យកឈ្នះភាពឯកោដោយជួយអ្នកឯទៀត តើគម្ពីរចែងយ៉ាងណា?

លេង

មនុស្សនៅជុំវិញពិភពលោកមានអារម្មណ៍ឯកោនិងមិនសូវជិតស្និទ្ធនឹងអ្នកឯទៀតទេ។ អ្នកជំនាញខាងសុខភាពបានជឿថាការជួយអ្នកឯទៀតជាវិធីយកឈ្នះអារម្មណ៍បែបនេះ។

វិទ្យាស្ថានជាតិខាងសុខភាពនៅអាម៉េរិកបានរៀបរាប់ថា៖«ការជួយអ្នកឯទៀតដែលត្រូវការជំនួយ អាចធ្វើឲ្យជីវិតយើងមានន័យខ្លឹមសារ និងជួយយើងមិនសូវមានអារម្មណ៍ឯកោឬអារម្មណ៍នៅឆ្ងាយពីអ្នកឯទៀត»។

គម្ពីរមានយោបល់ល្អៗអំពីអ្វីដែលយើងអាចធ្វើដើម្បីជួយអ្នកឯទៀត។ ពេលយើងធ្វើតាមយោបល់ទាំងនេះ អាចជួយយើងឲ្យយកឈ្នះអារម្មណ៍ឯកោ។

អ្វីដែលអ្នកអាចធ្វើ

មានចិត្តទូលាយ។ សូមស្វែងរកឱកាសដើម្បីចំណាយពេលជាមួយអ្នកឯទៀតដោយផ្ទាល់។ សូមសុខចិត្តចែករំលែកអ្វីដែលអ្នកមាន។ ពេលអ្នកធ្វើដូច្នេះ តាមធម្មតាពួកគេនឹងដឹងគុណអ្នក ហើយនេះអាចជួយអ្នកក្លាយជាមិត្តភក្តិជាមួយពួកគេ។

គោលការណ៍គម្ពីរ៖ «ចូរទម្លាប់ឲ្យគេ ហើយគេនឹងឲ្យអ្នកវិញ»។—លូកា ៦:៣៨

ប្រើកម្លាំងជួយអ្នកឯទៀត។ សូមស្វែងរកឱកាសជួយអ្នកដែលកំពុងជួបការពិបាក។ នោះអាចរួមបញ្ចូលការស្ដាប់អ្នកឯទៀតដោយយកចិត្តទុកដាក់ ឬសុំជួយធ្វើកិច្ចការណាមួយដើម្បីឲ្យបន្ទុករបស់ពួកគេស្រាលជាង។

គោលការណ៍គម្ពីរ៖ «មិត្តពិតបង្ហាញសេចក្ដីស្រឡាញ់គ្រប់ពេលវេលា»។—សុភាសិត ១៧:១៧

ដើម្បីទទួលព័ត៌មានថែមទៀតអំពីរបៀបដែលអ្នកអាចរក្សាទំនាក់ទំនងល្អជាមួយអ្នកឯទៀត សូមមើលអត្ថបទដែលមានចំណងជើងថា«ក្រុមគ្រួសារនិងមិត្តភក្តិ»។

យើងសូមអញ្ជើញលោកអ្នក

យើងជាសាក្សីព្រះយេហូវ៉ា មានកិច្ចប្រជុំពីរដងជារៀងរាល់សប្ដាហ៍ដើម្បីពង្រឹងចំណងមិត្តភាពជាមួយព្រះដែលជាអ្នកបង្កើតយើង និងជាមួយមនុស្សក្នុងសហគមន៍របស់យើង។ យើងសូមអញ្ជើញលោកអ្នកយ៉ាងកក់ក្ដៅឲ្យចូលរួមជាមួយនឹងយើង។