អត្ថបទសិក្សា ៤៧
តើជំនឿរបស់អ្នកនឹងមាំមួនយ៉ាងណា?
«កុំឲ្យចិត្តរបស់អ្នករាល់គ្នាថប់បារម្ភឡើយ។ ចូរបង្ហាញជំនឿ»។—យ៉ូន. ១៤:១
ចម្រៀងលេខ១១៩ យើងត្រូវតែមានជំនឿ
សេចក្ដីសង្ខេប *
១. តើយើងប្រហែលជាឆ្ងល់អំពីអ្វី?
ជួនកាល តើអ្នកព្រួយបារម្ភអំពីអ្វីៗដែលនឹងកើតឡើងនៅថ្ងៃអនាគត ដូចជាការបំផ្លាញចោលនៃសាសនាមិនពិត ការវាយប្រហារពីកូកនៃស្រុកម៉ាកូក និងសង្គ្រាមអាម៉ាគេដូនឬទេ? អ្នកប្រហែលជាឆ្ងល់ថា ‹តើខ្ញុំអាចនឹងរក្សាចិត្តស្មោះត្រង់ ពេលដែលព្រឹត្តិការណ៍ដ៏គួរឲ្យស្ញែងខ្លាចទាំងនេះកើតឡើងឬទេ?›។ បើអ្នកធ្លាប់គិតអំពីអ្វីទាំងនេះ ការពិចារណាអំពីប្រសាសន៍របស់លោកយេស៊ូក្នុងបទគម្ពីរជាមូលដ្ឋាននៃអត្ថបទនេះនឹងជួយអ្នក។ លោកយេស៊ូបានប្រាប់អ្នកកាន់តាមលោកថា៖ «កុំឲ្យចិត្តរបស់អ្នករាល់គ្នាថប់បារម្ភឡើយ។ ចូរបង្ហាញជំនឿ»។ (យ៉ូន. ១៤:១) បើយើងមានជំនឿមាំមួន យើងនឹងអាចរក្សាចិត្តស្ងប់ មិនថាមានរឿងអ្វីកើតឡើងក៏ដោយនៅថ្ងៃអនាគត។
២. តើយើងអាចពង្រឹងជំនឿរបស់យើងយ៉ាងដូចម្ដេច ហើយតើយើងនឹងពិចារណាអ្វីខ្លះក្នុងអត្ថបទនេះ?
២ យើងអាចពង្រឹងជំនឿរបស់យើងដើម្បីស៊ូទ្រាំនឹងការពិបាកនៅថ្ងៃខាងមុខ ដោយពិចារណាអំពីរបៀបដែលយើងប្រព្រឹត្តពេលជួបការសាកល្បងជំនឿនៅសព្វថ្ងៃនេះ។ ពេលយើងគិតអំពីប្រតិកម្មរបស់យើងចំពោះការសាកល្បងថ្មីៗនេះ យើងអាចដឹងថាយើងត្រូវពង្រឹងជំនឿរបស់យើងនៅចំណុចណាខ្លះ។ រាល់ដងដែលយើងស៊ូទ្រាំនឹងទុក្ខលំបាក ជំនឿរបស់យើងកាន់តែរឹងមាំ។ នេះនឹងជួយយើងឲ្យស៊ូទ្រាំនឹងការពិបាកនៅថ្ងៃខាងមុខ។ ក្នុងអត្ថបទនេះ យើងនឹងពិចារណាឡើងវិញអំពីស្ថានភាពបួនដែលបង្ហាញថា អ្នកកាន់តាមលោកយេស៊ូត្រូវមានជំនឿថែមទៀត។ បន្ទាប់មក យើងនឹងពិចារណាអំពីរបៀបដែលយើងអាចប្រឈមមុខនឹងការពិបាកដែលស្រដៀងនឹងនោះនៅសព្វថ្ងៃនេះ និងរបៀបដែលការពិបាកទាំងនោះអាចជួយយើងឲ្យត្រៀមខ្លួនសម្រាប់ថ្ងៃអនាគត។
ជំនឿថាព្រះនឹងផ្គត់ផ្គង់យើង
យើងប្រហែលជាជួបបញ្ហាលុយកាក់ ប៉ុន្តែជំនឿរបស់យើងនឹងជួយយើងឲ្យបន្តផ្ដោតអារម្មណ៍ទៅលើការបម្រើព្រះយេហូវ៉ា (សូមមើលវគ្គ៣-៦)
៣. តើប្រសាសន៍របស់លោកយេស៊ូនៅម៉ាថាយ ៦:៣០, ៣៣ ជួយយើងឲ្យយល់អ្វី?
៣ គឺជាការធម្មតាដែលមេគ្រួសារចង់ផ្គត់ផ្គង់ម្ហូបអាហារ សម្លៀកបំពាក់ និងកន្លែងស្នាក់នៅឲ្យប្រពន្ធកូនគាត់។ ប៉ុន្តែ នេះមិនតែងតែស្រួលនៅគ្រាដ៏លំបាកនេះទេ។ ម៉ាថាយ ៦:៣០, ៣៣) ពេលយើងជឿជាក់ថាព្រះយេហូវ៉ានឹងមិនបោះបង់ចោលយើង យើងអាចបន្តផ្ដោតអារម្មណ៍ទៅលើកិច្ចការរាជាណាចក្រ។ ម្យ៉ាងទៀត កាលដែលយើងឃើញរបៀបដែលព្រះយេហូវ៉ាជួយផ្គត់ផ្គង់សេចក្ដីត្រូវការរបស់យើង យើងនឹងចូលកាន់តែជិតលោក ហើយជំនឿរបស់យើងទៅលើលោកនឹងកាន់តែរឹងមាំឡើង។
បងប្អូនខ្លះបានបាត់បង់ការងារ។ ទោះជាពួកគេខំព្យាយាមរកការងារថ្មីក៏ដោយ ពួកគេរកមិនបានទេ។ បងប្អូនខ្លះទៀតរកការងារបាន ប៉ុន្តែនោះមិនសមនឹងអ្នកបម្រើព្រះឡើយ។ ក្នុងស្ថានភាពទាំងនេះ យើងត្រូវតែមានជំនឿរឹងមាំថា ព្រះយេហូវ៉ានឹងផ្គត់ផ្គង់អ្វីៗដែលក្រុមគ្រួសារយើងត្រូវការ។ លោកយេស៊ូបានលើកឡើងអំពីចំណុចនេះដល់ពួកអ្នកកាន់តាមលោកក្នុងសុន្ទរកថារបស់លោកនៅលើភ្នំ។ (សូមអាន៤-៥. តើអ្វីបានជួយក្រុមគ្រួសារមួយដែលខ្វល់ខ្វាយអំពីជីវភាព?
៤ សូមគិតអំពីក្រុមគ្រួសារមួយនៅប្រទេសវ៉េណេស៊ុយអេឡា ដែលបានឃើញរបៀបដែលព្រះយេហូវ៉ាជួយពួកគេ ពេលដែលពួកគេខ្វល់ខ្វាយអំពីជីវភាពប្រចាំថ្ងៃ។ កាលពីមុន ក្រុមគ្រួសារនេះមានដីចម្ការដែលអាចផ្គត់ផ្គង់ជីវភាពរបស់ពួកគេ។ ប៉ុន្តែ ក្រោយមកមានបុរសមួយក្រុមដែលប្រដាប់ដោយអាវុធមកប្លន់យកដីចម្ការរបស់ពួកគេ ហើយបណ្ដេញពួកគេចេញ។ បងមីកេលដែលជាឪពុកបាននិយាយថា៖ «ឥឡូវ ជីវភាពរបស់យើងពឹងផ្អែកទៅលើដីចម្ការតូចមួយដែលយើងខ្ចីពីគេ។ រាល់ថ្ងៃព្រឹកឡើង ខ្ញុំអធិដ្ឋានទៅព្រះយេហូវ៉ាសុំលោកផ្គត់ផ្គង់អ្វីដែលយើងត្រូវការសម្រាប់ថ្ងៃនោះ»។ ជីវិតរបស់ក្រុមគ្រួសារនេះគឺមិនស្រួលទេ ប៉ុន្តែពួកគេទុកចិត្តថាព្រះយេហូវ៉ានឹងផ្គត់ផ្គង់អ្វីដែលពួកគេត្រូវការប្រចាំថ្ងៃ។ ដូច្នេះ ពួកគេបន្តចូលរួមកិច្ចប្រជុំនិងកិច្ចបម្រើផ្សាយជាទៀងទាត់។ ពួកគេចាត់ទុកកិច្ចបម្រើព្រះយេហូវ៉ាជាអ្វីសំខាន់បំផុត ហើយព្រះយេហូវ៉ាផ្គត់ផ្គង់អ្វីដែលពួកគេត្រូវការ។
៥ ក្នុងអំឡុងគ្រាដ៏ពិបាកនេះ បងមីកេលនិងប្រពន្ធរបស់គាត់យូរ៉ៃបានផ្ដោតអារម្មណ៍ទៅលើរបៀបដែលព្រះយេហូវ៉ាយកចិត្តទុកដាក់ចំពោះពួកគេ។ ជួនកាល ព្រះយេហូវ៉ាបានប្រើបងប្អូនរួមជំនឿឲ្យផ្ដល់អ្វីខ្លះៗដែលក្រុមគ្រួសារពួកគេត្រូវការ ឬជួយបងមីកេលឲ្យរកការងារធ្វើ។ នៅពេលផ្សេងទៀត ព្រះយេហូវ៉ាបានប្រើការិយាល័យសាខាឲ្យផ្ដល់អ្វីខ្លះៗដែលពួកគេត្រូវការ។ ព្រះយេហូវ៉ាមិនដែលបោះបង់ចោលពួកគេឡើយ។ ជាលទ្ធផល ពួកគេឃើញថាជំនឿរបស់ក្រុមគ្រួសារកាន់តែរឹងមាំ។ ក្រោយរៀបរាប់អំពីពេលមួយដែលព្រះយេហូវ៉ាបានជួយពួកគេ ហូសាលីនដែលជាកូនស្រីច្បងរបស់ពួកគេនិយាយថា៖ «ខ្ញុំទទួលការលើកទឹកចិត្ត ដោយឃើញអំពីរបៀបដែលព្រះយេហូវ៉ាបានជួយពួកយើង។ ព្រះយេហូវ៉ាជាមិត្តសម្លាញ់ម្នាក់ដែលខ្ញុំតែងតែអាចពឹងពាក់បាន»។ ប្អូនហូសាលីនបន្ថែមថា៖ «បញ្ហាដែលយើងជួបជាក្រុមគ្រួសារបានជួយយើងឲ្យត្រៀមខ្លួនចំពោះបញ្ហាដែលពិបាកជាងនៅថ្ងៃអនាគត»។
៦. តើអ្នកអាចពង្រឹងជំនឿរបស់អ្នកយ៉ាងដូចម្ដេច ពេលអ្នកមានបញ្ហាលុយកាក់?
៦ តើអ្នកមានបញ្ហាលុយកាក់ឬទេ? បើមាន នេះពិបាកសម្រាប់អ្នក។ ប៉ុន្តែ អ្នកនៅតែអាចប្រើគ្រាដ៏ពិបាកនេះដើម្បីពង្រឹងជំនឿរបស់អ្នក។ សូមអធិដ្ឋានទៅព្រះយេហូវ៉ា ហើយអានប្រសាសន៍របស់លោកយេស៊ូដែលបានត្រូវកត់ទុកនៅម៉ាថាយ ៦:២៥-៣៤ រួចមកសូមរំពឹងគិតអំពីប្រសាសន៍នោះ។ សូមពិចារណាបទពិសោធន៍របស់បងប្អូនរួមជំនឿនៅសព្វថ្ងៃនេះ ដែលបង្ហាញថាព្រះយេហូវ៉ាផ្គត់ផ្គង់សេចក្ដីត្រូវ ការរបស់ពួកអ្នកដែលជាប់រវល់ក្នុងកិច្ចបម្រើលោក។ (១កូ. ១៥:៥៨) ពេលដែលអ្នកធ្វើដូច្នេះ អ្នកនឹងជឿជាក់កាន់តែខ្លាំងឡើងថាព្រះយេហូវ៉ានឹងផ្ដល់ជំនួយដែលអ្នកត្រូវការ ដូចដែលលោកបានធ្វើចំពោះបងប្អូនឯទៀតដែលស្ថិតនៅក្នុងស្ថានភាពស្រដៀងនឹងអ្នក។ លោកដឹងថាអ្នកត្រូវការអ្វី ហើយលោកដឹងអំពីរបៀបផ្ដល់អ្វីទាំងនោះឲ្យអ្នក។ កាលដែលអ្នកទទួលជំនួយពីព្រះយេហូវ៉ាក្នុងជីវិតរបស់អ្នក អ្នកនឹងមានជំនឿកាន់តែរឹងមាំ ហើយអ្នកនឹងអាចស៊ូទ្រាំទុក្ខលំបាកដ៏ធំជាងនេះដែលនឹងមាននៅថ្ងៃអនាគត។—ហាប. ៣:១៧, ១៨
ជំនឿដើម្បីស៊ូទ្រាំនឹង«ខ្យល់ព្យុះយ៉ាងខ្លាំង»
ជំនឿរឹងមាំអាចជួយយើងឲ្យស៊ូទ្រាំនឹងខ្យល់ព្យុះមែនទែន ឬបញ្ហាដែលប្រៀបដូចជាខ្យល់ព្យុះ (សូមមើលវគ្គ៧-១១)
៧. យោងទៅតាមម៉ាថាយ ៨:២៣-២៦ តើ«ខ្យល់ព្យុះយ៉ាងខ្លាំង»បានសាកល្បងជំនឿរបស់ពួកអ្នកកាន់តាមលោកយេស៊ូយ៉ាងដូចម្ដេច?
៧ ពេលលោកយេស៊ូនិងពួកអ្នកកាន់តាមលោកបានជួបខ្យល់ព្យុះដ៏ខ្លាំងមួយនៅសមុទ្រ លោកយេស៊ូបានប្រើព្រឹត្តិការណ៍នោះដើម្បីបង្រៀនពួកអ្នកកាន់តាមលោកអំពីចំណុចណាដែលពួកគេត្រូវការជំនឿថែមទៀត។ (សូមអាន ម៉ាថាយ ៨:២៣-២៦) កាលដែលខ្យល់ព្យុះកំពុងតែបក់បោកយ៉ាងខ្លាំងនិងមានទឹកចូលទូក លោកយេស៊ូកំពុងសម្រាន្តលក់។ ពួកអ្នកកាន់តាមដែលមានអារម្មណ៍ភ័យខ្លាចបានមកដាស់លោកយេស៊ូ ហើយសុំលោកឲ្យជួយសង្គ្រោះពួកគេ។ លោកយេស៊ូបានកែតម្រង់ពួកគេដោយមានប្រសាសន៍ថា៖ «អ្នករាល់គ្នាដែលមានជំនឿតិច ហេតុអ្វីបានជាភ័យខ្លាចដូច្នេះ?»។ ពួកអ្នកកាន់តាមគួរតែដឹងថា ព្រះយេហូវ៉ាមានសមត្ថភាពការពារលោកយេស៊ូនិងពួកអ្នកដែលនៅជាមួយលោកពីគ្រោះថ្នាក់ផ្សេងៗ។ តើយើងអាចរៀនមេរៀនអ្វី? យើងរៀនថាបើជំនឿរបស់យើងរឹងមាំ យើងអាចស៊ូទ្រាំនឹង«ខ្យល់ព្យុះ»មែនទែន ឬបញ្ហាដែលប្រៀបដូចជាខ្យល់ព្យុះ។
៨-៩. តើទុក្ខលំបាកអ្វីបានសាកល្បងជំនឿរបស់បងអាណិល ហើយតើអ្វីបានជួយគាត់?
៨ សូមគិតអំពីរបៀបដែលជំនឿរបស់បងស្រីនៅលីវម្នាក់ឈ្មោះអាណិលពីប្រទេសព័រតូរីកូបានមាំមួនឡើង ដោយសារគាត់បានស៊ូទ្រាំនឹងទុក្ខលំបាកមួយ។ គាត់បានរងគ្រោះមហន្តរាយធម្មជាតិ។ នៅឆ្នាំ២០១៧ ព្យុះសង្ឃរាម៉ារៀបានបំផ្លិចបំផ្លាញផ្ទះរបស់បងអាណិល ហើយក្រោយមកដោយសារព្យុះនោះ គាត់បានបាត់បង់ការងារ។ បងអាណិលសារភាពថា៖ «ក្នុងអំឡុងពេលដ៏ពិបាកនោះ ខ្ញុំខ្វល់ខ្វាយ ប៉ុន្តែខ្ញុំរៀនឲ្យចេះទុកចិត្តព្រះយេហូវ៉ាតាមរយៈសេចក្ដីអធិដ្ឋាន ហើយមិនឲ្យការខ្វល់ខ្វាយរារាំងខ្ញុំពីការធ្វើអ្វីដែលខ្ញុំត្រូវធ្វើឡើយ»។
៩ បងអាណិលនិយាយអំពីអ្វីមួយទៀតដែលបានជួយគាត់ឲ្យស៊ូទ្រាំនឹងទុក្ខលំបាកនោះ គឺការស្ដាប់បង្គាប់។ គាត់និយាយថា៖ «ការធ្វើតាមការណែនាំពីអង្គការព្រះយេហូវ៉ាបានជួយខ្ញុំឲ្យរក្សាចិត្តស្ងប់។ ព្រះយេហូវ៉ាបានជួយខ្ញុំតាមរយៈបងប្អូនរួមជំនឿ ពួកគេបានលើកទឹកចិត្តខ្ញុំនិងផ្ដល់អ្វីដែលខ្ញុំត្រូវការ»។ គាត់បន្ថែមថា៖ «ព្រះយេហូវ៉ាបានឲ្យខ្ញុំលើសពីអ្វីដែលខ្ញុំបានសុំពីលោក ហើយជំនឿរបស់ខ្ញុំកាន់តែមាំមួនឡើងៗ»។
១០. តើអ្នកអាចធ្វើអ្វី បើអ្នកជួប«ខ្យល់ព្យុះយ៉ាងខ្លាំង»?
១០ តើអ្នកកំពុងជួប«ខ្យល់ព្យុះយ៉ាងខ្លាំង»ក្នុងជីវិតរបស់អ្នកឬទេ? អ្នកប្រហែលជាកំពុងជួបការពិបាក ដោយសារមានមហន្តរាយធម្មជាតិ។ ឬអ្នកប្រហែលជាកំពុងជួបការពិបាកដែលប្រៀបដូចជា«ខ្យល់ព្យុះយ៉ាងខ្លាំង» ដូចជាបញ្ហាសុខភាពធ្ងន់ធ្ងរដែលធ្វើឲ្យអ្នកធ្លាក់ទឹកចិត្តយ៉ាងខ្លាំង និងមិនដឹងថាគួរធ្វើយ៉ាងណា។ ពេលខ្លះអ្នកប្រហែលជាខ្វល់ខ្វាយ ប៉ុន្តែសូមកុំឲ្យការខ្វល់ខ្វាយធ្វើឲ្យអ្នកលែងទុកចិត្តទៅលើព្រះយេហូវ៉ាចសព. ៧៧:១១, ១២) សូមជឿជាក់ថា ព្រះយេហូវ៉ានឹងមិនបោះបង់ចោលអ្នកឡើយនៅឥឡូវនេះនិងជារៀងរហូតតទៅ។
ឡើយ។ សូមចូលទៅជិតលោកដោយអធិដ្ឋានយ៉ាងអស់ពីចិត្ត។ សូមពង្រឹងជំនឿរបស់អ្នកដោយរំពឹងគិតអំពីរបៀបដែលព្រះយេហូវ៉ាបានជួយអ្នកនៅពេលកន្លងមក។ (១១. ហេតុអ្វីយើងគួរតាំងចិត្តស្ដាប់បង្គាប់ពួកអ្នកនាំមុខ?
១១ តើអ្វីទៀតអាចជួយអ្នកឲ្យស៊ូទ្រាំនឹងទុក្ខលំបាក? ដូចបងអាណិលបានរៀបរាប់ គឺការស្ដាប់បង្គាប់។ សូមរៀនឲ្យចេះទុកចិត្តពួកអ្នកដែលព្រះយេហូវ៉ានិងលោកយេស៊ូទុកចិត្ត។ ជួនកាល ពួកអ្នកដែលបានត្រូវតែងតាំងឲ្យនាំមុខ ប្រហែលជាផ្ដល់ការណែនាំដែលស្ដាប់ទៅចម្លែកចំពោះយើង។ ទោះជាយ៉ាងនោះក៏ដោយ ព្រះយេហូវ៉ាឲ្យពរចំពោះការស្ដាប់បង្គាប់។ តាមរយៈបណ្ដាំរបស់លោកនិងបទពិសោធន៍របស់អ្នកបម្រើដ៏ស្មោះត្រង់ យើងដឹងថាការស្ដាប់បង្គាប់អាចសង្គ្រោះជីវិត។ (ដច. ១៤:១-៤; ២ប្រ. ២០:១៧) សូមរំពឹងគិតអំពីគំរូទាំងនេះ។ ការធ្វើដូច្នេះនឹងនាំឲ្យអ្នកកាន់តែតាំងចិត្តធ្វើតាមការណែនាំពីអង្គការរបស់ព្រះយេហូវ៉ា នៅឥឡូវនេះនិងនៅថ្ងៃអនាគត។ (ហេ. ១៣:១៧) ដូច្នេះ អ្នកនឹងគ្មានហេតុភ័យខ្លាចចំពោះទុក្ខវេទនាជាខ្លាំងដែលនឹងមកនៅឆាប់ៗខាងមុខនេះឡើយ។—សុភ. ៣:២៥
ជំនឿដើម្បីស៊ូទ្រាំនឹងភាពអយុត្តិធម៌
ការអធិដ្ឋានឥតឈប់នឹងពង្រឹងជំនឿរបស់យើង (សូមមើលវគ្គ១២)
១២. តើលូកា ១៨:១-៨ បង្ហាញថាការមានជំនឿនិងការស៊ូទ្រាំនឹងអំពើអយុត្តិធម៌ជាប់ទាក់ទងគ្នាយ៉ាងដូចម្ដេច?
១២ លោកយេស៊ូដឹងថាអំពើអយុត្តិធម៌នឹងធ្វើឲ្យពួកអ្នកកាន់តាមលោកពិបាករក្សាជំនឿ។ ដើម្បីជួយពួកគេឲ្យស៊ូទ្រាំ លោកបានលើកឧទាហរណ៍មួយដែលបានត្រូវកត់ទុកនៅក្នុងសៀវភៅលូកា។ លោកយេស៊ូប្រាប់អំពីស្ត្រីមេម៉ាយដែលបន្តសុំចៅក្រមមិនសុចរិតម្នាក់ឲ្យរកយុត្តិធម៌ឲ្យគាត់។ ស្ត្រីនោះជឿជាក់ថាបើគាត់បន្តសុំជំនួយ ចៅក្រមនោះនឹងជួយគាត់។ នៅទីបំផុត ចៅក្រមនោះបានធ្វើតាមការអង្វរសុំរបស់គាត់។ តើយើងអាចរៀនមេរៀនអ្វីពីឧទាហរណ៍នេះ? ព្រះយេហូវ៉ាមិនអយុត្តិធម៌ទេ។ ដូច្នេះ លោកយេស៊ូបានមានប្រសាសន៍ថា៖ «បើដូច្នេះ ព្រះប្រាកដជានឹងរកយុត្តិធម៌ឲ្យអ្នកដែលលោកបានជ្រើសរើស ដែលស្រែករកលោកទាំងយប់ទាំងថ្ងៃ មែនទេ?»។ (សូមអាន លូកា ១៨:១-៨) បន្ទាប់មក លោកយេស៊ូមានប្រសាសន៍ថា៖ «ពេលដែលកូនមនុស្សមកដល់ តើលោកពិតជានឹងឃើញមនុស្សដែលមានជំនឿដូចនេះនៅផែនដីឬទេ?»។ ពេលយើងរងអំពើអយុត្តិធម៌ យើងត្រូវបង្ហាញដោយចិត្តអត់ធ្មត់និងដោយតស៊ូព្យាយាមថា យើងមានជំនឿរឹងមាំដូចស្ត្រីមេម៉ាយនោះ។ បើយើងមានជំនឿបែបនោះ យើងអាចជឿជាក់ថាព្រះយេហូវ៉ានឹងជួយយើង។ យើងក៏ត្រូវជឿជាក់ថាការអធិដ្ឋានរបស់យើងមានប្រសិទ្ធភាព។ ជួនកាល ការអធិដ្ឋានរបស់យើងនឹងទទួលចម្លើយដែលយើងនឹកស្មានមិនដល់។
១៣. តើតាមរបៀបណាសេចក្ដីអធិដ្ឋានបានជួយក្រុមគ្រួសារមួយដែលរងអំពើអយុត្តិធម៌?
១៣ សូមគិតអំពីបទពិសោធន៍របស់បងស្រីម្នាក់ឈ្មោះវេរ៉ូ ដែលរស់នៅសាធារណរដ្ឋប្រជាធិបតេយ្យកុងហ្គោ។ គាត់មានប្ដីដែលមិនមែនជាអ្នកជឿ និងកូនស្រីម្នាក់ដែលមានអាយុ១៥ឆ្នាំ។ ដោយសារទាហានមួយក្រុមដែលប្រដាប់ដោយអាវុធបានមកវាយប្រហារភូមិរបស់ពួកគេ ពួកគេបានរត់ភៀសខ្លួន។ នៅតាមផ្លូវ ក្រុមគ្រួសារនោះបានមកដល់កន្លែងយាមកាមរបស់ពួកទាហានមួយក្រុមដែលប្រដាប់ដោយអាវុធ ហើយពួកទាហានទាំងនោះបានគំរាមសម្លាប់ពួកម៉ាថាយ ៦:៩-១៣»។ ក្រោយមក មេបញ្ជាការនោះក៏និយាយថា៖ «នាងតូច សូមទៅឲ្យបានសុខជាមួយឪពុកម្ដាយនាងចុះ ហើយសូមឲ្យយេហូវ៉ាជាព្រះរបស់នាងតាមថែរក្សានាង!»។
គេ។ ពេលនោះបងវេរ៉ូចាប់ផ្ដើមយំ កូនស្រីគាត់បានមកជួយគាត់ដោយអធិដ្ឋានឮៗនិងប្រើនាមរបស់ព្រះយេហូវ៉ាម្ដងហើយម្ដងទៀត។ ពេលកូនស្រីអធិដ្ឋានចប់ មេបញ្ជាការបានសួរថា៖ «នែ នាងតូច អ្នកណាបង្រៀនឲ្យអធិដ្ឋាន?»។ កូនស្រីតបថា៖ «ម្ដាយខ្ញុំបង្រៀនខ្ញុំតាមគំរូនៅ១៤. តើអ្វីប្រហែលជាសាកល្បងជំនឿរបស់យើង ហើយតើអ្វីនឹងជួយយើងឲ្យស៊ូទ្រាំ?
១៤ បទពិសោធន៍បែបនេះបង្រៀនយើងមិនឲ្យភ្លេចថាការអធិដ្ឋានមានប្រសិទ្ធភាព។ ប៉ុន្តែ ចុះយ៉ាងណាបើសេចក្ដីអធិដ្ឋានរបស់យើងមិនបានទទួលចម្លើយភ្លាមៗ ឬមិនបានតបឆ្លើយតាមរបៀបដ៏គួរឲ្យកោតស្ងើច? ដូចស្ត្រីមេម៉ាយក្នុងឧទាហរណ៍របស់លោកយេស៊ូ សូមបន្តអធិដ្ឋានដោយជឿជាក់ថាព្រះយេហូវ៉ានឹងមិនបោះបង់ចោលអ្នក ហើយថាលោកនឹងតបឆ្លើយសេចក្ដីអធិដ្ឋានរបស់អ្នកនៅពេលណាមួយ។ សូមបន្តអង្វរសុំឫទ្ធានុភាពបរិសុទ្ធពីព្រះយេហូវ៉ា។ (ភី. ៤:១៣) សូមចាំថាមិនយូរទៀតព្រះយេហូវ៉ានឹងឲ្យពរជាបរិបូរ រហូតដល់អ្នកមិននឹកចាំអំពីទុក្ខលំបាកណាដែលអ្នកធ្លាប់ជួបនៅអតីតកាល។ កាលដែលអ្នកស៊ូទ្រាំនឹងទុក្ខលំបាកយ៉ាងស្មោះត្រង់ដោយមានជំនួយពីព្រះយេហូវ៉ា អ្នកនឹងមានកម្លាំងចិត្តកាន់តែខ្លាំងសម្រាប់ថ្ងៃអនាគត។—១ពេ. ១:៦, ៧
ជំនឿដើម្បីយកឈ្នះឧបសគ្គ
១៥. នៅម៉ាថាយ ១៧:១៩, ២០ តើពួកអ្នកកាន់តាមលោកយេស៊ូជួបបញ្ហាអ្វី?
១៥ លោកយេស៊ូបានបង្រៀនពួកអ្នកកាន់តាមលោកថា ជំនឿនឹងជួយពួកគេឲ្យយកឈ្នះឧបសគ្គផ្សេងៗ។ (សូមអាន ម៉ាថាយ ១៧:១៩, ២០) នៅពេលមួយ ពួកគេមិនអាចបណ្ដេញវិញ្ញាណកំណាចចេញពីបុគ្គលម្នាក់បានទេ ទោះជាពួកគេធ្លាប់ធ្វើពីមុនក៏ដោយ។ តើអ្វីជាបញ្ហា? លោកយេស៊ូបានពន្យល់ថាពួកគេត្រូវការជំនឿថែមទៀត។ លោកបានប្រាប់ពួកគេថាបើពួកគេមានជំនឿរឹងមាំ ពួកគេអាចយកឈ្នះឧបសគ្គដែលធំប៉ុនភ្នំ! នៅសព្វថ្ងៃនេះ យើងក៏ប្រហែលជាជួបឧបសគ្គដែលមើលទៅធំប៉ុនភ្នំផងដែរ។
យើងប្រហែលជាកើតទុក្ខជាពន់ពេក ប៉ុន្តែជំនឿរបស់យើងនឹងជួយយើងឲ្យបន្តជាប់រវល់ក្នុងការបម្រើព្រះយេហូវ៉ា (សូមមើលវគ្គ១៦)
១៦. តើជំនឿបានជួយបងកេឌីយ៉ាងណាឲ្យស៊ូទ្រាំក្រោយពីប្ដីរបស់គាត់បានត្រូវគេធ្វើឃាត?
១៦ សូមគិតអំពីបទពិសោធន៍របស់បងស្រីកេឌីនៅប្រទេសក្វាតេម៉ាឡា។ ប្ដីរបស់គាត់ឈ្មោះអេឌីបានត្រូវឧក្រិដ្ឋជនសម្លាប់ កាលដែលពួកគេត្រឡប់មកផ្ទះវិញក្រោយពីកិច្ចប្រជុំមួយ។ តើជំនឿរបស់បងកេឌីបានជួយគាត់ឲ្យស៊ូទ្រាំនឹងរឿងដ៏ខ្លោចផ្សានេះយ៉ាងដូចម្ដេច? បងកេឌីនិយាយថា៖ «ការអធិដ្ឋានជួយខ្ញុំឲ្យផ្ទេរបន្ទុកទៅព្រះយេហូវ៉ា ហើយនេះជួយខ្ញុំឲ្យមានសេចក្ដីសុខសាន្តក្នុងចិត្ត។ ព្រះយេហូវ៉ាក៏ជួយខ្ញុំតាមរយៈក្រុមគ្រួសារនិងមិត្តភក្តិក្នុងក្រុមជំនុំដែរ។ ការជាប់រវល់ក្នុងកិច្ចបម្រើព្រះបានធ្វើឲ្យខ្ញុំលែងសូវឈឺចិត្ត ហើយជួយខ្ញុំឲ្យបន្តស៊ូទ្រាំពីមួយថ្ងៃទៅមួយថ្ងៃដោយមិនខ្វល់ខ្វាយច្រើនពេកអំពីថ្ងៃស្អែក។ តាមរយៈបទពិសោធន៍នេះខ្ញុំយល់ថា មិនថាមានទុក្ខលំបាកណាក៏ដោយដែលកើតឡើងនៅថ្ងៃអនាគត ខ្ញុំនឹងអាចស៊ូទ្រាំបានដោយមានជំនួយពីព្រះយេហូវ៉ា លោកយេស៊ូ និងអង្គការរបស់លោក»។
១៧. តើយើងអាចធ្វើអ្វីពេលជួបឧបសគ្គធំប៉ុនភ្នំ?
១៧ តើអ្នកកំពុងសោកសៅដោយសារបុគ្គលជាទីស្រឡាញ់បានស្លាប់ឬទេ? សូមលៃទុកពេលដើម្បីពង្រឹងជំនឿរបស់អ្នកសុភ. ១៨:១) សូមចូលរួមក្នុងសកម្មភាពផ្សេងៗដែលនឹងជួយអ្នកឲ្យស៊ូទ្រាំ ទោះជាអ្នកធ្វើដូច្នេះទាំងទឹកភ្នែកក៏ដោយ។ (ចសព. ១២៦:៥, ៦) សូមបន្តធ្វើតាមទម្លាប់របស់អ្នកក្នុងការទៅកិច្ចប្រជុំ ផ្សព្វផ្សាយ និងអានគម្ពីរ។ ម្យ៉ាងទៀត សូមបន្តផ្ដោតអារម្មណ៍ទៅលើពរដ៏អស្ចារ្យដែលព្រះយេហូវ៉ាបានសន្យាថានឹងឲ្យអ្នកនៅថ្ងៃអនាគត។ កាលដែលអ្នកឃើញរបៀបដែលព្រះយេហូវ៉ាជួយអ្នក ជំនឿរបស់អ្នកនឹងកាន់តែមាំមួនឡើងៗ។
ទៅលើសេចក្ដីសង្ឃឹមអំពីការប្រោសឲ្យរស់ឡើងវិញ ដោយអានកំណត់ហេតុក្នុងគម្ពីរអំពីបុគ្គលផ្សេងៗដែលបានត្រូវប្រោសឲ្យរស់ឡើងវិញ។ តើអ្នកកំពុងកើតទុក្ខដោយសារសមាជិកក្រុមគ្រួសារបានត្រូវបណ្ដាច់មិត្តភាពឬទេ? សូមសិក្សាស្រាវជ្រាវដើម្បីនាំឲ្យខ្លួនជឿជាក់ថា ការប្រៀនប្រដៅរបស់ព្រះគឺតែងតែល្អបំផុត។ មិនថាអ្នកមានបញ្ហាអ្វីក៏ដោយ សូមទុកនោះជាឱកាសដើម្បីពង្រឹងជំនឿរបស់អ្នក។ សូមប្រាប់ព្រះយេហូវ៉ាអំពីអារម្មណ៍របស់អ្នកដោយអស់ពីចិត្ត។ សូមកុំញែកខ្លួនចេញពីអ្នកឯទៀត ប៉ុន្តែសូមរក្សាភាពជិតស្និទ្ធជាមួយបងប្អូនរួមជំនឿ។ («សូមជួយយើងឲ្យមានជំនឿថែមទៀត»
១៨. បើអ្នកកត់សម្គាល់ថាជំនឿរបស់អ្នកមិនសូវមាំមួន តើអ្នកអាចធ្វើអ្វី?
១៨ បើទុក្ខលំបាកដែលអ្នកជួបនៅសព្វថ្ងៃនេះ ឬនៅអតីតកាលបង្ហាញថាជំនឿរបស់អ្នកមានភាពទន់ខ្សោយនៅចំណុចណាមួយ សូមកុំធ្លាក់ទឹកចិត្តឡើយ។ សូមចាត់ទុកថានេះជាឱកាសដើម្បីពង្រឹងជំនឿរបស់អ្នក។ សូមធ្វើសំណូមពរដូចពួកសាវ័កដែលនិយាយថា៖ «សូមជួយយើងឲ្យមានជំនឿថែមទៀត»។ (លូក. ១៧:៥) ម្យ៉ាងទៀត សូមគិតពិចារណាអំពីគំរូផ្សេងៗដែលមានក្នុងអត្ថបទនេះ។ ដូចបងមីកេលនិងបងយូរ៉ៃ សូមនឹកចាំអំពីពេលផ្សេងៗដែលព្រះយេហូវ៉ាបានជួយអ្នក។ ដូចបងអាណិលនិងកូនស្រីរបស់បងវេរ៉ូ សូមអធិដ្ឋានទៅព្រះយេហូវ៉ាអស់ពីចិត្ត ជាពិសេសពេលអ្នកមានបញ្ហាធំ។ ដូចបងកេឌី សូមទទួលស្គាល់ថាព្រះយេហូវ៉ាអាចផ្ដល់ជំនួយដែលអ្នកត្រូវការតាមរយៈក្រុមគ្រួសារឬមិត្តភក្តិ។ ពេលព្រះយេហូវ៉ាជួយអ្នកឲ្យស៊ូទ្រាំនឹងទុក្ខលំបាកផ្សេងៗដែលអ្នកមាននៅឥឡូវនេះ នោះនឹងជួយអ្នកឲ្យកាន់តែជឿជាក់ថាលោកនឹងជួយអ្នកស៊ូទ្រាំនឹងទុក្ខលំបាកណាក៏ដោយដែលអ្នកប្រហែលជាជួបប្រទះនៅថ្ងៃអនាគត។
១៩. តើលោកយេស៊ូមានទំនុកចិត្តអ្វី ហើយតើយើងអាចជឿជាក់យ៉ាងណា?
១៩ លោកយេស៊ូបានជួយពួកអ្នកកាន់តាមលោកឲ្យដឹងអំពីចំណុចណាដែលពួកគេត្រូវការជំនឿថែមទៀត។ ប៉ុន្តែលោកដឹងថាដោយមានជំនួយពីព្រះយេហូវ៉ា ពួកគេអាចយកឈ្នះទុក្ខលំបាកនៅថ្ងៃអនាគតបាន។ (យ៉ូន. ១៤:១; ១៦:៣៣) លោកជឿជាក់ថាដោយមានជំនឿមាំមួន មនុស្សមួយក្រុមធំនឹងរួចជីវិតពីគ្រាទុក្ខវេទនាដ៏ខ្លាំង។ (បប. ៧:៩, ១៤) តើអ្នកនឹងនៅក្នុងចំណោមមនុស្សមួយក្រុមធំនោះឬទេ? ដោយសារគុណដ៏វិសេសលើសលប់របស់ព្រះយេហូវ៉ា អ្នកនឹងនៅក្នុងចំណោមក្រុមនោះបាន បើអ្នកប្រើគ្រប់ឱកាសដែលអ្នកមានដើម្បីពង្រឹងជំនឿនៅឥឡូវនេះ។—ហេ. ១០:៣៩
ចម្រៀងលេខ១១៨ «សូមផ្ដល់ជំនឿមកយើងថែមទៀត»
^ វគ្គ 5 យើងទន្ទឹងរង់ចាំទីបញ្ចប់នៃរបៀបរបបពិភពលោកនេះ។ ប៉ុន្តែ ជួនកាលយើងប្រហែលជាឆ្ងល់ថាតើយើងនឹងមានជំនឿមាំមួនល្មមដើម្បីឲ្យយើងអាចស៊ូទ្រាំរហូតដល់ទីបញ្ចប់ឬយ៉ាងណា។ នៅក្នុងអត្ថបទនេះ យើងនឹងពិចារណាអំពីគំរូរបស់បុគ្គលផ្សេងៗ និងមេរៀនដែលអាចជួយយើងឲ្យពង្រឹងជំនឿរបស់យើង។