តើរាជាណាចក្រព្រះនឹងធ្វើអ្វីចំពោះបញ្ហាសេដ្ឋកិច្ច?
មនុស្សជាច្រើននៅទូទាំងពិភពលោកកំពុងប្រឈមនឹងវិបត្តិសេដ្ឋកិច្ចយ៉ាងធ្ងន់ធ្ងរ គឺពួកគេមិនមានលុយគ្រប់គ្រាន់ដើម្បីចិញ្ចឹមជីវិតទេ ហើយបញ្ហានេះកាន់តែយ៉ាប់ទៅៗ។
ថ្មីៗនេះ របាយការណ៍ពិភពលោក aបានរាយការណ៍ថា៖«តម្លៃលុយកាន់តែចុះថោក ហើយទំនិញកាន់តែឡើងថ្លៃ»។ របាយការណ៍នោះបានព្រមានថា បើមិនចាត់វិធានការទេ នោះ«អ្នកមានកាន់តែមានឡើង ហើយអ្នកក្រកាន់តែក្រទៅ»។ បន្ថែមទៅទៀត មនុស្សក៏«ពិបាករកប្រាក់ចិញ្ចឹមជីវិតនិងផ្គត់ផ្គង់គ្រួសារ»ដែរ។
តើរដ្ឋាភិបាលនានាអាចដោះស្រាយវិបត្តិសេដ្ឋកិច្ចនេះបានទេ?
គម្ពីរប្រាប់ថាមានរដ្ឋាភិបាលមួយដែលអាចដោះស្រាយបញ្ហាសេដ្ឋកិច្ច និងភាពមិនស្មើគ្នា ហើយរដ្ឋាភិបាលនោះនឹងដោះស្រាយបញ្ហានេះជាក់ជាមិនខាន។ គម្ពីរចែងថា៖«ព្រះនៃស្ថានសួគ៌នឹងតាំងរាជាណាចក្រ[ឬរដ្ឋាភិបាល]មួយឡើង»ដែលនឹងដោះស្រាយបញ្ហាទាំងអស់នៅផែនដី។ (ដានីយ៉ែល ២:៤៤) ក្រោមការគ្រប់គ្រងនៃរដ្ឋាភិបាលនោះ មនុស្សនឹងមិនត្រូវភ្លេចឬទុកចោលឡើយ។ (ចម្រៀងសរសើរព្រះ ៩:១៨) ដូច្នេះ អស់អ្នកដែលនៅក្រោមរាជាណាចក្រព្រះ នឹងមានអ្វីដែលពួកគេត្រូវការ ហើយពួកគេនឹងទទួលរង្វាន់ពីកិច្ចការដ៏នឿយហត់របស់ខ្លួនដោយក្ដីរីករាយ។—អេសាយ ៦៥:២១, ២២
a អង្គការពលកម្មអន្តជាតិរាយការណ៍អំពីប្រាក់ខែនៅទូទាំងពិភពលោក ឆ្នាំ២០២២-២០២៣។