ចូរចាំយាម!
ហេតុអ្វីមានការស្អប់គ្នាច្រើនម្ល៉េះ? តើគម្ពីរចែងយ៉ាងណា?
នៅសព្វថ្ងៃនេះ តាមការផ្សាយព័ត៌មានយើងឃើញមានការប្រើពាក្យប្រមាថមើលងាយ អំពើហិង្សា និងសង្គ្រាមកាន់តែច្រើន ដែលបណ្ដាលមកពីការរើសអើងនិងការប្រកាន់ពូជសាសន៍។
កាលពីថ្ងៃទី១៥ ខែវិច្ឆិកា ឆ្នាំ២០២៣ សារព័ត៌មានមួយបានរាយការណ៍ថា៖«ក្នុងបណ្ដាញសង្គមសព្វថ្ងៃ មានពាក្យប្រមាថមើលងាយច្រើនជាងពេលណាៗទាំងអស់។ នេះបណ្ដាលមកពីសង្គ្រាមរវាងអ៊ីស្រាអែលនិងតំបន់កាសា និងដោយសារមនុស្សដែលញុះញង់ឲ្យមានអំពើហិង្សានិងការស្អប់គ្នា»(The New York Times)។
កាលពីថ្ងៃទី៣ ខែវិច្ឆិកា ឆ្នាំ២០២៣ ប្រធានមហាសន្និបាតនៃអង្គការសហប្រជាជាតិ លោកដេននីស ហ្វ្រានស៊ីស បានរៀបរាប់ថា៖«តាំងពីថ្ងៃទី៧ ខែតុលា ការប្រើពាក្យប្រមាថមើលងាយនិងការប្រើអំពើហិង្សាបានផ្ទុះឡើងមួយរំពេច។ ជាលទ្ធផល នាំឲ្យមានការរើសអើងកាន់តែច្រើនឡើងៗ»។
ការប្រមាថមើលងាយ អំពើហិង្សា និងសង្គ្រាមដែលយើងឃើញមិនមែនជាអ្វីដែលថ្មីទេ។ តាមពិត គម្ពីររៀបរាប់អំពីមនុស្សនៅសម័យមុនដែលបាន«បោះសម្ដីប្រមាថមើលងាយដូចបាញ់ព្រួញ» ហើយក៏រៀបរាប់អំពីអស់អ្នកដែលញុះញង់ឲ្យមានសង្គ្រាមនិងអំពើហិង្សាដែរ។ (ចម្រៀងសរសើរព្រះ ៦៤:៣; ១២០:៧; ១៤០:១) ប៉ុន្តែ គម្ពីរក៏ប្រាប់ថាការស្អប់គ្នាដែលយើងឃើញនៅសព្វថ្ងៃនេះ គឺជាព្រឹត្តិការណ៍សំខាន់។
ការស្អប់គ្នាគឺជាសញ្ញាសម្គាល់មួយនៅសម័យយើង
គម្ពីរប្រាប់មូលហេតុពីរដែលនាំឲ្យមានការស្អប់គ្នានៅសព្វថ្ងៃនេះ។
១. គម្ពីរបានប្រាប់ទុកជាមុនអំពីគ្រាមួយ ពេលដែល«សេចក្ដីស្រឡាញ់របស់មនុស្សភាគច្រើននឹងរសាយទៅ»។ (ម៉ាថាយ ២៤:១២) ពួកគេមិនស្រឡាញ់គ្នាទេ តែបែរជាបង្ហាញចិត្តគំនិតដែលនាំឲ្យស្អប់គ្នាទៅវិញ។—ធីម៉ូថេទី២ ៣:១-៥
២. ការស្អប់គ្នាកាន់តែខ្លាំងដែលយើងឃើញនៅសព្វថ្ងៃនេះ គឺដោយសារតែឥទ្ធិពលដ៏អាក្រក់របស់មេកំណាចសាថាន។ គម្ពីរបានប្រាប់ថា«ពិភពលោកទាំងមូលនៅក្រោមអំណាចរបស់មេកំណាច»។—យ៉ូហានទី១ ៥:១៩; ការបើកបង្ហាញ ១២:៩, ១២
ប៉ុន្តែ គម្ពីរក៏ប្រាប់ដែលថាមិនយូរទៀតព្រះនឹងបំបាត់ចោលដើមហេតុដែលបណ្ដាលឲ្យមានការស្អប់គ្នា។ មិនតែប៉ុណ្ណោះ លោកនឹងធ្វើឲ្យការឈឺចាប់ដែលមកពីរឿងនោះរសាយបាត់ទៅ។ គម្ពីរសន្យាថា៖
ព្រះ«នឹងជូតអស់ទាំងទឹកភ្នែកចេញពីភ្នែករបស់ពួកគេ ហើយសេចក្ដីស្លាប់នឹងលែងមានទៀត ទុក្ខព្រួយ ការស្រែកយំ និងការឈឺចាប់ ក៏នឹងលែងមានទៀតដែរ។ អ្វីៗដែលធ្លាប់កើតឡើងពីមុន នោះបានកន្លងបាត់អស់ហើយ»។—ការបើកបង្ហាញ ២១:៤
លោកអ្នកក៏ប្រហែលជាចូលចិត្តដែរ
សំណួរនិងចម្លើយពីគម្ពីរ
តើអ្វីជាសញ្ញាសម្គាល់នៃ«គ្រាចុងក្រោយបង្អស់» ឬ«ទីបញ្ចប់ពិភពលោក»?
គម្ពីរបានប្រាប់ទុកជាមុនអំពីព្រឹត្តិការណ៍ផ្សេងៗដែលរួមគ្នាជាសញ្ញាសម្គាល់នៃគ្រាចុងក្រោយបង្អស់។
គម្ពីរជួយមនុស្សឲ្យកែប្រែជីវិត
តើពេលណាសេចក្ដីស្រឡាញ់ដ៏ស្មោះត្រង់ឈ្នះសេចក្ដីស្អប់?
យើងប្រហែលជាពិបាកយកឈ្នះការរើសអើង។ សូមមើលថាតើជនជាតិយូដាម្នាក់និងជនជាតិអារ៉ាប់ម្នាក់អាចយកឈ្នះការស្អប់តាមរបៀបណា។
សំណួរនិងចម្លើយពីគម្ពីរ
សន្តិភាពនៅផែនដី តើនេះនឹងកើតឡើងយ៉ាងដូចម្ដេច?
សូមរៀនអំពីអ្វីដែលព្រះសន្យាថាលោកនឹងធ្វើដើម្បីនាំឲ្យមានសេចក្ដីសុខសាន្តនៅទូទាំងពិភពលោកតាមរយៈរាជាណាចក្ររបស់លោក។
ភ្ញាក់
ក្រោមរាជាណាចក្រព្រះ «សេចក្ដីសុខនឹងមានជាបរិបូរ»
រាជាណាចក្រព្រះនឹងធ្វើឲ្យផែនដីមានសេចក្ដីសុខសាន្តនិងសាមគ្គីភាពពិត។
សេចក្ដីបង្រៀនសំខាន់ៗក្នុងគម្ពីរ
តើរាជាណាចក្ររបស់ព្រះជាអ្វី?
ក្នុងអំឡុងកិច្ចបម្រើផ្សាយរបស់លោកយេស៊ូនៅផែនដី លោកបានបង្រៀនអំពីរាជាណាចក្រព្រះច្រើនជាងប្រធានបទផ្សេងទៀត។ អស់រាប់រយឆ្នាំមកហើយ អ្នកកាន់តាមលោកអធិដ្ឋានឲ្យរាជាណាចក្រនោះបានមកដល់។
