ចូរចាំយាម!
មនុស្ស៦លាននាក់បានស្លាប់ដោយសារជំងឺកូវីដ តើគម្ពីរចែងយ៉ាងណាអំពីនេះ?
កាលពីថ្ងៃទី២៣ ខែឧសភា ឆ្នាំ២០២២ អង្គការសុខភាពពិភពលោក(WHO)បានរាយការណ៍ថា មានមនុស្សចំនួន៦.២៧០.០០០នាក់បានស្លាប់ដោយសារជំងឺកូវីដ។ ប៉ុន្តែ យោងទៅតាមរបាយការណ៍ថ្មីនាថ្ងៃទី៥ ខែឧសភា ឆ្នាំ២០២២ អង្គការសុខភាពពិភពលោក(WHO)បានប៉ាន់ស្មានថាចំនួនមនុស្សដែលបានស្លាប់ ការពិតមានច្រើនជាងនេះឆ្ងាយណាស់។ របាយការណ៍នោះបានរៀបរាប់ថាក្នុងអំឡុងឆ្នាំ២០២០និង២០២១«អ្នកស្លាប់ដោយផ្ទាល់ឬដោយប្រយោលដែលបណ្ដាលមកពីជំងឺកូវីដ...ប្រហែលជាមានចំនួន១៤.៩០០.០០០នាក់»។ តើគម្ពីរចែងអំពីរឿងដ៏គួរឲ្យខ្លោចផ្សាដូចនេះឬទេ?
គម្ពីរប្រកាសទុកជាមុនអំពីរោគរាតត្បាតដ៏សាហាវ
លោកយេស៊ូបានប្រកាសទុកជាមុនថានឹងមាន«រោគរាតត្បាត»ដ៏សាហាវ ក្នុងអំឡុងគ្រាដែលគេហៅថា«គ្រាចុងក្រោយបង្អស់»។—លូកា ២១:១១; ធីម៉ូថេទី២ ៣:១
ការប្រកាសទុកជាមុនរបស់លោកយេស៊ូកំពុងកើតឡើងនៅសព្វថ្ងៃនេះ។ ដើម្បីបានព័ត៌មានថែមទៀត សូមអានអត្ថបទដែលមានចំណងជើងថា«តើអ្វីជាសញ្ញាសម្គាល់នៃ‹គ្រាចុងក្រោយបង្អស់›?»។
គម្ពីរផ្ដល់ការសម្រាលទុក្ខ
«ព្រះនៃការសម្រាលទុក្ខគ្រប់យ៉ាង លោកសម្រាលទុក្ខយើងពីសេចក្ដីវេទនាសព្វបែបយ៉ាង»។—កូរិនថូសទី២ ១:៣, ៤
មនុស្សជាច្រើនដែលបាត់បង់មនុស្សជាទីស្រឡាញ់ដោយសារសេចក្ដីស្លាប់ បានទទួលការសម្រាលទុក្ខពីគម្ពីរ។ សូមស្វែងយល់ថែមទៀតក្នុងអត្ថបទដែលមានចំណងជើងថា«របៀបស៊ូទ្រាំនឹងទុក្ខសោក អ្វីដែលអ្នកអាចធ្វើនៅឥឡូវនេះ»និងអត្ថបទចំណងជើងថា«ជំនួយដ៏ល្អបំផុតសម្រាប់អ្នកដែលមានទុក្ខសោក»។
គម្ពីរប្រាប់អំពីដំណោះស្រាយជារៀងរហូត
«សូមឲ្យរាជាណាចក្ររបស់លោកបានមកដល់។ សូមឲ្យបំណងប្រាថ្នារបស់លោកបានសម្រេចនៅផែនដី ដូចនៅស្ថានសួគ៌ដែរ»។—ម៉ាថាយ ៦:១០
មិនយូរទៀត «រាជាណាចក្ររបស់ព្រះ»នឹងធ្វើឲ្យប្រាកដថា៖«បណ្ដាជនដែលរស់នៅក្នុងស្រុក ពួកគេនឹងមិននិយាយថា៖‹ខ្ញុំឈឺ›ទៀតឡើយ»។ (ម៉ាកុស ១:១៤, ១៥; អេសាយ ៣៣:២៤) ដើម្បីស្វែងយល់អំពីរដ្ឋាភិបាលដែលនៅស្ថានសួគ៌ និងអំពីអ្វីដែលរដ្ឋាភិបាលនេះនឹងសម្រេច សូមមើលវីដេអូដែលមានចំណងជើងថាតើរាជាណាចក្ររបស់ព្រះជាអ្វី?
យើងសូមអញ្ជើញលោកអ្នកឲ្យរៀនថែមទៀតអំពីអ្វីដែលគម្ពីរចែង ដើម្បីលោកអ្នកនិងក្រុមគ្រួសារអាចទទួលប្រយោជន៍ពីដំបូន្មានដែលប្រកបដោយប្រាជ្ញាពីគម្ពីរ និងសេចក្ដីសន្យាដ៏អស្ចារ្យជាច្រើន។
លោកអ្នកក៏ប្រហែលជាចូលចិត្តដែរ
សំណួរនិងចម្លើយពីគម្ពីរ
តើគម្ពីរចែងយ៉ាងណាអំពីរោគរាតត្បាត?
មនុស្សខ្លះនិយាយថាព្រះប្រើរោគរាតត្បាតនិងជំងឺផ្សេងៗដើម្បីដាក់ទោសមនុស្សនៅសព្វថ្ងៃនេះ។ ប៉ុន្តែគម្ពីរមិនបានចែងដូច្នេះទេ។
សេចក្ដីបង្រៀនសំខាន់ៗក្នុងគម្ពីរ
ហេតុអ្វីព្រះអនុញ្ញាតឲ្យមានទុក្ខវេទនា?
មនុស្សជាច្រើនឆ្ងល់ថាហេតុអ្វីពិភពលោកនេះពោរពេញដោយការស្អប់គ្នានិងទុក្ខវេទនាច្រើនម៉្លេះ។ គម្ពីរមានចម្លើយដែលធ្វើឲ្យលោកអ្នកអស់ចម្ងល់ ហើយក៏សម្រាលទុក្ខផងដែរ។
សំណួរនិងចម្លើយពីគម្ពីរ
តើខ្ញុំអាចរកពាក្យដែលសម្រាលទុក្ខខ្ញុំក្នុងគម្ពីរបានទេ?
គម្ពីរអាចសម្រាលទុក្ខមនុស្សជាច្រើនដែលកំពុងជួបនឹងវិបត្តិផ្លូវចិត្តនិងស្ថានភាពពិបាក។
ប្រធានបទឯទៀត
ពេលមនុស្សជាទីស្រឡាញ់ស្លាប់
ចំណុចមួយចំនួនដែលលោកអ្នកអាចធ្វើដើម្បីកាត់បន្ថយការឈឺចាប់ពីការកើតទុក្ខ។
