ចូរចាំយាម!
តើកីឡាអូឡាំពិកពិតជាអាចធ្វើឲ្យមនុស្សរួបរួមគ្នាឬទេ? តើគម្ពីរចែងយ៉ាងណា?
យោងទៅតាមការប៉ាន់ស្មានមួយ មានមនុស្សប្រមាណ៥ពាន់លាននាក់ បានមកទស្សនាការប្រកួតកីឡាអូឡាំពិករដូវក្ដៅនៃឆ្នាំ២០២៤។ ក្នុងការប្រកួតនោះមានកីឡាករនិងកីឡាការិនីមកពី២០៦ប្រទេស។ ប្រធានគណៈកម្មាធិការអូឡាំពិកអន្តរជាតិលោកថូម៉ាស់ បាក ថ្លែងថា៖«កីឡាអូឡាំពិកជាចំណែកមួយដែលជួយបង្រួបបង្រួមពិភពលោកឲ្យមានសន្តិភាព។ ដូច្នេះ ចូរយើងនាំគ្នាលើកស្ទួយវិស័យកីឡានេះដើម្បីឲ្យមនុស្សទាំងអស់អាចមានសន្តិភាពនិងសាមគ្គីភាព មិនថាយើងមកពីប្រទេសណាក៏ដោយ»។
តើកីឡាអូឡាំពិកពិតជាអាចបង្រួបបង្រួមមនុស្សមែនឬ? តើអាចមានសន្តិភាពនិងសាមគ្គីភាពពិតប្រាកដបានឬទេ?
តើកីឡាអូឡាំពិកពិតជាអាចសម្រេចគោលបំណងនេះបានទេ?
កីឡាអូឡាំពិកឆ្នាំនេះមិនគ្រាន់តែធ្វើឡើងក្នុងបំណងប្រកួតកីឡាប៉ុណ្ណោះទេ។ ប៉ុន្តែ ព្រឹត្តិការណ៍កីឡានោះក៏រួមបញ្ចូលបញ្ហាសង្គមនិងបញ្ហានយោបាយ ដែលជាប់ទាក់ទងនឹងសិទ្ធិមនុស្ស ការប្រកាន់ពូជសាសន៍ ការរើសអើងសាសនា និងភាពមិនស្មើគ្នា។
ព្រឹត្តិការណ៍កីឡាអន្តរជាតិដូចជាកីឡាអូឡាំពិកគួរតែជាការកម្សាន្តសប្បាយ។ ប៉ុន្តែជាក់ស្ដែង ព្រឹត្តិការណ៍ទាំងនោះធ្វើឲ្យមនុស្សប្រព្រឹត្តនិងមានចិត្តគំនិតដែលនាំឲ្យបែកបាក់គ្នា ជាជាងរក្សាសន្តិភាពនិងសាមគ្គីភាព។
គម្ពីរបានប្រាប់ទុកជាមុនអំពីចរិតលក្ខណៈរបស់មនុស្សដែលធ្វើឲ្យពិបាកមានសន្តិភាពនៅសព្វថ្ងៃនេះ។ (ធីម៉ូថេទី២ ៣:១-៥) ដើម្បីរៀនថែមទៀតអំពីទំនាយនេះ សូមអានអត្ថបទដែលមានចំណងជើងថា «តើគម្ពីរបានប្រាប់ទុកជាមុនអំពីរបៀបគិតគូរនិងការប្រព្រឹត្តរបស់មនុស្សសព្វថ្ងៃនេះឬ?»
សេចក្ដីសង្ឃឹមពិតអំពីសន្តិភាពនិងសាមគ្គីភាព
គម្ពីរប្រាប់អំពីសេចក្ដីសង្ឃឹមពិតប្រាកដនៃសន្តិភាពនិងសាមគ្គីភាពនៅទូទាំងពិភពលោក។ គម្ពីរសន្យាថា មនុស្សគ្រប់រូបនៅផែនដីនឹងមានសាមគ្គីភាពក្រោមការគ្រប់គ្រងរបស់រដ្ឋាភិបាលនៅស្ថានសួគ៌ ដែលហៅថា«រាជាណាចក្ររបស់ព្រះ»។—លូកា ៤:៤៣; ម៉ាថាយ ៦:១០
ស្ដេចនៃរាជាណាចក្រនោះ គឺលោកយេស៊ូគ្រិស្ត។ លោកនឹងនាំមកនូវសន្តិភាពទូទាំងពិភពលោក។ គម្ពីរចែងថា៖
«សេចក្ដីសុចរិតនឹងមានកាន់តែច្រើនឡើង ហើយសេចក្ដីសុខ[ឬសន្តិភាព]នឹងមានជាបរិបូរ»។—ចម្រៀងសរសើរព្រះ ៧២:៧
«គាត់[គឺលោកយេស៊ូ]នឹងស្រោចស្រង់ជនក្រីក្រដែលស្រែករកជំនួយ ព្រមទាំង . . . រំដោះពួកគេឲ្យរួចផុតពីការសង្កត់សង្កិននិងអំពើឃោរឃៅ»។—ចម្រៀងសរសើរព្រះ ៧២:១២, ១៤
សូម្បីតែនៅសព្វថ្ងៃនេះ សេចក្ដីបង្រៀនរបស់លោកយេស៊ូបានជួយបង្រួបបង្រួមមនុស្សជាច្រើនលាននាក់ក្នុង២៣៩ប្រទេសឲ្យមានសាមគ្គីភាព។ ក្នុងនាមជាគ្រិស្តសាសនិកពិត សាក្សីព្រះយេហូវ៉ានៅទូទាំងពិភពលោកបានរៀនឲ្យចេះរក្សាសន្តិភាព។ តើពួកគេធ្វើដូច្នេះយ៉ាងដូចម្ដេច? ដើម្បីដឹង សូមអានអត្ថបទក្នុងទស្សនាវដ្ដីប៉មយាមដែលមានចំណងជើងថា «ការបំបាត់ចោលការស្អប់គ្នា»។
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗក្នុងគម្ពីរ
តើរាជាណាចក្ររបស់ព្រះជាអ្វី?
ក្នុងអំឡុងកិច្ចបម្រើផ្សាយរបស់លោកយេស៊ូនៅផែនដី លោកបានបង្រៀនអំពីរាជាណាចក្រព្រះច្រើនជាងប្រធានបទផ្សេងទៀត។ អស់រាប់រយឆ្នាំមកហើយ អ្នកកាន់តាមលោកអធិដ្ឋានឲ្យរាជាណាចក្រនោះបានមកដល់។
ប្រធានបទឯទៀត
សេចក្ដីសង្ឃឹមដ៏ពិតប្រាកដកំពុងរង់ចាំអ្នក
ហេតុអ្វីសេចក្ដីសន្យាទាំងប៉ុន្មានដែលមានក្នុងគម្ពីរខុសពីសេចក្ដីសន្យាផ្សេងៗនិងការព្យាករណ៍របស់មនុស្ស?
សំណួរនិងចម្លើយពីគម្ពីរ
សន្តិភាពនៅផែនដី តើនេះនឹងកើតឡើងយ៉ាងដូចម្ដេច?
សូមរៀនអំពីអ្វីដែលព្រះសន្យាថាលោកនឹងធ្វើដើម្បីនាំឲ្យមានសេចក្ដីសុខសាន្តនៅទូទាំងពិភពលោកតាមរយៈរាជាណាចក្ររបស់លោក។
សេចក្ដីបង្រៀនសំខាន់ៗពីគម្ពីរ
តើយើងអាចរកឃើញចម្លើយអំពីចម្ងល់នៃជីវិតនៅឯណា?
តើអ្នកធ្លាប់សួរសំណួរដែលទាក់ទងនឹងជីវិត សេចក្ដីស្លាប់ ឬអនាគតទេ? យើងអាចរកឃើញចម្លើយចំពោះសំណួរទាំងនេះនិងសំណួរជាច្រើនទៀត! ប៉ុន្តែ តើអាចរកនៅឯណា?
