ធិពលបង្រួបបង្រួមមនុស្សតាមរបៀបដ៏អស្ចារ្យ»។
ប្រធានសមាគមសហព័ន្ធកីឡាបាល់ទាត់អន្តរជាតិ(FIFA) លោកជីយ៉ាននី អ៊ីនហ្វានទីណូបាននិយាយថា៖«កីឡាបាល់ទាត់បង្រួបបង្រួមមនុស្ស ដោយសារវាធ្វើឲ្យពួកគេមាន‹សេចក្ដីសង្ឃឹម អំណរ ការជក់ចិត្ត និងស្រឡាញ់អ្នកឯទៀត ហើយពួកគេមានអ្វីមួយដែលចូលចិត្តដូចគ្នា›»។
តើការប្រកួតកីឡាបាល់ទាត់ពិភពលោកឬព្រឹត្តិការណ៍កីឡាសំខាន់ៗអាចសម្រេចគោលដៅដ៏ធំដូចនេះបានទេ? តើមានសេចក្ដីសង្ឃឹមឲ្យមានសន្តិភាពនិងសាមគ្គីភាពឬទេ?
តើកីឡាពិតជាបង្រួបបង្រួមមនុស្សមែនឬ?
ការប្រកួតកីឡាបាល់ទាត់ពិភពលោកឆ្នាំនេះធ្វើមនុស្សគិតច្រើនជាង មិនគ្រាន់តែការប្រកួតប៉ុណ្ណោះទេ។ ការប្រកួតនេះបានធ្វើឲ្យមនុស្សពិភាក្សាគ្នាអំពីរឿងនយោបាយ រឿងសង្គមដែលទាក់ទងនឹងសិទ្ធិមនុស្ស ជាតិនិយម និងអស្ថិរភាពសេដ្ឋកិច្ច។
ទោះជាយ៉ាងនោះក៏ដោយ មនុស្សជាច្រើនចូលចិត្តព្រឹត្តិការណ៍កីឡាអន្តរជាតិដូចជាការប្រកួតកីឡាបាល់ទាត់ពិភពលោក។ ប៉ុន្តែ ព្រឹត្តិការណ៍នេះមិនអាចធ្វើឲ្យមនុស្សមានសាមគ្គីភាពនឹងគ្នារហូតទេ។ ផ្ទុយទៅវិញ ពួកគេច្រើនតែបង្ហាញចិត្តគំនិតបាក់បែកគ្នា និងការប្រកាន់បក្សពួក ជាសញ្ញាសម្គាល់នៃគ្រានេះដែលគម្ពីររៀបរាប់ថា«គ្រាចុងក្រោយបង្អស់»។—ធីម៉ូថេទី២ ៣:១-៥
សេចក្ដីសង្ឃឹមពិតសម្រាប់សាមគ្គីភាពពិភពលោក
គម្ពីរបានប្រាប់អំពីសេចក្ដីសង្ឃឹមពិតសម្រាប់សាមគ្គីភាពពិភពលោក។ គម្ពីរសន្យាថាមនុស្សទាំងអស់ដែលនៅផែនដីនឹងមានសាមគ្គីភាពក្រោមការគ្រប់គ្រងនៃរដ្ឋាភិបាលនៅស្ថានសួគ៌ដែលហៅថា«រាជាណាចក្ររបស់ព្រះ»។—លូកា ៤:៤៣; ម៉ាថាយ ៦:១០
លោកយេស៊ូដែលជាស្ដេចនៃរាជាណាចក្រនោះនឹងធ្វើឲ្យប្រាកដថាមានសន្តិភាពពេញផែនដី។ គម្ពីរចែងថា៖
«សេចក្ដីសុចរិតនឹងមានកាន់តែច្រើនឡើង ហើយសេចក្ដីសុខនឹងមានជាបរិបូរ»។—ចម្រៀងសរសើរព្រះ ៧២:៧
«គាត់នឹងស្រោចស្រង់ជនក្រីក្រដែលស្រែករកជំនួយ . . . ពីការសង្កត់សង្កិននិងអំពើឃោរឃៅ»។—ចម្រៀងសរសើរព្រះ ៧២:១២, ១៤
សូម្បីតែសព្វថ្ងៃនេះ សេចក្ដីបង្រៀនរបស់លោកយេស៊ូបានជួយមនុស្សរាប់លាននាក់នៅ២៣៩ប្រទេសឲ្យមានសាមគ្គីភាពនឹងគ្នា។ ពួកគេបានរៀនឲ្យឈប់ស្អប់អ្នកឯទៀត។ ដើម្បីរៀនថែមទៀតសូមអានអត្ថបទតភាគដែលមានចំណងជើងថា«ការបំបាត់ចោលការស្អប់គ្នា»។
លោកអ្នកក៏ប្រហែលជាចូលចិត្តដែរ
សំណួរនិងចម្លើយពីគម្ពីរ
ហេតុអ្វីពិបាកមានសន្តិភាពពេញពិភពលោកម្ល៉េះ?
ទោះជាមនុស្សខំព្យាយាមធ្វើឲ្យពិភពលោកមានសន្តិភាពក្ដី ការព្យាយាមនោះមិនបានសម្រេចទេ។ សូមពិចារណាមូលហេតុមួយចំនួន។
សំណួរនិងចម្លើយពីគម្ពីរ
តើអ្វីជាសញ្ញាសម្គាល់នៃ«គ្រាចុងក្រោយបង្អស់» ឬ«ទីបញ្ចប់ពិភពលោក»?
គម្ពីរបានប្រាប់ទុកជាមុនអំពីព្រឹត្តិការណ៍ផ្សេងៗដែលរួមគ្នាជាសញ្ញាសម្គាល់នៃគ្រាចុងក្រោយបង្អស់។
ប្រធានបទឯទៀត
សេចក្ដីសង្ឃឹមដ៏ពិតប្រាកដកំពុងរង់ចាំអ្នក
ហេតុអ្វីសេចក្ដីសន្យាទាំងប៉ុន្មានដែលមានក្នុងគម្ពីរខុសពីសេចក្ដីសន្យាផ្សេងៗនិងការព្យាករណ៍របស់មនុស្ស?
សេចក្ដីបង្រៀនសំខាន់ៗក្នុងគម្ពីរ
តើរាជាណាចក្ររបស់ព្រះជាអ្វី?
ក្នុងអំឡុងកិច្ចបម្រើផ្សាយរបស់លោកយេស៊ូនៅផែនដី លោកបានបង្រៀនអំពីរាជាណាចក្រព្រះច្រើនជាងប្រធានបទផ្សេងទៀត។ អស់រាប់រយឆ្នាំមកហើយ អ្នកកាន់តាមលោកអធិដ្ឋានឲ្យរាជាណាចក្រនោះបានមកដល់។
