ចូរចាំយាម!
បរិមាណសត្វព្រៃបានបាត់បង់អស់៧៣ភាគរយក្នុងអំឡុង៥០ឆ្នាំ តើគម្ពីរចែងយ៉ាងណា?
កាលពីថ្ងៃទី៩ ខែតុលា ឆ្នាំ២០២៤ អង្គការមូលនិធិពិភពលោកដើម្បីធម្មជាតិ(WWF) បានរាយការណ៍ថាសកម្មភាពរបស់មនុស្សជាដើមហេតុចម្បងដែលប៉ះពាល់យ៉ាងខ្លាំងទៅលើបរិមាណសត្វព្រៃ។ នេះបង្ហាញថា«ជាង៥០ឆ្នាំកន្លងមកនេះ(ឆ្នាំ១៩៧០-ឆ្នាំ២០២០) បរិមាណសត្វព្រៃបានថយចុះរហូតដល់ទៅ៧៣ភាគរយ»។ របាយការណ៍នេះបានព្រមានថា៖«បើយើងមិនប្រញាប់ចាត់វិធានការក្នុងអំឡុងប្រាំឆ្នាំទៅមុខទៀតទេ នោះជីវិតទាំងឡាយនៅផែនដីនឹងស្រោចស្រង់លែងបានហើយ»។
ហេតុនេះ មនុស្សជាច្រើនបានតក់ស្លុតពេលឮរបាយការណ៍នេះ។ យើងស្រឡាញ់ផែនដីដ៏ស្រស់ស្អាតរបស់យើង ហើយពេលឮថាសត្វព្រៃរងទុក្ខ យើងពិតជាពិបាកចិត្តណាស់។ យើងមានអារម្មណ៍ដូច្នេះ ដោយសារព្រះបានបង្កើតមនុស្សយើងឲ្យស្រឡាញ់និងថែរក្សាសត្វ។—ដើមកំណើត ១:២៧, ២៨; សុភាសិត ១២:១០
ដូច្នេះ អ្នកប្រហែលជាឆ្ងល់ថា‹តើមនុស្សយើងអាចការពារជីវិតសត្វព្រៃបានទេ? តើគម្ពីរចែងយ៉ាងណា?›។
សេចក្ដីសង្ឃឹមនៅថ្ងៃអនាគត
មិនថាយើងខំព្យាយាមយ៉ាងណាក៏ដោយ យើងមិនអាចការពារសត្វព្រៃបានទេ គឺមានតែព្រះប៉ុណ្ណោះដែលអាចការពារពួកវាបាន។ យោងទៅតាមការបើកបង្ហាញ ១១:១៨ គម្ពីរបានប្រកាសទុកជាមុនថាព្រះនឹង«បំផ្លាញពួកអ្នកដែលកំពុងបង្ខូចផែនដី»។ ខនេះបង្រៀនយើងនូវអ្វីពីរយ៉ាង៖
១. ព្រះនឹងបំបាត់ចោលពួកអ្នកដែលបង្ខូចឬបំផ្លិចបំផ្លាញផែនដី។
២. ព្រះនឹងចាត់វិធានការនៅពេលឆាប់ៗខាងមុខ។ ហេតុអ្វីយើងដឹង? ដោយសារសព្វថ្ងៃនេះ គ្រោះថ្នាក់ដែលមនុស្សបង្កឡើងមានកាន់តែខ្លាំងទៅលើសត្វព្រៃជាងពេលណាៗទាំងអស់។
តើព្រះនឹងធ្វើអ្វីដើម្បីដោះស្រាយបញ្ហានេះ? លោកនឹងប្រើរដ្ឋាភិបាលឬរាជាណាចក្ររបស់លោកនៅស្ថានសួគ៌ឲ្យគ្រប់គ្រងលើផែនដីទាំងមូល។ (ម៉ាថាយ ៦:១០) រដ្ឋាភិបាលនេះនឹងផ្ដល់ការអប់រំដល់មនុស្សដែលស្ដាប់បង្គាប់ ហើយបង្ហាត់បង្រៀនពួកគេឲ្យថែរក្សានិងការពារជីវិតសត្វព្រៃនៅផែនដី។—អេសាយ ១១:៩
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗក្នុងគម្ពីរ
ហេតុអ្វីព្រះបានបង្កើតផែនដី?
ផែនដីយើងពោរពេញទៅដោយទេសភាពដ៏ស្រស់ស្អាត។ ផែនដីបានត្រូវដាក់នៅចម្ងាយត្រឹមត្រូវពីព្រះអាទិត្យ វាមានអ័ក្សទ្រេតត្រឹមត្រូវ ហើយរង្វិលខ្ញាល់របស់វាក៏ក្នុងល្បឿនត្រឹមត្រូវដែរ។ ហេតុអ្វីព្រះបានយកចិត្តទុកដាក់យ៉ាងខ្លាំងក្នុងការបង្កើតផែនដី?
សំណួរនិងចម្លើយពីគម្ពីរ
តើផែនដីនឹងត្រូវបំផ្លាញចោលឬ?
គម្ពីរប្រាប់យ៉ាងច្បាស់អំពីគោលបំណងរបស់ព្រះសម្រាប់ផែនដីយើង។
ប្រធានបទឯទៀត
សេចក្ដីសង្ឃឹមដ៏ពិតប្រាកដកំពុងរង់ចាំអ្នក
ហេតុអ្វីសេចក្ដីសន្យាទាំងប៉ុន្មានដែលមានក្នុងគម្ពីរខុសពីសេចក្ដីសន្យាផ្សេងៗនិងការព្យាករណ៍របស់មនុស្ស?
សេចក្ដីបង្រៀនសំខាន់ៗក្នុងគម្ពីរ
តើរាជាណាចក្ររបស់ព្រះជាអ្វី?
ក្នុងអំឡុងកិច្ចបម្រើផ្សាយរបស់លោកយេស៊ូនៅផែនដី លោកបានបង្រៀនអំពីរាជាណាចក្រព្រះច្រើនជាងប្រធានបទផ្សេងទៀត។ អស់រាប់រយឆ្នាំមកហើយ អ្នកកាន់តាមលោកអធិដ្ឋានឲ្យរាជាណាចក្រនោះបានមកដល់។
