អត្ថបទសិក្សា ៤៤
តើពួកគេនឹងបម្រើព្រះពេលធំឡើងឬទេ?
«កុមារយេស៊ូក៏កាន់តែធំហើយប្រកបដោយប្រាជ្ញាកាន់តែច្រើនឡើងៗ ថែមទាំងកាន់តែទទួលនូវការពេញចិត្តពីព្រះនិងមនុស្ស»។—លូក. ២:៥២
ចម្រៀងលេខ១៣៤ កូនៗជាអំណោយមកពីព្រះ
សេចក្ដីសង្ខេប *
១. តើការសម្រេចចិត្តល្អបំផុតដែលមនុស្សគ្រប់រូបអាចធ្វើគឺជាអ្វី?
ការសម្រេចចិត្តដែលឪពុកម្ដាយធ្វើ ច្រើនតែមានឥទ្ធិពលទៅលើកូនរបស់ពួកគេអស់រយៈពេលជាយូរ។ បើឪពុកម្ដាយធ្វើការសម្រេចចិត្តមិនល្អ ពួកគេអាចបង្កឲ្យកូនមានបញ្ហា។ ប៉ុន្តែបើពួកគេធ្វើការសម្រេចចិត្តល្អ ពួកគេជួយកូនឲ្យមានជីវិតសប្បាយ។ កូនក៏ត្រូវធ្វើការសម្រេចចិត្តល្អដែរ។ ការសម្រេចចិត្តល្អបំផុតដែលមនុស្សគ្រប់រូបអាចធ្វើ គឺបម្រើព្រះយេហូវ៉ាជាបិតារបស់យើងនៅស្ថានសួគ៌ដែលស្រឡាញ់យើង។—ទំនុក. ៧៣:២៨
២. តើលោកយេស៊ូនិងឪពុកម្ដាយរបស់លោកបានធ្វើការសម្រេចចិត្តល្អអ្វី?
២ យ៉ូសែបនិងម៉ារៀដែលជាឪពុកម្ដាយរបស់លោកយេស៊ូ បានតាំងចិត្តជួយកូនរបស់ពួកគាត់ឲ្យបម្រើព្រះយេហូវ៉ា ហើយការសម្រេចចិត្តរបស់ពួកគាត់បង្ហាញថាការបម្រើព្រះយេហូវ៉ា គឺជាអ្វីដ៏សំខាន់បំផុតក្នុងជីវិតរបស់ពួកគាត់។ (លូក. ២:៤០, ៤១, ៥២) ដូចគ្នាដែរ លោកយេស៊ូបានធ្វើការសម្រេចចិត្តល្អដែលបានជួយលោកឲ្យបំពេញតួនាទីរបស់លោកក្នុងគោលបំណងរបស់ព្រះយេហូវ៉ា។ (ម៉ាថ. ៤:១-១០) លោកយេស៊ូបានធំឡើងទៅជាបុរសដែលស្មោះត្រង់ សប្បុរស និងក្លាហាន។ ឪពុកម្ដាយណាដែលស្រឡាញ់ព្រះយេហូវ៉ា ច្បាស់ជាសប្បាយចិត្តនិងមានមោទនភាព បើមានកូនប្រុសដូចលោក។
៣. តើយើងនឹងពិចារណាសំណួរអ្វីខ្លះក្នុងអត្ថបទនេះ?
៣ ក្នុងអត្ថបទនេះ យើងនឹងពិចារណាអំពីសំណួរដូចតទៅ៖ តើព្រះយេហូវ៉ាបានធ្វើការសម្រេចចិត្តល្អអ្វីឲ្យលោកយេស៊ូ? តើឪពុកម្ដាយជាគ្រិស្តសាសនិកអាចរៀនអ្វីពីការសម្រេចចិត្តរបស់យ៉ូសែបនិងម៉ារៀ? តើគ្រិស្តសាសនិកវ័យក្មេងអាចរៀនអ្វីពីការសម្រេចចិត្តរបស់លោកយេស៊ូ?
ចូររៀនពីព្រះយេហូវ៉ា
៤. តើព្រះយេហូវ៉ាបានធ្វើការសម្រេចចិត្តសំខាន់អ្វីឲ្យបុត្ររបស់លោក?
៤ ព្រះយេហូវ៉ាបានជ្រើសរើសឪពុកម្ដាយដ៏ល្អប្រសើរឲ្យលោកយេស៊ូ។ (ម៉ាថ. ១:១៨-២៣; លូក. ១:២៦-៣៨) ពាក្យដ៏ស្មោះអស់ពីចិត្តរបស់ម៉ារៀដែលបានត្រូវកត់ទុកក្នុងគម្ពីរ បង្ហាញអំពីសេចក្ដីស្រឡាញ់ដ៏ជ្រាលជ្រៅរបស់គាត់ចំពោះព្រះយេហូវ៉ានិងបណ្ដាំរបស់លោក។ (លូក. ១:៤៦-៥៥) របៀបដែលយ៉ូសែបធ្វើតាមការណែនាំរបស់ព្រះយេហូវ៉ាបង្ហាញថា គាត់ស្រឡាញ់ព្រះនិងចង់ធ្វើឲ្យលោកពេញចិត្ត។—ម៉ាថ. ១:២៤
៥-៦. តើព្រះយេហូវ៉ាបានអនុញ្ញាតឲ្យបុត្ររបស់លោកឆ្លងកាត់រឿងអ្វីខ្លះ?
៥ សូមកត់សម្គាល់ថា ព្រះយេហូវ៉ាមិនបានជ្រើសរើសឪពុកម្ដាយដែលជាអ្នកមានឲ្យលោកយេស៊ូទេ។ គ្រឿងបូជាដែលយ៉ូសែបនិងម៉ារៀបានជូនក្រោយពីកំណើតរបស់លោកយេស៊ូ បង្ហាញថាពួកគាត់ជាអ្នកក្រ។ (លូក. ២:២៤) យ៉ូសែបប្រហែលជាមានរោងតូចមួយក្បែរផ្ទះរបស់គាត់នៅក្រុងណាសារ៉ែត ជាកន្លែងសម្រាប់ប្រកបរបរជាជាងឈើ។ ពួកគាត់ច្បាស់ជាមានជីវភាពដ៏សាមញ្ញ ជាពិសេសដោយសារក្រោយមកពួកគាត់មានក្រុមគ្រួសារធំ ដែលយ៉ាងហោចណាស់មានកូន៧នាក់។—ម៉ាថ. ១៣:៥៥, ៥៦
៦ ព្រះយេហូវ៉ាបានការពារលោកយេស៊ូពីគ្រោះថ្នាក់មួយចំនួន ប៉ុន្តែលោកមិនបានការពារបុត្រលោកពីការពិបាកទាំងអស់ទេ។ (ម៉ាថ. ២:១៣-១៥) ជាឧទាហរណ៍ លោកយេស៊ូមានសាច់ញាតិដែលមិនមែនជាអ្នកជឿ។ សូមស្រមៃគិតថា លោកយេស៊ូច្បាស់ជាខកចិត្តយ៉ាងណា ពេលដែលសមាជិកក្រុមគ្រួសាររបស់ខ្លួន ពីដំបូងមិនបានជឿថាលោកជាមេស្ស៊ី។ (ម៉ាក. ៣:២១; យ៉ូន. ៧:៥) ម្យ៉ាងទៀត យ៉ូសែបទំនងជាបានស្លាប់កាលដែលលោកយេស៊ូនៅក្មេង ហើយនេះច្បាស់ជាធ្វើឲ្យលោកឈឺចិត្ត។ ហេតុនេះ ក្នុងនាមជាកូនប្រុសច្បង លោកយេស៊ូប្រហែលជាត្រូវរ៉ាប់រងមុខរបររបស់ក្រុមគ្រួសារ។ (ម៉ាក. ៦:៣) ពេលលោកយេស៊ូកាន់តែពេញវ័យ លោកបានរៀនឲ្យចេះទំនុកបម្រុងក្រុមគ្រួសាររបស់លោក។ លោកទំនងជាត្រូវខំប្រឹងធ្វើការដើម្បីផ្គត់ផ្គង់ពួកគេ។ ដូច្នេះ លោកដឹងអំពីភាពហត់នឿយពីការធ្វើការពេញមួយថ្ងៃ។
ឪពុកម្ដាយទាំងឡាយ ចូរជួយកូនរបស់អ្នកឲ្យត្រៀមខ្លួនចំពោះបញ្ហាផ្សេងៗក្នុងជីវិត ដោយបង្រៀនពួកគេអំពីរបៀបស្វែងរកយោបល់ពីបណ្ដាំរបស់ព្រះ (សូមមើលវគ្គ៧) *
៧. (ក) តើសំណួរអ្វីខ្លះនឹងជួយប្ដីប្រពន្ធក្នុងការអប់រំកូន? (ខ) តើសុភាសិត ២:១-៦ អាចជួយឪពុកម្ដាយឲ្យបង្ហាត់បង្រៀនកូនយ៉ាងដូចម្ដេច?
៧ បើអ្នកជាប្ដីប្រពន្ធដែលចង់មានកូន សូមសួរខ្លួនអ្នកថា ‹តើយើងជាបុគ្គលដែលមានចិត្តរាបទាប ហើយដែលស្រឡាញ់ព្រះយេហូវ៉ានិងបណ្ដាំរបស់លោកឬទេ? តើព្រះយេហូវ៉ានឹងជ្រើសរើសយើងឲ្យថែរក្សាទារកដ៏មានតម្លៃឬទេ?›។ (ទំនុក. ១២៧:៣, ៤) បើអ្នកជាឪពុកម្ដាយរួចទៅហើយ សូមសួរខ្លួនអ្នកថា ‹តើខ្ញុំកំពុងបង្រៀនកូនអំពីតម្លៃនៃការខំប្រឹងធ្វើការឬទេ?›។ (សាស្ត. ៣:១២, ១៣) ‹តើខ្ញុំខំអស់ពីសមត្ថភាពដើម្បីការពារ កូនរបស់ខ្ញុំពីគ្រោះថ្នាក់ខាងរូបកាយនិងខាងសីលធម៌ ដែលពួកគេប្រហែលជានឹងជួបប្រទះក្នុងពិភពលោករបស់សាថានឬទេ?›។ (សុភ. ២២:៣) អ្នកមិនអាចការពារកូនពីការពិបាកទាំងអស់ដែលពួកគេប្រហែលជានឹងមានក្នុងជីវិតទេ។ ប៉ុន្តែ អ្នកអាចជួយពួកគេឲ្យត្រៀមខ្លួនចំពោះបញ្ហាផ្សេងៗក្នុងជីវិត ដោយបន្តបង្រៀនពួកគេយ៉ាងកក់ក្ដៅអំពីរបៀបស្វែងរកយោបល់ពីគម្ពីរ។ (សូមអាន សុភាសិត ២:១-៦) ជាឧទាហរណ៍ បើសាច់ញាតិណាម្នាក់សម្រេចចិត្តឈប់បម្រើព្រះយេហូវ៉ា ចូរជួយកូនរបស់អ្នកឲ្យរៀនពីបណ្ដាំរបស់ព្រះអំពីមូលហេតុដែលការរក្សាភក្ដីភាពចំពោះព្រះយេហូវ៉ាគឺសំខាន់។ (ទំនុក. ៣១:២៣) ឬបើមានបុគ្គលជាទីស្រឡាញ់ស្លាប់ ចូរបង្ហាញកូនរបស់អ្នកអំពីរបៀបប្រើបណ្ដាំរបស់ព្រះ ដើម្បីរសាយទុក្ខ និងទទួលសេចក្ដីសុខសាន្តក្នុងចិត្ត។—២កូ. ១:៣, ៤; ២ធី. ៣:១៦
ចូររៀនពីយ៉ូសែបនិងម៉ារៀ
៨. យោងទៅតាមចោទិយកថា ៦:៦, ៧ តើយ៉ូសែបនិងម៉ារៀត្រូវធ្វើអ្វី?
៨ យ៉ូសែបនិងម៉ារៀអាចជួយលោកយេស៊ូឲ្យទៅជាមនុស្សពេញវ័យដែលទទួលការពេញចិត្តពីព្រះ ដោយសារពួកគាត់បានធ្វើតាមការណែនាំពីព្រះយេហូវ៉ាចំពោះឪពុកម្ដាយ។ (សូមអាន ចោទិយកថា ៦:៦, ៧) យ៉ូសែបនិងម៉ារៀមានសេចក្ដីស្រឡាញ់ដ៏ជ្រាលជ្រៅចំពោះព្រះយេហូវ៉ា ហើយគោលដៅសំខាន់បំផុតរបស់ពួកគាត់គឺជួយកូនៗឲ្យមានសេចក្ដីស្រឡាញ់បែបនោះដែរ។
៩. តើយ៉ូសែបនិងម៉ារៀបានធ្វើការសម្រេចចិត្តដ៏សំខាន់អ្វី?
៩ យ៉ូសែបនិងម៉ារៀសម្រេចចិត្តគោរពប្រណិប័តន៍ព្រះយេហូវ៉ាជាទៀងទាត់ជាមួយនឹងកូនរបស់ពួកគាត់។ ជារៀងរាល់សប្ដាហ៍ ពួកគាត់ច្បាស់ជាចូលរួមកិច្ចប្រជុំនៅសាលាប្រជុំក្នុងក្រុងណាសារ៉ែត ព្រមទាំងចូលរួមបុណ្យរំលងប្រចាំឆ្នាំនៅក្រុងយេរូសាឡិម។ (លូក. ២:៤១; ៤:១៦) ពេលពួកគាត់ធ្វើដំណើរទៅក្រុងយេរូសាឡិម ពួកគាត់ប្រហែលជាប្រើឱកាសនោះ ដើម្បីបង្រៀនលោកយេស៊ូនិងបងប្អូនរបស់លោកអំពីប្រវត្តិសាស្ត្ររបស់រាស្ត្រព្រះយេហូវ៉ា ហើយនៅតាមផ្លូវពួកគេប្រហែលជាថែមទាំងទៅលេងកន្លែងខ្លះដែលបានត្រូវរៀបរាប់នៅក្នុងបទគម្ពីរ។ ពេលយ៉ូសែបនិងម៉ារៀមានកូនកាន់តែច្រើនឡើង ពួកគាត់ប្រហែលជាមានការពិបាកក្នុងការបន្តគោរពប្រណិប័តន៍ព្រះយេហូវ៉ាជាទៀងទាត់។ ប៉ុន្តែ សូមគិតអំពីប្រយោជន៍ដែលពួកគាត់បានទទួល! ដោយសារពួកគាត់ចាត់ទុកការគោរពប្រណិប័តន៍ព្រះយេហូវ៉ាជាអ្វីដែលសំខាន់បំផុត នោះក្រុមគ្រួសាររបស់ពួកគាត់បន្តនៅជិតស្និទ្ធនឹងព្រះយេហូវ៉ា។
១០. តើឪពុកម្ដាយដែលជាគ្រិស្តសាសនិកអាចរៀនមេរៀនអ្វីពីយ៉ូសែបនិងម៉ារៀ?
១០ តើឪពុកម្ដាយដែលគោរពកោតខ្លាចព្រះអាចរៀនអ្វីពីយ៉ូសែប១ធី. ៦:៦) ពិតមែនថាអ្នកត្រូវទំនុកបម្រុងសេចក្ដីត្រូវការរបស់កូន។ (១ធី. ៥:៨) ប៉ុន្តែ សូមចាំថាអ្វីដែលនឹងជួយកូនឲ្យរួចជីវិតពីរបៀបរបបពិភពលោកនេះ និងចូលពិភពលោកថ្មីរបស់ព្រះ មិនមែនទ្រព្យសម្បត្តិរបស់ពួកគេទេ គឺចំណងមិត្តភាពជិតស្និទ្ធរបស់ពួកគេជាមួយព្រះយេហូវ៉ា។—អេស. ៧:១៩; ១ធី. ៤:៨
និងម៉ារៀ? សំខាន់បំផុត ចូរបង្ហាញកូនរបស់អ្នកតាមរយៈពាក្យសម្ដីនិងការប្រព្រឹត្តថា អ្នកស្រឡាញ់ព្រះយេហូវ៉ាយ៉ាងជ្រាលជ្រៅ។ អំណោយដ៏ល្អបំផុតដែលអ្នកអាចឲ្យកូន គឺជួយពួកគេឲ្យស្រឡាញ់ព្រះយេហូវ៉ា។ អ្វីសំខាន់បំផុតមួយដែលអ្នកអាចបង្រៀនពួកគេ គឺឲ្យពួកគេមានទម្លាប់ល្អក្នុងការសិក្សាគម្ពីរ អធិដ្ឋាន ចូលរួមកិច្ចប្រជុំ និងចូលរួមក្នុងកិច្ចបម្រើផ្សាយជាទៀងទាត់។ (យើងពិតជាសប្បាយចិត្តឃើញឪពុកម្ដាយគ្រិស្តសាសនិកធ្វើការសម្រេចចិត្តល្អ ដើម្បីជួយក្រុមគ្រួសាររបស់ពួកគេឲ្យចូលទៅជិតព្រះយេហូវ៉ា! (សូមមើលវគ្គ១១) *
១១. (ក) តើការណែនាំនៅធីម៉ូថេទី១ ៦:១៧-១៩ នឹងជួយឪពុកម្ដាយយ៉ាងណាឲ្យធ្វើការសម្រេចចិត្តល្អពេលដែលពួកគេចិញ្ចឹមអប់រំកូន? (ខ) តើក្រុមគ្រួសាររបស់អ្នកអាចគិតអំពីគោលដៅណាខ្លះ ហើយតើនោះអាចនាំឲ្យទទួលពរអ្វីខ្លះ? (សូមមើលប្រអប់ដែលមានចំណងជើងថា « តើអ្នកនឹងកំណត់គោលដៅអ្វីខ្លះ?»)
១១ យើងពិតជាសប្បាយចិត្តឃើញឪពុកម្ដាយគ្រិស្តសាសនិកជាច្រើននាក់ធ្វើការសម្រេចចិត្តល្អ ដើម្បីជួយកូនរបស់ពួកគេឲ្យចូលទៅជិតព្រះយេហូវ៉ា។ ពួកគេគោរពប្រណិប័តន៍លោកជាមួយគ្នាជាទៀងទាត់។ ពួកគេចូលរួមកិច្ចប្រជុំក្រុមជំនុំនិងមហាសន្និបាត ហើយពួកគេក៏ចូលរួមក្នុងកិច្ចបម្រើផ្សាយដែរ។ ក្រុមគ្រួសារខ្លះថែមទាំងអាចផ្សព្វផ្សាយនៅតំបន់ដែលមិនសូវបានផ្សព្វផ្សាយ។ ក្រុមគ្រួសារឯទៀតទៅលេងបេតអែល ឬគាំទ្រកិច្ចការសាងសង់អគារសម្រាប់ការគោរពប្រណិប័តន៍ព្រះ។ ក្រុមគ្រួសារដែលសម្រេចចិត្តធ្វើអ្វីទាំងនេះត្រូវចំណាយលុយ ហើយក៏មានការពិបាកផ្សេងៗដែរ។ ប៉ុន្តែព្រះយេហូវ៉ានឹងឲ្យរង្វាន់ជាច្រើនដល់ពួកគេ។ (សូមអាន ធីម៉ូថេទី១ ៦:១៧-១៩) កូនដែលធំឡើងក្នុងក្រុមគ្រួសារបែបនេះ ច្រើនតែបន្តមានទម្លាប់ល្អដែលពួកគេបានរៀនតាំងពីតូចមក ហើយពួកគេមិនបានស្ដាយក្រោយទេ។—សុភ. ១០:២២
ចូររៀនពីលោកយេស៊ូ
១២. តើលោកយេស៊ូត្រូវធ្វើអ្វីកាលដែលលោកធំឡើង?
១២ បិតារបស់លោកយេស៊ូនៅស្ថានសួគ៌តែងតែធ្វើការសម្រេចចិត្តល្អ ហើយឪពុកម្ដាយរបស់លោកនៅផែនដីក៏បានធ្វើការសម្រេចចិត្តដ៏ឈ្លាសវៃផងដែរ។ ប៉ុន្តែកាលដែលលោកយេស៊ូធំឡើង លោកត្រូវធ្វើការសម្រេចចិត្តដោយខ្លួនលោក។ (កាឡ. ៦:៥) ដូចយើងទាំងអស់គ្នា លោកមានចិត្តសេរី។ បើលោកចង់ លោកអាចសម្រេចចិត្តស្វែងរកប្រយោជន៍ផ្ទាល់ខ្លួនបាន។ ប៉ុន្តែ លោកបានសម្រេចចិត្តរក្សាចំណងមិត្តភាពជិតស្និទ្ធជាមួយព្រះយេហូវ៉ាវិញ។ (យ៉ូន. ៨:២៩) តើគំរូរបស់លោកអាចជួយប្អូនៗវ័យក្មេងនៅសព្វថ្ងៃនេះយ៉ាងដូចម្ដេច?
ប្អូនៗវ័យក្មេង សូមកុំបដិសេធការណែនាំពីឪពុកម្ដាយឡើយ (សូមមើលវគ្គ១៣) *
១៣. តើលោកយេស៊ូបានធ្វើការសម្រេចចិត្តសំខាន់អ្វីពេលលោកនៅក្មេង?
១៣ តាំងពីលោកយេស៊ូនៅក្មេង លោកសម្រេចចិត្តចុះចូលនឹងឪពុកម្ដាយរបស់លោក។ លោកតែងតែស្ដាប់បង្គាប់ឪពុកម្ដាយរបស់លោក ហើយមិនដែលគិតថាលោកចេះជាងពួកគាត់ទេ។ ផ្ទុយទៅវិញ លោក«បន្តចុះចូលក្នុងឱវាទរបស់ពួកគាត់»។ (លូក. ២:៥១) លោកយេស៊ូជាកូនប្រុសច្បង ហើយនេះមានន័យថាលោកមានកាតព្វកិច្ចផ្សេងៗ។ លោកទំនងជាខំអស់ពីសមត្ថភាពដើម្បីបំពេញកាតព្វកិច្ចទាំងនោះ ដូចជាខំប្រឹងរៀនជំនាញពីឪពុកចិញ្ចឹមរបស់លោក ដើម្បីលោកអាចជួយផ្គត់ផ្គង់ក្រុមគ្រួសារលោក។
១៤. ហេតុអ្វីយើងដឹងថាលោកយេស៊ូពូកែសិក្សាបណ្ដាំរបស់ព្រះ?
លូក. ២:៨-១៩, ២៥-៣៨) ប៉ុន្តែ លោកយេស៊ូក៏បានសិក្សាបទគម្ពីរដោយខ្លួនលោកដែរ។ ហេតុអ្វីយើងដឹងថាលោកយេស៊ូពូកែសិក្សាបណ្ដាំរបស់ព្រះ? ពីព្រោះកាលដែលលោកនៅជាកុមារនៅឡើយ ពួកគ្រូនៅក្រុងយេរូសាឡិម«ចេះតែនឹកអស្ចារ្យក្នុងចិត្តដោយសារការយល់ដឹងនិងចម្លើយរបស់កុមារ[យេស៊ូ]»។ (លូក. ២:៤៦, ៤៧) កាលដែលលោកយេស៊ូមានអាយុត្រឹមតែ១២ឆ្នាំ លោកបានសិក្សាបណ្ដាំរបស់ព្រះយ៉ាងច្រើន បានជាលោកជឿជាក់រួចហើយថាព្រះយេហូវ៉ាជាបិតារបស់លោក។—លូក. ២:៤២, ៤៣, ៤៩
១៤ ឪពុកម្ដាយរបស់លោកយេស៊ូទំនងជាបានប្រាប់លោកអំពីអព្ភូតហេតុនៃកំណើតរបស់លោក និងអ្វីដែលអ្នកនាំសាររបស់ព្រះបាននិយាយអំពីលោក។ (១៥. តើលោកយេស៊ូបានបង្ហាញយ៉ាងណាថាលោកសម្រេចចិត្តធ្វើតាមបំណងប្រាថ្នារបស់ព្រះយេហូវ៉ា?
១៥ កាលដែលលោកយេស៊ូបានរៀនអំពីបំណងប្រាថ្នារបស់ព្រះយេហូវ៉ាចំពោះលោក លោកបានសម្រេចចិត្តធ្វើតាម។ (យ៉ូន. ៦:៣៨) លោកបានដឹងថាមនុស្សជាច្រើននឹងស្អប់លោក ហើយរឿងនោះច្បាស់ជាធ្វើឲ្យលោកគិតយ៉ាងដិតដល់។ ទោះជាយ៉ាងនោះក៏ដោយ លោកបានសម្រេចចិត្តចុះចូលនឹងព្រះយេហូវ៉ា។ ពេលលោកយេស៊ូបានទទួលការជ្រមុជទឹកនៅឆ្នាំ២៩ គ.ស. អ្វីដ៏សំខាន់បំផុតចំពោះលោកគឺធ្វើតាមបំណងប្រាថ្នារបស់ព្រះយេហូវ៉ា។ (ហេ. ១០:៥-៧) សូម្បីតែពេលលោកយេស៊ូហៀបនឹងស្លាប់នៅលើបង្គោលទារុណកម្ម ក៏លោកបន្តតាំងចិត្តធ្វើតាមបំណងប្រាថ្នារបស់បិតាលោក។—យ៉ូន. ១៩:៣០
១៦. តើកូនៗអាចរៀនអ្វីពីលោកយេស៊ូ?
១៦ ចូរស្ដាប់បង្គាប់ឪពុកម្ដាយរបស់អ្នក។ ដូចយ៉ូសែបនិងម៉ារៀ ឪពុកម្ដាយរបស់អ្នកមិនមែនជាមនុស្សល្អឥតខ្ចោះទេ។ ប៉ុន្តែ ឪពុកម្ដាយរបស់អ្នកបានទទួលភារកិច្ចពីព្រះយេហូវ៉ាឲ្យការពារ បង្ហាត់បង្រៀន និងណែនាំអ្នក។ បើអ្នកស្ដាប់យោបល់ពីពួកគេ និងគោរពសិទ្ធិអំណាចរបស់ពួកគេ នោះអ្នកនឹង«ប្រកបដោយសេចក្ដីសុខ»។—អេភ. ៦:១-៤
១៧. យោងទៅតាមយ៉ូស្វេ ២៤:១៥ តើប្អូនៗវ័យក្មេងត្រូវធ្វើការសម្រេចចិត្តអ្វីដោយខ្លួនឯង?
១៧ ចូរសម្រេចចិត្តថាអ្នកនឹងបម្រើអ្នកណា។ អ្នកត្រូវពិសោធមើលដោយខ្លួនអ្នកឲ្យដឹងថា ព្រះយេហូវ៉ាជាបុគ្គលបែបណា គោលបំណងរបស់លោករួមបញ្ចូលអ្វីខ្លះ និងរបៀបដែលបំណងប្រាថ្នារបស់លោកជាប់ទាក់ទងយ៉ាងណានឹងជីវិតរបស់អ្នកផ្ទាល់។ (រ៉ូម ១២:២) យ៉ាងនេះ អ្នកនឹងអាចធ្វើការសម្រេចចិត្តដ៏សំខាន់បំផុតក្នុងជីវិតរបស់អ្នក ពោលគឺសម្រេចចិត្តបម្រើព្រះយេហូវ៉ា។ (សូមអាន យ៉ូស្វេ ២៤:១៥; សាស្ត. ១២:១) បើអ្នកមានកាលវិភាគអាននិងសិក្សាគម្ពីរជាទៀងទាត់ នោះសេចក្ដីស្រឡាញ់របស់អ្នកចំពោះព្រះយេហូវ៉ានឹងបន្តកើនឡើង ហើយជំនឿរបស់អ្នកទៅលើលោកនឹងកាន់តែរឹងមាំ។
១៨. តើប្អូនៗវ័យក្មេងត្រូវធ្វើការសម្រេចចិត្តអ្វី ហើយតើនេះនឹងមានលទ្ធផលយ៉ាងណា?
១ធី. ៦:៩, ១០) ផ្ទុយទៅវិញ បើអ្នកស្ដាប់តាមព្រះយេហូវ៉ា និងចាត់ទុកបំណងប្រាថ្នារបស់លោកថាសំខាន់បំផុតក្នុងជីវិតរបស់អ្នក នោះអ្នកនឹងទទួលជោគជ័យ ហើយអ្នក«នឹងបានចំរើនឡើង»។—យ៉ូស. ១:៨
១៨ ចូរសម្រេចចិត្តចាត់ទុកបំណងប្រាថ្នារបស់ព្រះយេហូវ៉ាថាសំខាន់បំផុតក្នុងជីវិតរបស់អ្នក។ ពិភពលោករបស់សាថាននិយាយថា បើអ្នកប្រើសមត្ថភាពរបស់អ្នកដើម្បីប្រយោជន៍ខ្លួន អ្នកនឹងសប្បាយ។ ប៉ុន្តែតាមពិត ពួកអ្នកដែលផ្ដោតអារម្មណ៍ទៅលើការចង់មានចង់បាន «ចាក់ទម្លុះខ្លួនគ្រប់កន្លែងដោយទុក្ខវេទនាជាច្រើន»។ (តើអ្នកនឹងសម្រេចចិត្តធ្វើអ្វី?
១៩. តើឪពុកម្ដាយត្រូវចាំអំពីអ្វី?
១៩ ឪពុកម្ដាយទាំងឡាយ ចូរខំអស់ពីសមត្ថភាពដើម្បីជួយក្រុមគ្រួសារឲ្យបម្រើព្រះយេហូវ៉ា។ ចូរពឹងផ្អែកលើលោក ហើយលោកនឹងជួយអ្នកឲ្យធ្វើការសម្រេចចិត្តដ៏ឈ្លាសវៃ។ (សុភ. ៣:៥, ៦) សូមចាំថាការប្រព្រឹត្តរបស់អ្នកមានឥទ្ធិពលលើកូនច្រើនជាងពាក្យសម្ដីរបស់អ្នក។ ដូច្នេះ សូមធ្វើការសម្រេចចិត្តដែលនឹងជួយកូនឲ្យទទួលការពេញចិត្តពីព្រះយេហូវ៉ា។
២០. តើប្អូនៗវ័យក្មេងនឹងទទួលពរអ្វីខ្លះ បើពួកគេសម្រេចចិត្តបម្រើព្រះយេហូវ៉ា?
២០ ប្អូនៗវ័យក្មេង ឪពុកម្ដាយអាចជួយប្អូនឲ្យធ្វើការសម្រេចចិត្តដ៏ឈ្លាសវៃក្នុងជីវិត។ ប៉ុន្តែ ប្អូនគឺជាអ្នកដែលត្រូវធ្វើការសម្រេចចិត្តទាំងនេះ ដើម្បីទទួលការពេញចិត្តពីព្រះ។ ដូច្នេះ ចូរយកតម្រាប់លោកយេស៊ូ ដោយសម្រេចចិត្តបម្រើបិតារបស់ប្អូននៅស្ថានសួគ៌ដែលប្រកបដោយសេចក្ដីស្រឡាញ់។ បើប្អូនធ្វើដូច្នេះ ប្អូននឹងមានជីវិតដ៏មមាញឹក គួរឲ្យរំភើបចិត្ត និងមានន័យខ្លឹមសារនៅឥឡូវនេះ។ (១ធី. ៤:១៦) មួយវិញទៀត នៅថ្ងៃអនាគត ប្អូននឹងមានជីវិតដ៏សប្បាយរីករាយបំផុត!
ចម្រៀងលេខ១៣៣ ចូរគោរពប្រណិប័តន៍ព្រះយេហូវ៉ាពេលនៅក្មេង
^ វគ្គ 5 ឪពុកម្ដាយដែលជាគ្រិស្តសាសនិកចង់ឲ្យកូនរបស់ពួកគេបម្រើព្រះយេហូវ៉ាដោយអំណរពេលដែលពួកគេធំឡើង។ តើឪពុកម្ដាយអាចធ្វើការសម្រេចចិត្តអ្វីដែលនឹងជួយកូនឲ្យសម្រេចគោលដៅនេះ? តើគ្រិស្តសាសនិកវ័យក្មេងត្រូវធ្វើការសម្រេចចិត្តអ្វីខ្លះ ដើម្បីទទួលជោគជ័យពិតប្រាកដក្នុងជីវិត? ក្នុងអត្ថបទនេះ យើងនឹងរកចម្លើយចំពោះសំណួរទាំងនេះ។
^ វគ្គ 64 ការពណ៌នាអំពីរូបភាព: ម៉ារៀទំនងជាបានបង្រៀនកុមារយេស៊ូឲ្យស្រឡាញ់ព្រះយេហូវ៉ាយ៉ាងជ្រាលជ្រៅ។ ម្ដាយនៅសព្វថ្ងៃនេះ ក៏អាចបង្រៀនកូនរបស់ពួកគេឲ្យស្រឡាញ់ព្រះយេហូវ៉ាដែរ។
^ វគ្គ 66 ការពណ៌នាអំពីរូបភាព: យ៉ូសែបទំនងជាបានឲ្យតម្លៃចំពោះការចូលរួមកិច្ចប្រជុំនៅសាលាប្រជុំជាមួយក្រុមគ្រួសាររបស់គាត់។ ឪពុកនៅសព្វថ្ងៃនេះ អាចឲ្យតម្លៃចំពោះការចូលរួមកិច្ចប្រជុំក្រុមជំនុំជាមួយក្រុមគ្រួសាររបស់ពួកគេ។
^ វគ្គ 68 ការពណ៌នាអំពីរូបភាព: លោកយេស៊ូរៀនជំនាញពីឪពុករបស់លោក។ ប្អូនៗវ័យក្មេងនៅសព្វថ្ងៃនេះ អាចរៀនជំនាញពីឪពុករបស់ពួកគេផងដែរ។