ចូរចាំយាម!
គ្រោះទឹកជំនន់ដ៏កំណាច តើគម្ពីរចែងយ៉ាងណា?
នៅទូទាំងពិភពលោកមនុស្សជាច្រើនកំពុងប្រឈមមុខនឹងគ្រោះទឹកជំនន់ដ៏កំណាច។ សូមកត់សម្គាល់របាយការណ៍ខាងក្រោមនេះ៖
កាលពីថ្ងៃទី២ ខែសីហា ឆ្នាំ២០២៣ ព័ត៌មានមួយ(AP News)បានរាយការណ៍ថា៖«ប៉ុន្មានថ្ងៃកន្លងមកនេះ រាជធានីប៉េកាំងនៃប្រទេសចិន មានភ្លៀងធ្លាក់ខ្លាំងបំផុតដែលមិនធ្លាប់មានតាំងពី១៤០ឆ្នាំមុន។ រវាងថ្ងៃសៅរ៍ដល់ថ្ងៃពុធ កម្រិតកម្ពស់ទឹកភ្លៀងបានឡើងដល់៧៤៤,៨មីលីម៉ែត្រ»។
កាលពីថ្ងៃទី៣ ខែសីហា ឆ្នាំ២០២៣ ក្រុមហ៊ុនព័ត៌មានមួយ(Deutsche Welle) បានរាយការណ៍ថា៖«ព្យុះកំបុតត្បូងកានុនបានបង្កឲ្យមានភ្លៀងធ្លាក់ខ្លាំងនិងខ្យល់បក់បោកទៅតំបន់ភាគខាងត្បូងនៃប្រទេសជប៉ុនអស់ពីរថ្ងៃ . . . ហើយបានបណ្ដាលឲ្យមនុស្សយ៉ាងហោចណាស់ពីរនាក់ស្លាប់។ . . . គេព្យាករថាភាគកណ្ដាលនៃប្រទេសតៃវ៉ាន់ . . . ក៏នឹងរងឥទ្ធិពលពីព្យុះនេះដែរ ហើយព្យុះនេះនឹងបណ្ដាលឲ្យកម្រិតកម្ពស់ទឹកភ្លៀងឡើងដល់០,៦ម៉ែត្រ»។
កាលពីថ្ងៃទី២៤ ខែកក្កដា ឆ្នាំ២០២៣ ព័ត៌មានមួយ(BBC News)បានរាយការណ៍ថា៖«ព្យុះភ្លៀងដ៏ខ្លាំងមួយដែលមិនធ្លាប់មានអស់រយៈពេល៥០ឆ្នាំ នៅតំបន់អាត្លង់ទិកនៃប្រទេសកាណាដាបានបណ្ដាលឲ្យ[ខេត្តណូវ៉ា ស្កូស៊ី]រងផលប៉ះពាល់យ៉ាងខ្លាំង»។
តើគម្ពីរចែងយ៉ាងណាអំពីព្រឹត្តិការណ៍ទាំងនេះ?
សញ្ញាសម្គាល់នៃ«គ្រាចុងក្រោយបង្អស់»
គម្ពីរបានប្រាប់ថាយើងកំពុងរស់នៅគ្រាមួយដែលហៅថា«គ្រាចុងក្រោយបង្អស់»។ (ធីម៉ូថេទី២ ៣:១) លោកយេស៊ូបានប្រកាសទុកជាមុនថាក្នុងអំឡុងគ្រារបស់យើង យើងនឹងឃើញ«អ្វីដែលគួរឲ្យខ្លាច»ឬព្រឹត្តិការណ៍ដ៏តក់ស្លុត។ (លូកា ២១:១១) បម្រែបម្រួលអាកាសធាតុបានបណ្ដាលឲ្យមានគ្រោះមហន្តរាយដ៏គួរឲ្យខ្លាចជាច្រើន។ អ្វីទាំងនេះនឹងកើតឡើងកាន់តែញឹកញាប់និងខ្លាំងឡើងៗ ហើយក៏កាន់តែពិបាកព្យាករទុកជាមុនដែរ។
មូលហេតុដែលមានសង្ឃឹម
គម្ពីរប្រាប់យើងថាអ្វីៗដ៏គួរឲ្យតក់ស្លុតកំពុងកើតឡើងនៅសព្វថ្ងៃនេះ តាមការពិតនោះផ្ដល់មូលហេតុឲ្យយើងមានសេចក្ដីសង្ឃឹម។ ហេតុអ្វី? ព្រោះលោកយេស៊ូប្រាប់ថា៖«ពេលដែលអ្នករាល់គ្នាឃើញការទាំងនេះកំពុងកើតឡើង ចូរដឹងថារាជាណាចក្ររបស់ព្រះគឺជិតដល់ហើយ»។—លូកា ២១:៣១; ម៉ាថាយ ២៤:៣
ព្រឹត្តិការណ៍នានាដែលកំពុងកើតឡើង បញ្ជាក់ថាមិនយូរទៀតរាជាណាចក្រព្រះនឹងកាន់កាប់ទាំងស្រុងទៅលើកម្លាំងធម្មជាតិ រួមបញ្ចូលវដ្ដទឹកជាដើម។—យ៉ូប ៣៦:២៧, ២៨; ចម្រៀងសរសើរព្រះ ១០៧:២៩
ដើម្បីរៀនថែមទៀតអំពីរបៀបដែលរាជាណាចក្រព្រះនឹងធ្វើឲ្យបរិស្ថានផែនដីល្អឡើងវិញ សូមមើលអត្ថបទដែលមានចំណងជើងថា«តើអ្នកណានឹងស្រោចស្រង់ផែនដី?»។
លោកអ្នកក៏ប្រហែលជាចូលចិត្តដែរ
សំណួរនិងចម្លើយពីគម្ពីរ
តើអ្វីជាសញ្ញាសម្គាល់នៃ«គ្រាចុងក្រោយបង្អស់» ឬ«ទីបញ្ចប់ពិភពលោក»?
គម្ពីរបានប្រាប់ទុកជាមុនអំពីព្រឹត្តិការណ៍ផ្សេងៗដែលរួមគ្នាជាសញ្ញាសម្គាល់នៃគ្រាចុងក្រោយបង្អស់។
ប្រធានបទឯទៀត
ផលវិបាកពីបម្រែបម្រួលអាកាសធាតុ តើគម្ពីរចែងយ៉ាងណា?
តើព្រះដែលជាអ្នកបង្កើតយកចិត្តទុកដាក់ចំពោះភពផែនដី និងមនុស្សដែលរស់នៅលើផែនដីឬទេ?
ប្រធានបទឯទៀត
សេចក្ដីសង្ឃឹមដ៏ពិតប្រាកដកំពុងរង់ចាំអ្នក
ហេតុអ្វីសេចក្ដីសន្យាទាំងប៉ុន្មានដែលមានក្នុងគម្ពីរខុសពីសេចក្ដីសន្យាផ្សេងៗនិងការព្យាករណ៍របស់មនុស្ស?
