តើព្រះស្ដាប់សេចក្ដីអធិដ្ឋានរបស់អ្នកឬទេ?
ពេលអ្នកអធិដ្ឋាន តើអ្នកគិតថាព្រះពិតជាស្ដាប់អ្នកឬទេ?
តើគម្ពីរចែងយ៉ាងណា?
ព្រះកំពុងស្ដាប់។ គម្ពីរធានាយើងថា៖ «ព្រះយេហូវ៉ានៅជិតអស់អ្នកដែលហៅរកលោក គឺអស់អ្នកដែលហៅរកលោកដោយចិត្តស្មោះ . . . លោកឮពាក្យស្រែកអង្វរសុំរបស់ពួកគេ»។—ចម្រៀងសរសើរព្រះ ១៤៥:១៨, ១៩
ព្រះចង់ឲ្យអ្នកអធិដ្ឋានទៅលោក។ គម្ពីរអញ្ជើញអ្នកឲ្យ៖ «ជម្រាបព្រះអំពីសំណូមពររបស់អ្នករាល់គ្នាក្នុងគ្រប់ការទាំងអស់ ដោយអធិដ្ឋាន អង្វរសុំ និងថ្លែងអំណរគុណ»។—ភីលីព ៤:៦
ព្រះរមែងគិតអំពីអ្នក។ ព្រះដឹងច្បាស់អំពីការព្រួយបារម្ភនិងទុក្ខកង្វល់ទាំងអស់របស់យើង ហើយលោកចង់ជួយយើង។ គម្ពីរចែងថា៖ «ផ្ទេរកង្វល់ទាំងអស់ទៅព្រះ ពីព្រោះលោករមែងគិតអំពីអ្នក»។—ពេត្រុសទី១ ៥:៧
