កាលវិភាគអំណានគម្ពីរ
គម្ពីរមានយោបល់ដ៏ល្អបំផុតសម្រាប់ជីវិតរស់នៅ។ ប្រសិនបើអ្នកអានគម្ពីរ និងរំពឹងគិតជាទៀងទាត់ ព្រមទាំងធ្វើតាមអ្វីដែលអ្នកបានរៀន នោះអ្នក«នឹងបានកើតការនៅគ្រប់ទាំងផ្លូវ»។ (យ៉ូស្វេ ១:៨; ទំនុកតម្កើង ១:១-៣) អ្នកក៏អាចស្គាល់ព្រះ និងបុត្ររបស់លោក ហើយចំណេះដែលមកពីការស្គាល់លោក នឹងអាចនាំឲ្យអ្នកទទួលបាននូវសេចក្ដីសង្គ្រោះ។—យ៉ូហាន ១៧:៣
តើអ្នកគួរអានគម្ពីរចាប់ពីកន្លែងណា? អ្នកមានជម្រើស។ ការអានតាមកាលវិភាគ ជួយអ្នកឲ្យអានតាមលំដាប់ដែលមាន ឬតាមប្រភេទសាច់រឿង។ ជាឧទាហរណ៍ បើសិនជាអ្នកចង់ដឹងរឿងប្រវត្តិសាស្ត្រដែលនិយាយអំពីរបៀបដែលព្រះប្រព្រឹត្តចំពោះជនជាតិអ៊ីស្រាអែលនៅសម័យបុរាណ អ្នកអាចជ្រើសរើសយកផ្នែកណាមួយដែលរៀបរាប់អំពីរឿងនោះ។ អ្នកអាចអានផ្នែកផ្សេងៗទៀត ដើម្បីស្គាល់អំពីរបៀបដែលក្រុមជំនុំគ្រិស្តសាសនិកនៅសតវត្សរ៍ទី១ចាប់ផ្ដើមមានឡើង និងអំពីរបៀបដែលក្រុមជំនុំនោះបានរីកចម្រើន។ ប្រសិនបើអ្នកអានប៉ុន្មានជំពូករាល់ថ្ងៃ នោះអ្នកអាចអានគម្ពីរទាំងមូលចប់ក្នុងមួយឆ្នាំបាន។
មិនថាអ្នកកំពុងស្វែងរក កាលវិភាគអំណានគម្ពីរជារៀងរាល់ថ្ងៃ ឬកាលវិភាគអំណានគម្ពីរសម្រាប់មួយឆ្នាំ ឬកាលវិភាគអំណានគម្ពីរសម្រាប់អ្នកទើបចាប់ផ្ដើមក្ដី កាលវិភាគនេះនឹងជួយអ្នក។ អ្នកអាចថតចម្លង កាលវិភាគអំណានគម្ពីរ ហើយចាប់ផ្ដើមអានពីថ្ងៃនេះ។
លោកអ្នកក៏ប្រហែលជាចូលចិត្តដែរ
ទស្សនាវដ្ដី
ការអានគម្ពីរ: តើអ្វីអាចជួយខ្ញុំឲ្យចាប់ផ្ដើម?
វិធីប្រាំយ៉ាងដែលនឹងជួយលោកអ្នកឲ្យងាយស្រួលចាប់ផ្ដើមអានគម្ពីរនិងចូលចិត្ដអានគម្ពីរ។
សំណួរពីយុវវ័យ
តើគម្ពីរអាចជួយខ្ញុំយ៉ាងដូចម្ដេច? ភាគទី១: សិក្សាគម្ពីរ
បើប្អូនបានប្រទះឃើញប្រអប់កំណប់ទ្រព្យដ៏ធំមួយពីបុរាណ តើប្អូនមិនចង់បើកមើលអ្វីដែលមាននៅក្នុងនោះទេឬ? គម្ពីរប្រៀបដូចជាប្រអប់កំណប់ទ្រព្យនោះ។ គម្ពីរមានប្រាជ្ញាដ៏មានតម្លៃជាច្រើន។
