ចូរចាំយាម!
នៅឆ្នាំ២០២៣មានហេតុឲ្យយើងមានសេចក្ដីសង្ឃឹម តើគម្ពីរចែងយ៉ាងណា?
កាលដែលឆ្នាំ២០២៣ចូលមកដល់ យើងទាំងអស់គ្នាសង្ឃឹមថានឹងមានរឿងល្អៗកើតឡើងចំពោះយើង និងក្រុមគ្រួសារយើង។ ហេតុអ្វីយើងអាចសង្ឃឹមដូច្នេះ?
គម្ពីរផ្ដល់សេចក្ដីសង្ឃឹម
គម្ពីរប្រាប់យើងនូវដំណឹងល្អដែលបញ្ជាក់ថាបញ្ហាដែលយើងកំពុងជួបគឺបណ្ដោះអាសន្នប៉ុណ្ណោះ ហើយឆាប់ៗខាងមុខបញ្ហាទាំងនេះនឹងលែងមានទៀត។ តាមពិត គម្ពីរ«បានត្រូវសរសេរទុកដើម្បីណែនាំយើង ដើម្បីឲ្យយើងមានសេចក្ដីសង្ឃឹម តាមរយៈ . . . ការសម្រាលទុក្ខពីបទគម្ពីរ»។—រ៉ូម ១៥:៤
ដើម្បីរៀនថែមទៀតអំពីអ្វីដែលគម្ពីរសន្យា សូមអានអត្ថបទដែលមានចំណងជើងថា«សេចក្ដីសង្ឃឹមដ៏ពិតប្រាកដកំពុងរង់ចាំអ្នក»។
សេចក្ដីសង្ឃឹមដែលអាចជួយលោកអ្នកនៅឥឡូវនេះ
សេចក្ដីសង្ឃឹមក្នុងគម្ពីរអាចប្រដូចទៅនឹង«យុថ្កាសម្រាប់ជីវិតយើង»។ (ហេប្រឺ ៦:១៩) សេចក្ដីសង្ឃឹមនេះជួយឲ្យជីវិតយើងមានភាពនឹងនរ ជួយយើងឲ្យស៊ូទ្រាំនឹងបញ្ហារបស់យើង និងជួយយើងឲ្យមានចិត្តគំនិតត្រឹមត្រូវ ហើយជួយយើងឲ្យមានសុភមង្គលជារៀងរហូត។ ជាឧទាហរណ៍៖
សូមស្វែងយល់អំពីរបៀបដែលសេចក្ដីសង្ឃឹមក្នុងគម្ពីរបានជួយបុរសម្នាក់ឲ្យយកឈ្នះទម្លាប់អាក្រក់របស់គាត់។ សូមមើលវីដេអូចំណងជើងថាខ្ញុំចាប់ផ្ដើមស្អប់របៀបរស់នៅរបស់ខ្ញុំ។
សូមមើលរបៀបដែលសេចក្ដីសង្ឃឹមក្នុងគម្ពីរជួយយើង ពេលដែលមានមនុស្សជាទីស្រឡាញ់ស្លាប់។ សូមមើលវីដេអូចំណងជើងថាការសម្រាលទុក្ខអស់អ្នកដែលសោកសង្រេង។
ចូរពង្រឹងសេចក្ដីសង្ឃឹមលោកអ្នក
មនុស្សជាច្រើនសង្ឃឹមថានឹងមានអ្វីល្អៗកើតឡើង ប៉ុន្តែពួកគេមិនអាចប្រាកដថាសេចក្ដីសង្ឃឹមរបស់ពួកគេនឹងកើតឡើងដូចប៉ងនោះទេ។ ប៉ុន្តែ សេចក្ដីសន្យាក្នុងគម្ពីរគឺខុសពីនោះ។ ហេតុអ្វី? ពីព្រោះសេចក្ដីសន្យាក្នុងគម្ពីរគឺមកពីព្រះយេហូវ៉ា a ហើយលោកផ្ទាល់«មិនអាចកុហកឡើយ»។ (ទីតុស ១:២) មានតែព្រះយេហូវ៉ាប៉ុណ្ណោះដែលមានឫទ្ធានុភាពសម្រេចសេចក្ដីសន្យាទាំងអស់របស់លោក។ លោកអាច«ធ្វើអ្វីៗតាមដែលលោកពេញចិត្ត»។—ចម្រៀងសរសើរព្រះ ១៣៥:៥, ៦
យើងសូមអញ្ជើញលោកអ្នកយ៉ាងកក់ក្ដៅឲ្យទទួលប្រយោជន៍ពីសេចក្ដីសង្ឃឹមដ៏គួរឲ្យទុកចិត្តក្នុងគម្ពីរ។ លោកអ្នកអាចពង្រឹងទំនុកចិត្តទៅលើសេចក្ដីសង្ឃឹមនោះដោយ«ពិនិត្យមើលបទគម្ពីរ»។ (សកម្មភាព ១៧:១១) សូមសាកល្បងរៀនគម្ពីរតាមរយៈវគ្គសិក្សាគម្ពីរដោយឥតគិតថ្លៃ។ យើងសង្ឃឹមថានៅឆ្នាំ២០២៣លោកអ្នកនឹងមានអនាគតដែលពោរពេញទៅដោយសេចក្ដីសង្ឃឹម!
a យេហូវ៉ាជានាមរបស់ព្រះ។—ចម្រៀងសរសើរព្រះ ៨៣:១៨
លោកអ្នកក៏ប្រហែលជាចូលចិត្តដែរ
ភ្ញាក់
សេចក្ដីបង្រៀនដែលផ្ដល់សេចក្ដីសង្ឃឹម
សូមមើលសេចក្ដីសន្យាដ៏អស្ចារ្យខ្លះៗរបស់ព្រះដែលផ្ដល់សេចក្ដីសង្ឃឹមដល់យើងចំពោះអនាគត។
សេចក្ដីបង្រៀនសំខាន់ៗក្នុងគម្ពីរ
ហេតុអ្វីព្រះបានបង្កើតផែនដី?
ផែនដីយើងពោរពេញទៅដោយទេសភាពដ៏ស្រស់ស្អាត។ ផែនដីបានត្រូវដាក់នៅចម្ងាយត្រឹមត្រូវពីព្រះអាទិត្យ វាមានអ័ក្សទ្រេតត្រឹមត្រូវ ហើយរង្វិលខ្ញាល់របស់វាក៏ក្នុងល្បឿនត្រឹមត្រូវដែរ។ ហេតុអ្វីព្រះបានយកចិត្តទុកដាក់យ៉ាងខ្លាំងក្នុងការបង្កើតផែនដី?
សំណួរនិងចម្លើយពីគម្ពីរ
តើខ្ញុំអាចរកពាក្យដែលសម្រាលទុក្ខខ្ញុំក្នុងគម្ពីរបានទេ?
គម្ពីរអាចសម្រាលទុក្ខមនុស្សជាច្រើនដែលកំពុងជួបនឹងវិបត្តិផ្លូវចិត្តនិងស្ថានភាពពិបាក។
