អត្ថបទសិក្សា ៤២
ចូរកាន់ខ្ជាប់តាមសេចក្ដីពិតដោយជឿជាក់យ៉ាងមុតមាំ
«ចូរពិចារណាអ្វីៗទាំងអស់ឲ្យប្រាកដថាត្រឹមត្រូវ ចូរកាន់ខ្ជាប់តាមអ្វីៗដែលប្រសើរ»។—១ថែ. ៥:២១
ចម្រៀងលេខ១៤២ ចូររក្សាសេចក្ដីសង្ឃឹមជានិច្ច
សេចក្ដីសង្ខេប *
១. ហេតុអ្វីមនុស្សជាច្រើនភាន់ច្រឡំ?
មានគ្រិស្តសាសនារាប់ពាន់និកាយដែលអះអាងថាពួកគេគោរពប្រណិប័តន៍ព្រះតាមរបៀបដែលលោកពេញចិត្ត។ នេះជាមូលហេតុដែលមនុស្សជាច្រើនភាន់ច្រឡំ! ពួកគេសួរថា៖ «តើមានសាសនាពិតតែមួយ ឬតើសាសនាទាំងអស់ធ្វើឲ្យព្រះពេញចិត្ត?»។ តើយើងជឿជាក់យ៉ាងមុតមាំក្នុងចិត្តថាអ្វីដែលយើងកំពុងបង្រៀនគឺជាសេចក្ដីពិត ហើយថាលំនាំនៃការគោរពប្រណិប័តន៍ដែលសាក្សីព្រះយេហូវ៉ាកំពុងធ្វើតាមនៅសព្វថ្ងៃនេះធ្វើឲ្យព្រះយេហូវ៉ាពេញចិត្តឬទេ? តើយើងពិតជាអាចមានការជឿជាក់បែបនេះឬ? សូមយើងពិចារណាអំពីទីសំអាងខ្លះ។
២. យោងទៅតាមថែស្សាឡូនិចទី១ ១:៥ ហេតុអ្វីសាវ័កប៉ូលបានជឿជាក់ថាគាត់មានសេចក្ដីពិត?
២ សាវ័កប៉ូលបានជឿជាក់យ៉ាងមុតមាំថាគាត់មានសេចក្ដីពិត។ (សូមអាន ថែស្សាឡូនិចទី១ ១:៥) ការជឿជាក់នោះមិនមែនដោយសារអារម្មណ៍ទេ។ ផ្ទុយទៅវិញ ប៉ូលបានសិក្សាបណ្ដាំរបស់ព្រះយ៉ាងដិតដល់។ គាត់បានជឿថា«គ្រប់ទាំងបទគម្ពីរបានត្រូវសរសេរក្រោមការដឹកនាំរបស់ព្រះ»។ (២ធី. ៣:១៦) តើគាត់បានរៀនអ្វីខ្លះ? ក្នុងបទគម្ពីរ ប៉ូលបានរកឃើញភ័ស្តុតាងដែលមិនអាចប្រកែកបានថា លោកយេស៊ូគឺជាមេស្ស៊ីដែលបានត្រូវសន្យា ជាភ័ស្តុតាងដែលពួកអ្នកដឹកនាំសាសនាយូដាមិនព្រមអើពើ។ មនុស្សលាក់ពុតទាំងនោះបានអះអាងថា ពួកគេជាតំណាងព្រះ តែការប្រព្រឹត្តរបស់ពួកគេបង្ហាញថាពួកគេមិនទទួលស្គាល់ព្រះទេ។ (ទីត. ១:១៦) ប៉ូលមិនដូចពួកបុរសទាំងនោះទេ។ គាត់មិនបានសម្រេចចិត្តអំពីអ្វីដែលគាត់ចង់ជឿនិងអ្វីដែលគាត់មិនចង់ជឿពីបណ្ដាំរបស់ព្រះឡើយ។ គាត់ប្រុងប្រៀបបង្រៀននិងធ្វើតាម‹ឱវាទទាំងអស់របស់ព្រះ›។—សកម្ម. ២០:២៧
៣. ដើម្បីមានការជឿជាក់យ៉ាងមុតមាំ តើយើងត្រូវស្គាល់ចម្លើយចំពោះសំណួរទាំងអស់ឬទេ? (សូមមើលផងដែរនូវប្រអប់ដែលមានចំណងជើងថា« យើង‹រៀបរាប់មិនអស់›អំពីស្នាដៃនិងគំនិតរបស់ព្រះយេហូវ៉ា»)
៣ អ្នកខ្លះមានអារម្មណ៍ថាសាសនាពិតគួរតែចេះឆ្លើយរាល់សំណួរទាំងអស់ ថែម១ថែ. ៥:២១) គាត់បានសរសេរថា៖ «ចំណេះរបស់យើងគឺមិនទាន់សព្វគ្រប់»។ គាត់ក៏បានបន្តទៀតថា៖ «យើងមើលឃើញស្រពិលៗដូចមើលក្នុងដែកឆ្លុះមុខ»។ (១កូ. ១៣:៩, ១២) ប៉ូលមិនបានយល់អ្វីៗទាំងអស់ទេ ហើយយើងក៏ដូចគ្នាដែរ។ ប៉ុន្តែ ប៉ូលបានយល់សេចក្ដីពិតសំខាន់ៗអំពីព្រះយេហូវ៉ា។ គាត់ដឹងព័ត៌មានគ្រប់គ្រាន់ដើម្បីជឿជាក់ថាគាត់មានសេចក្ដីពិត។
ទាំងសំណួរដែលមិនមានចម្លើយក្នុងគម្ពីរផងដែរ។ តើនេះសមហេតុផលឬទេ? សូមគិតអំពីគំរូរបស់ប៉ូល។ គាត់បានលើកទឹកចិត្តបងប្អូនរួមជំនឿឲ្យ«ពិចារណាអ្វីៗទាំងអស់ឲ្យប្រាកដថាត្រឹមត្រូវ» ប៉ុន្តែគាត់ក៏បានសារភាពថាមានអ្វីជាច្រើនដែលគាត់មិនយល់។ (៤. តើយើងអាចពង្រឹងការជឿជាក់របស់យើងថាយើងបានរកឃើញសេចក្ដីពិតតាមរបៀបណា ហើយតើយើងនឹងពិចារណាអ្វីខ្លះអំពីគ្រិស្តសាសនិកពិត?
៤ របៀបមួយដែលយើងអាចពង្រឹងការជឿជាក់របស់យើងថាយើងបានរកឃើញសេចក្ដីពិត គឺដោយប្រៀបធៀបលំនាំនៃការគោរពប្រណិប័តន៍ដែលលោកយេស៊ូបានទុកឲ្យ ទៅនឹងរបៀបដែលសាក្សីព្រះយេហូវ៉ាកំពុងគោរពប្រណិប័តន៍នៅសព្វថ្ងៃនេះ។ ក្នុងអត្ថបទនេះ យើងនឹងឃើញថាគ្រិស្តសាសនិកពិត (១)មិនគោរពបូជារូបព្រះ (២)គោរពនាមរបស់ព្រះយេហូវ៉ា (៣)ស្រឡាញ់សេចក្ដីពិត និង(៤)ស្រឡាញ់គ្នាយ៉ាងខ្លាំង។
យើងមិនគោរពបូជារូបព្រះ
៥. តើយើងរៀនអ្វីពីលោកយេស៊ូអំពីរបៀបត្រឹមត្រូវដើម្បីគោរពប្រណិប័តន៍ព្រះ ហើយតើយើងអាចធ្វើតាមអ្វីដែលលោកបានបង្រៀនយ៉ាងដូចម្ដេច?
៥ ដោយសារលោកយេស៊ូស្រឡាញ់ព្រះយេហូវ៉ាយ៉ាងខ្លាំង លោកគោរពប្រណិប័តន៍តែព្រះយេហូវ៉ាប៉ុណ្ណោះ ទាំងពេលលោកនៅស្ថានសួគ៌ ទាំងពេលលោកនៅផែនដី។ (លូក. ៤:៨) លោកបានបង្រៀនអ្នកកាន់តាមលោកឲ្យធ្វើដូច្នេះដែរ។ ទាំងលោកយេស៊ូ ទាំងអ្នកកាន់តាមដ៏ស្មោះត្រង់របស់លោក មិនដែលប្រើរូបព្រះក្នុងការគោរពប្រណិប័តន៍ឡើយ។ យើងមើលព្រះមិនឃើញ ដូច្នេះគ្មានអ្នកណាអាចធ្វើអ្វីដែលមើលទៅឲ្យដូចលោកបានទេ! (អេ. ៤៦:៥) ប៉ុន្តែ ចុះយ៉ាងណា ការ ធ្វើរូបរបស់ពួកអ្នកដែលគេហៅថាអ្នកបរិសុទ្ធ ហើយអធិដ្ឋានទៅរូបទាំងនោះ? ក្នុងបញ្ញត្ដិទី២នៃបញ្ញត្ដិទាំង១០ប្រការ ព្រះយេហូវ៉ាបានមានប្រសាសន៍ថា៖ «អ្នករាល់គ្នាមិនត្រូវឆ្លាក់រូបណាមួយ ឬធ្វើអ្វីណាក៏ដោយដែលមានរាងដូចអ្វីនៅលើមេឃ [ឬ]នៅផែនដី... ឡើយ។ អ្នករាល់គ្នាមិនត្រូវក្រាបគោរព... រូបទាំងនោះឡើយ»។ (ដច. ២០:៤, ៥) ពាក្យទាំងនោះគឺច្បាស់ចំពោះពួកអ្នកដែលចង់ធ្វើឲ្យព្រះពេញចិត្ត។
៦. នៅសព្វថ្ងៃនេះ តើសាក្សីព្រះយេហូវ៉ាធ្វើតាមលំនាំអ្វីនៃការគោរពប្រណិប័តន៍?
៦ ប្រវត្តិវិទូបានទទួលស្គាល់ថាគ្រិស្តសាសនិកនៅសតវត្សរ៍ទី១មានភក្ដីភាពផ្ដាច់មុខចំពោះព្រះ។ ជាឧទាហរណ៍ សៀវភៅប្រវត្តិសាស្ត្រមួយចែងថា គ្រិស្តសាសនិកទាំងនោះ«ស្អប់ខ្ពើម»ការប្រើរូបព្រះក្នុងកន្លែងគោរពប្រណិប័តន៍ព្រះ។ (History of the Christian Church) សព្វថ្ងៃនេះ សាក្សីព្រះយេហូវ៉ាធ្វើតាមលំនាំរបស់គ្រិស្តសាសនិកនៅសតវត្សរ៍ទី១។ យើងមិនអធិដ្ឋានទៅរូបអ្នកបរិសុទ្ធឬពួកទេវតា ហើយយើងថែមទាំងមិនអធិដ្ឋានទៅលោកយេស៊ូផងដែរ។ ម្យ៉ាងទៀត យើងមិនគោរពទង់ជាតិ ឬធ្វើអ្វីផ្សេងទៀតដែលហាក់ដូចជាគោរពប្រណិប័តន៍រដ្ឋាភិបាលឡើយ។ ទោះជាអ្នកណាព្យាយាមឲ្យយើងធ្វើអ្វីក្ដី យើងតាំងចិត្តធ្វើតាមប្រសាសន៍របស់លោកយេស៊ូដែលថា៖ «គឺព្រះយេហូវ៉ាជាព្រះរបស់អ្នក ដែលអ្នកត្រូវគោរពប្រណិប័តន៍»។—ម៉ាថ. ៤:១០
៧. តើសាក្សីព្រះយេហូវ៉ាខុសគ្នាយ៉ាងណាពីសាសនាឯទៀតទាំងអស់?
៧ សព្វថ្ងៃនេះ មនុស្សជាច្រើនធ្វើតាមពួកអ្នកដឹកនាំវិហារដ៏ល្បីល្បាញ។ ពួកគេកោតស្ងើចពួកអ្នកដឹកនាំទាំងនេះខ្លាំងដល់ម្ល៉េះ បានជាពួកគេស្ទើរតែគោរពប្រណិប័តន៍បុគ្គលទាំងនោះ។ មនុស្សជាច្រើនទៅវិហារ ទិញសៀវភៅរបស់ពួកអ្នកដឹកនាំទាំងនោះ និងដាក់វិភាគទានច្រើនដើម្បីលើកស្ទួយកិច្ចការរបស់ពួកគេ។ មនុស្សខ្លះកោតស្ងើចនិងជឿគ្រប់ពាក្យរបស់ពួកអ្នកដឹកនាំសាសនាទាំងនោះ ហាក់ដូចជាពួកគេបានជួបលោកយេស៊ូដោយផ្ទាល់! ផ្ទុយទៅវិញ អ្នកគោរពប្រណិប័តន៍ពិតរបស់ព្រះយេហូវ៉ាគ្មានបព្វជិតទេ។ ទោះជាយើងគោរពពួកអ្នកនាំមុខក្ដី យើងធ្វើតាមសេចក្ដីបង្រៀនដ៏ច្បាស់របស់លោកយេស៊ូដែលថា៖ «អ្នករាល់គ្នាជាបងប្អូននឹងគ្នា»។ (ម៉ាថ. ២៣:៨-១០) យើងមិនគោរពប្រណិប័តន៍មនុស្សទេ មិនថាពួកគេជាអ្នកដឹកនាំសាសនា ឬអ្នកនយោបាយក្ដី។ ម្យ៉ាងទៀត យើងមិនគាំទ្រគោលដៅរបស់ពួកអ្នកដឹកនាំសាសនា ឬគោលនយោបាយរបស់ពួកអ្នកដឹកនាំទេ។ ផ្ទុយទៅវិញ យើងរក្សាអព្យាក្រឹតភាព និងមិនរួមចំណែកក្នុងពិភពលោកនេះឡើយ។ ក្នុងករណីទាំងនេះ យើងខុសពីនិកាយជាច្រើនដែលអះអាងថាពួកគេកាន់គ្រិស្តសាសនា។—យ៉ូន. ១៨:៣៦
យើងគោរពនាមរបស់ព្រះយេហូវ៉ា
គ្រិស្តសាសនិកពិតមានមោទនភាពប្រាប់អ្នកឯទៀតអំពីព្រះយេហូវ៉ា (សូមមើលវគ្គ៨-១០) *
៨. តើយើងដឹងយ៉ាងដូចម្ដេចថាព្រះយេហូវ៉ាចង់ឲ្យយើងលើកតម្កើងនាមរបស់លោក និងប្រាប់នាមលោកដល់បុគ្គលគ្រប់រូប?
៨ នៅពេលមួយ លោកយេស៊ូបានអធិដ្ឋានថា៖ «បិតាអើយ សូមលើកតម្កើងនាមរបស់លោក»។ ព្រះយេហូវ៉ាផ្ទាល់បានតបឆ្លើយសេចក្ដីអធិដ្ឋាននោះយ៉ាងឮៗពីលើមេឃ ដោយសន្យាថាលោកនឹងលើកតម្កើងនាមរបស់លោក។ (យ៉ូន. ១២:២៨) ក្នុងអំឡុងកិច្ចបម្រើរបស់លោកយេស៊ូ លោកបានលើកតម្កើងនាមរបស់បិតាលោក។ (យ៉ូន. ១៧:២៦) ដូច្នេះ គ្រិស្តសាសនិកពិតយល់ថាការប្រើនាមរបស់ព្រះនិងប្រាប់អ្នកឯទៀតឲ្យស្គាល់នាមនោះគឺជាឯកសិទ្ធិ។
៩. តើគ្រិស្តសាសនិកនៅសតវត្សរ៍ទី១បានបង្ហាញយ៉ាងណាថាពួកគេគោរពនាមព្រះ?
៩ នៅសតវត្សរ៍ទី១ គ.ស. មិនយូរក្រោយពីក្រុមជំនុំគ្រិស្តសាសនិកបានត្រូវស្ថាបនាឡើង ព្រះយេហូវ៉ា«បានបង្ហាញចំណាប់អារម្មណ៍ជាលើកដំបូងទៅលើប្រជាជាតិនានា ដើម្បីជ្រើសរើសរាស្ដ្រមួយជាតំណាងនាមរបស់លោក»។ (សកម្ម. ១៥:១៤) គ្រិស្តសាសនិកនៅសតវត្សរ៍ទី១ទាំងនោះ មានមោទនភាពប្រើនាមរបស់ព្រះ និងប្រាប់អ្នកឯទៀតអំពីនាមនោះ។ ពួកគេបានប្រើនាមលោកក្នុងកិច្ចបម្រើផ្សាយ និងក្នុងសំណេររបស់ពួកគេ។ * យ៉ាងនេះ ពួកគេបានបង្ហាញថាពួកគេគឺជារាស្ត្រតែមួយដែលជាតំណាងនាមលោក។—សកម្ម. ២:១៤, ២១
១០. តើមានភ័ស្តុតាងអ្វីដែលបង្ហាញថាសាក្សីព្រះយេហូវ៉ាគឺជារាស្ត្រមួយជាតំណាងនាមព្រះយេហូវ៉ា?
* យើងឃើញច្បាស់ថាមានតែសាក្សីព្រះយេហូវ៉ាប៉ុណ្ណោះដែលគោរពនាមព្រះយ៉ាងត្រឹមត្រូវ។ យើងកំពុងប្រាប់អ្នកឯទៀតអំពីនាមរបស់លោកច្រើនជាងសាសនាណាទាំងអស់! យ៉ាងនេះ យើងកំពុងខំអស់ពីសមត្ថភាពដើម្បីរស់នៅស្របតាមឈ្មោះរបស់យើង ពោលគឺសាក្សីព្រះយេហូវ៉ា។ (អេ. ៤៣:១០-១២) យើងបានបោះពុម្ពគម្ពីរបរិសុទ្ធសេចក្ដីបកប្រែពិភពលោកថ្មី ជាង២៤០លានក្បាល ដែលដាក់បញ្ចូលនាមរបស់ព្រះយេហូវ៉ានៅកន្លែងដែលអ្នកបកប្រែគម្ពីរឯទៀតបានដកចេញ។ មួយវិញទៀត យើងបោះពុម្ពសៀវភៅដែលមានមូលដ្ឋានលើគម្ពីរដែលប្រើនាមរបស់ព្រះយេហូវ៉ា ជាង១.០០០ភាសា!
១០ តើសាក្សីព្រះយេហូវ៉ាគឺជារាស្ត្រមួយជាតំណាងនាមរបស់ព្រះយេហូវ៉ាឬទេ? សូមពិចារណាអំពីភ័ស្តុតាង។ សព្វថ្ងៃនេះ ពួកអ្នកដឹកនាំសាសនាជាច្រើនបានធ្វើអ្វីៗគ្រប់យ៉ាងដើម្បីបិទបាំងនាមព្រះ។ ពួកគេបានដកនាមព្រះចេញពីសេចក្ដីបកប្រែគម្ពីររបស់ពួកគេ ហើយក្នុងករណីខ្លះបានហាមមិនឲ្យប្រើនាមព្រះក្នុងកម្មវិធីសាសនា។យើងស្រឡាញ់សេចក្ដីពិត
១១. តើគ្រិស្តសាសនិកនៅសម័យដើមបានបង្ហាញយ៉ាងណាថាពួកគេស្រឡាញ់សេចក្ដីពិត?
១១ លោកយេស៊ូស្រឡាញ់សេចក្ដីពិត ពោលគឺសេចក្ដីពិតអំពីព្រះនិងគោលបំណងរបស់លោក។ លោកយេស៊ូរស់នៅស្របតាមសេចក្ដីពិត ហើយប្រាប់អ្នកឯទៀតអំពីសេចក្ដីពិតនោះ។ (យ៉ូន. ១៨:៣៧) អ្នកកាន់តាមពិតរបស់លោកយេស៊ូនៅសម័យដើមក៏ស្រឡាញ់សេចក្ដីពិតយ៉ាងជ្រាលជ្រៅដែរ។ (យ៉ូន. ៤:២៣, ២៤) តាមការពិត សាវ័កពេត្រុសបានហៅគ្រិស្តសាសនាថា«មាគ៌ានៃសេចក្ដីពិត»។ (២ពេ. ២:២) ដោយសារគ្រិស្តសាសនិកទាំងនោះស្រឡាញ់សេចក្ដីពិតយ៉ាងខ្លាំង ពួកគេមិនទទួលយកគំនិតសាសនា វប្បធម៌ និងទស្សនៈដែលមិនសមស្របតាមសេចក្ដីពិតឡើយ។ (កូឡ. ២:៨) ដូចគ្នាដែរនៅសព្វថ្ងៃនេះ គ្រិស្តសាសនិកពិតព្យាយាម«បន្តរស់នៅស្របតាមសេចក្ដីពិត» ដោយយកបណ្ដាំរបស់ព្រះយេហូវ៉ាជាមូលដ្ឋានសម្រាប់របៀបរស់នៅនិងជំនឿទាំងអស់របស់ពួកគេ។—៣យ៉ូន. ៣, ៤
១២. តើមានអ្វីកើតឡើងពេលពួកអ្នកនាំមុខក្នុងអង្គការរបស់ព្រះទទួលស្គាល់ថាការយល់ដឹងរបស់យើងត្រូវការកែតម្រូវ ហើយហេតុអ្វីពួកគេធ្វើការកែប្រែទាំងនោះ?
១២ រាស្ត្ររបស់ព្រះនៅសព្វថ្ងៃនេះមិនអះអាងថាពួកគេមានចំណេះសព្វគ្រប់អំពីសេចក្ដីពិតទេ។ ជួនកាល ពួកគេមានកំហុសក្នុងការពន្យល់សេចក្ដីបង្រៀនក្នុងគម្ពីរ ឬរបៀបដែលក្រុមជំនុំបានត្រូវរៀបចំឡើង។ នោះមិនគួរធ្វើឲ្យយើងភ្ញាក់ផ្អើលឡើយ។ គម្ពីរបង្ហាញយ៉ាងច្បាស់ថាចំណេះត្រឹមត្រូវកាន់តែច្រើនឡើងៗតាមពេលវេលា។ (កូឡ. ១:៩, ១០) ព្រះយេហូវ៉ាបើកបង្ហាញសេចក្ដីពិតបន្តិចម្ដងៗ ដូច្នេះយើងត្រូវសុខចិត្តរង់ចាំដោយអត់ធ្មត់ឲ្យពន្លឺនៃសេចក្ដីពិតកាន់តែភ្លឺឡើង។ (សុភ. ៤:១៨) ពេលពួកអ្នកនាំមុខក្នុងអង្គការរបស់ព្រះទទួលស្គាល់ថាការយល់ដឹងរបស់យើងអំពីសេចក្ដីបង្រៀនណាមួយត្រូវការកែតម្រូវ ពួកគេមិនស្ទាក់ស្ទើរក្នុងការធ្វើការកែតម្រូវទេ។ និកាយជាច្រើននៃពិភពគ្រិស្តសាសនានៅសព្វថ្ងៃនេះ កែប្រែសេចក្ដីបង្រៀនរបស់ពួកគេដើម្បីផ្គាប់ចិត្តសមាជិក ឬឲ្យទាន់ការពេញនិយមក្នុងពិភពលោក។ ផ្ទុយទៅវិញ សាក្សីព្រះយេហូវ៉ាធ្វើការកែប្រែសេចក្ដីបង្រៀនដើម្បីជួយយើងឲ្យចូលកាន់តែជិតព្រះ និងធ្វើតាមលំនាំនៃការគោរពប្រណិប័តន៍ដែលលោកយេស៊ូបានទុកឲ្យ។ (យ៉ា. ៤:៤) ការផ្លាស់ប្ដូរដែលធ្វើឡើង មិនមែនដោយសារការប្រែប្រួលនៃទស្សនៈរបស់មនុស្សក្នុងពិភពលោកនេះទេ តែដោយសារយើងយល់គម្ពីរច្បាស់ជាង។ នេះបង្ហាញថា យើងស្រឡាញ់សេចក្ដីពិត!—១ថែ. ២:៣, ៤
យើងស្រឡាញ់គ្នាយ៉ាងខ្លាំង
១៣. តើគ្រិស្តសាសនិកពិតបង្ហាញគុណសម្បត្តិដ៏សំខាន់បំផុតអ្វី ហើយនៅសព្វថ្ងៃនេះ តើសាក្សីព្រះយេហូវ៉ាបង្ហាញគុណសម្បត្តិនេះយ៉ាងដូចម្ដេច?
១៣ គ្រិស្តសាសនិកនៅសតវត្សរ៍ទី១ បានត្រូវគេស្គាល់ដោយព្រោះគុណសម្បត្តិជាច្រើនដែលពួកគេបានបង្ហាញ តែអ្វីដែលគេកត់សម្គាល់ខ្លាំងបំផុតគឺសេចក្ដីស្រឡាញ់។ លោកយេស៊ូបានមានប្រសាសន៍ថា៖ «យ៉ាងនេះ មនុស្សគ្រប់គ្នានឹងដឹងថាអ្នករាល់គ្នាជាអ្នកកាន់តាមខ្ញុំ បើអ្នករាល់គ្នាស្រឡាញ់គ្នា»។ (យ៉ូន. ១៣:៣៤, ៣៥) សព្វថ្ងៃនេះ សាក្សីព្រះយេហូវ៉ាមានសេចក្ដីស្រឡាញ់ដ៏ស្មោះនិងសាមគ្គីភាពនៅទូទាំងពិភពលោក។ យើងខុសពីសាសនាណាទាំងអស់ ដោយសារយើងប្រៀបដូចជាក្រុមគ្រួសារមួយ ទោះជាយើងមកពីប្រទេសផ្សេងៗ និងមានវប្បធម៌ខុសៗគ្នាក៏ដោយ។ យើងឃើញសេចក្ដីស្រឡាញ់ដ៏ស្មោះនេះនៅកិច្ចប្រជុំ សន្និបាត និងមហាសន្និបាតរបស់យើង។ ភ័ស្តុតាងនេះពង្រឹងការជឿជាក់របស់យើងថា របៀបគោរពប្រណិប័តន៍របស់យើងគឺជារបៀបដែលព្រះយេហូវ៉ាពេញចិត្ត។
១៤. យោងទៅតាមកូឡុស ៣:១២-១៤ តើអ្វីជារបៀបដ៏សំខាន់មួយដែលយើងអាចបង្ហាញសេចក្ដីស្រឡាញ់ចំពោះគ្នាទៅវិញទៅមកឲ្យខ្លាំង?
១៤ បទគម្ពីរលើកទឹកចិត្តយើងឲ្យ«ស្រឡាញ់គ្នាទៅវិញទៅមកឲ្យខ្លាំង»។ (១ពេ. ៤:៨) របៀបមួយដែលយើងបង្ហាញសេចក្ដីស្រឡាញ់បែបនេះ គឺដោយអភ័យទោសឲ្យគ្នាទៅវិញទៅមក ហើយទ្រាំទ្រភាពមិនល្អឥតខ្ចោះរបស់គ្នា។ ម្យ៉ាងទៀត យើងស្វែងរកឱកាសដើម្បីបង្ហាញចិត្តទូលាយ និងទទួលបុគ្គលទាំងអស់ក្នុងក្រុមជំនុំដោយរាក់ទាក់ សូម្បីតែពួកអ្នកដែលធ្វើឲ្យយើងទើសចិត្ត ក៏យើងធ្វើដូច្នេះចំពោះពួកគេដែរ។ (សូមអាន កូឡុស ៣:១២-១៤) ពេលយើងមានសេចក្ដីស្រឡាញ់បែបនេះ យើងបង្ហាញថាយើងជាគ្រិស្តសាសនិកពិត។
«ជំនឿតែមួយ»
១៥. តើយើងធ្វើតាមលំនាំនៃការគោរពប្រណិប័តន៍ដែលគ្រិស្តសាសនិកនៅសតវត្សរ៍ទី១បានទុកឲ្យតាមរបៀបណាខ្លះទៀត?
១៥ យើងធ្វើតាមលំនាំនៃការគោរពប្រណិប័តន៍ដែលក្រុមជំនុំភី. ១:១; ទីត. ១:៥) ម្យ៉ាងទៀតដូចពួកគេ យើងគោរពច្បាប់របស់ព្រះយេហូវ៉ាអំពីការរួមភេទនិងអាពាហ៍ពិពាហ៍ ព្រមទាំងអ្វីដែលព្រះមានប្រសាសន៍អំពីការប្រើឈាម ហើយយើងការពារក្រុមជំនុំពីពួកអ្នកដែលមិនចង់ធ្វើតាមច្បាប់របស់ព្រះ។—សកម្ម. ១៥:២៨, ២៩; ១កូ. ៥:១១-១៣; ៦:៩, ១០; ហេ. ១៣:៤
គ្រិស្តសាសនិកនៅសតវត្សរ៍ទី១បានធ្វើ តាមរបៀបផ្សេងទៀតដែរ។ ជាឧទាហរណ៍ របៀបរៀបចំក្នុងអង្គការរបស់យើងនៅសព្វថ្ងៃនេះ ឆ្លុះបញ្ចាំងអំពីរបៀបរៀបចំរបស់គ្រិស្តសាសនិកនៅសតវត្សរ៍ទី១ដែលរួមបញ្ចូលអ្នកធ្វើដំណើរត្រួតពិនិត្យ អ្នកចាស់ទុំ និងជំនួយការខាងកិច្ចបម្រើ។ (១៦. តើយើងរៀនអ្វីពីអេភេសូរ ៤:៤-៦?
១៦ លោកយេស៊ូបានមានប្រសាសន៍ថា មនុស្សជាច្រើននឹងអះអាងថាពួកគេជាអ្នកកាន់តាមលោក ប៉ុន្តែមិនមែនពួកគេទាំងអស់ជាអ្នកកាន់តាមពិតទេ។ (ម៉ាថ. ៧:២១-២៣) បទគម្ពីរក៏ប្រាប់យើងដែរថា នៅគ្រាចុងក្រោយបង្អស់មនុស្សជាច្រើននឹង«ធ្វើឫកពាជាមនុស្សមានភក្ដីភាពចំពោះព្រះ» តែតាមពិតពួកគេគ្មានចិត្តស្មោះទេ។ (២ធី. ៣:១, ៥) គម្ពីរប្រាប់យើងយ៉ាងច្បាស់ថាមាន«ជំនឿតែមួយ»ដែលព្រះពេញចិត្ត។—សូមអាន អេភេសូរ ៤:៤-៦
១៧. តើអ្នកណាកំពុងកាន់តាមលោកយេស៊ូ និងបង្ហាញជំនឿពិតតែមួយនៅសព្វថ្ងៃនេះ?
១៧ តើអ្នកណាជាអ្នកកាន់សាសនាពិតតែមួយគត់នៅសព្វថ្ងៃនេះ? យើងបានពិនិត្យពិចារណាអំពីភ័ស្តុតាងរួចហើយ។ យើងក៏បានពិនិត្យមើលលំនាំនៃការគោរពប្រណិប័តន៍ដែលលោកយេស៊ូបានបង្រៀន និងដែលគ្រិស្តសាសនិកនៅសតវត្សរ៍ទី១បានធ្វើ។ ដូច្នេះ ចម្លើយមានតែមួយគត់គឺសាក្សីព្រះយេហូវ៉ា។ យើងមានឯកសិទ្ធិនៅក្នុងចំណោមរាស្ត្ររបស់ព្រះយេហូវ៉ា ព្រមទាំងស្គាល់សេចក្ដីពិតអំពីលោកនិងគោលបំណងរបស់លោក! សូមយើងបន្តកាន់ខ្ជាប់តាមសេចក្ដីពិត ដោយមានការជឿជាក់យ៉ាងមុតមាំ។
ចម្រៀងលេខ៣ ព្រះជាកម្លាំង ជាសេចក្ដីសង្ឃឹម និងជាទីពឹងរបស់យើង
^ វគ្គ 5 ក្នុងអត្ថបទនេះយើងនឹងមើលលំនាំនៃការគោរពប្រណិប័តន៍ដែលលោកយេស៊ូបានទុកឲ្យ ហើយពិចារណាអំពីរបៀបដែលអ្នកកាន់តាមលោកនៅសតវត្សរ៍ទី១បានធ្វើតាមលំនាំនោះ។ យើងក៏នឹងផ្ដល់ភ័ស្តុតាងដែលបង្ហាញថាសាក្សីព្រះយេហូវ៉ាកំពុងធ្វើតាមលំនាំនៃការគោរពប្រណិប័តន៍ពិតនោះនៅសព្វថ្ងៃនេះ។
^ វគ្គ 9 សូមមើលប្រអប់ដែលមានចំណងជើងថា«តើគ្រិស្តសាសនិកនៅសតវត្សរ៍ទី១ប្រើនាមរបស់ព្រះឬទេ?» ក្នុងទស្សនាវដ្ដីប៉មយាម ថ្ងៃទី១ ខែសីហា ឆ្នាំ២០១០ ទំព័រ៦។
^ វគ្គ 10 ជាឧទាហរណ៍ នៅឆ្នាំ២០០៨សម្ដេចប៉ាបបេណេឌិចទី១៦បានបង្គាប់ថា សាសនាកាតូលិក«មិនគួរប្រើ»នាមរបស់ព្រះក្នុងកម្មវិធីសាសនា បទចម្រៀង ឬសេចក្ដីអធិដ្ឋានឡើយ។
^ វគ្គ 63 ការពណ៌នាអំពីរូបភាព: អង្គការព្រះយេហូវ៉ាបានចេញសេចក្ដីបកប្រែពិភពលោកថ្មីជាង២០០ភាសា ដើម្បីមនុស្សអាចអានគម្ពីរដែលមាននាមរបស់ព្រះជាភាសាកំណើតរបស់ពួកគេ។